1 vnumber="1"> למנצח על-הגתית לבני-קרח מזמור br
2 vnumber="2"> מה-ידידות משכנותיך-- יהוה צבאות br
3 vnumber="3"> נכספה וגם-כלתה נפשי-- לחצרות יהוה br לבי ובשרי-- ירננו אל אל-חי br
4 vnumber="4"> גם-צפור מצאה בית ודרור big ק /big ן לה-- אשר-שתה אפרחיה br את-מזבחותיך יהוה צבאות-- מלכי ואלהי br
5 vnumber="5"> אשרי יושבי ביתך-- עוד יהללוך סלה br
6 vnumber="6"> אשרי אדם עוז-לו בך מסלות בלבבם br
7 vnumber="7"> עברי בעמק הבכא-- מעין ישיתוהו br גם-ברכות יעטה מורה br
8 vnumber="8"> ילכו מחיל אל-חיל יראה אל-אלהים בציון br
9 vnumber="9"> יהוה אלהים צבאות שמעה תפלתי br האזינה אלהי יעקב סלה br
10 vnumber="10"> מגננו ראה אלהים והבט פני משיחך br
11 vnumber="11"> כי טוב-יום בחצריך מאלף br בחרתי--הסתופף בבית אלהי מדור באהלי-רשע br
12 vnumber="12"> כי שמש ומגן-- יהוה אלהים br חן וכבוד יתן יהוה br לא ימנע-טוב להלכים בתמים br (Psalms 84:13) יהוה צבאות-- אשרי אדם בטח בך
art="x-p"/>