1 vnumber="1"> css="font-weight:bold"> א ויהי בימי שפט השפטים ויהי רעב בארץ וילך איש מבית לחם יהודה לגור בשדי מואב--הוא ואשתו ושני בניו
2 vnumber="2"> css="font-weight:bold"> ב ושם האיש אלימלך ושם אשתו נעמי ושם שני בניו מחלון וכליון אפרתים--מבית לחם יהודה ויבאו שדי מואב ויהיו שם
3 vnumber="3"> css="font-weight:bold"> ג וימת אלימלך איש נעמי ותשאר היא ושני בניה
4 vnumber="4"> css="font-weight:bold"> ד וישאו להם נשים מאביות--שם האחת ערפה ושם השנית רות וישבו שם כעשר שנים
5 vnumber="5"> css="font-weight:bold"> ה וימתו גם שניהם מחלון וכליון ותשאר האשה משני ילדיה ומאישה
6 vnumber="6"> css="font-weight:bold"> ו ותקם היא וכלתיה ותשב משדי מואב כי שמעה בשדה מואב--כי פקד יהוה את עמו לתת להם לחם
7 vnumber="7"> css="font-weight:bold"> ז ותצא מן המקום אשר היתה שמה ושתי כלותיה עמה ותלכנה בדרך לשוב אל ארץ יהודה
8 vnumber="8"> css="font-weight:bold"> ח ותאמר נעמי לשתי כלתיה לכנה שבנה אשה לבית אמה יעשה (יעש) יהוה עמכם חסד כאשר עשיתם עם המתים ועמדי
9 vnumber="9"> css="font-weight:bold"> ט יתן יהוה לכם ומצאן מנוחה אשה בית אישה ותשק להן ותשאנה קולן ותבכינה
10 vnumber="10"> css="font-weight:bold"> י ותאמרנה לה כי אתך נשוב לעמך
11 vnumber="11"> css="font-weight:bold"> יא ותאמר נעמי שבנה בנתי למה תלכנה עמי העוד לי בנים במעי והיו לכם לאנשים
12 vnumber="12"> css="font-weight:bold"> יב שבנה בנתי לכן כי זקנתי מהיות לאיש כי אמרתי יש לי תקוה--גם הייתי הלילה לאיש וגם ילדתי בנים
13 vnumber="13"> css="font-weight:bold"> יג הלהן תשברנה עד אשר יגדלו הלהן תעגנה לבלתי היות לאיש אל בנתי כי מר לי מאד מכם--כי יצאה בי יד יהוה
14 vnumber="14"> css="font-weight:bold"> יד ותשנה קולן ותבכינה עוד ותשק ערפה לחמותה ורות דבקה בה
15 vnumber="15"> css="font-weight:bold"> טו ותאמר הנה שבה יבמתך אל עמה ואל אלהיה שובי אחרי יבמתך
16 vnumber="16"> css="font-weight:bold"> טז ותאמר רות אל תפגעי בי לעזבך לשוב מאחריך כי אל אשר תלכי אלך ובאשר תליני אלין--עמך עמי ואלהיך אלהי
17 vnumber="17"> css="font-weight:bold"> יז באשר תמותי אמות ושם אקבר כה יעשה יהוה לי וכה יוסיף--כי המות יפריד ביני ובינך
18 vnumber="18"> css="font-weight:bold"> יח ותרא כי מתאמצת היא ללכת אתה ותחדל לדבר אליה
19 vnumber="19"> css="font-weight:bold"> יט ותלכנה שתיהם עד בואנה בית לחם ויהי כבואנה בית לחם ותהם כל העיר עליהן ותאמרנה הזאת נעמי
20 vnumber="20"> css="font-weight:bold"> כ ותאמר אליהן אל תקראנה לי נעמי קראן לי מרא כי המר שדי לי מאד
21 vnumber="21"> css="font-weight:bold"> כא אני מלאה הלכתי וריקם השיבני יהוה למה תקראנה לי נעמי ויהוה ענה בי ושדי הרע לי
22 vnumber="22"> css="font-weight:bold"> כב ותשב נעמי ורות המואביה כלתה עמה השבה משדי מואב והמה באו בית לחם בתחלת קציר שערים art="x-p"/>