1 vnumber="1"> css="font-weight:bold"> א שמעו איים אלי והקשיבו לאמים מרחוק יהוה מבטן קראני ממעי אמי הזכיר שמי
2 vnumber="2"> css="font-weight:bold"> ב וישם פי כחרב חדה בצל ידו החביאני וישימני לחץ ברור באשפתו הסתירני
3 vnumber="3"> css="font-weight:bold"> ג ויאמר לי עבדי אתה--ישראל אשר בך אתפאר
4 vnumber="4"> css="font-weight:bold"> ד ואני אמרתי לריק יגעתי לתהו והבל כחי כליתי אכן משפטי את יהוה ופעלתי את אלהי {ס} art="x-p"/>
5 vnumber="5"> css="font-weight:bold"> ה ועתה אמר יהוה יוצרי מבטן לעבד לו לשובב יעקב אליו וישראל לא (לו) יאסף ואכבד בעיני יהוה ואלהי היה עזי
6 vnumber="6"> css="font-weight:bold"> ו ויאמר נקל מהיותך לי עבד להקים את שבטי יעקב ונצירי (ונצורי) ישראל להשיב ונתתיך לאור גוים להיות ישועתי עד קצה הארץ {ס} art="x-p"/>
7 vnumber="7"> css="font-weight:bold"> ז כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו--למען יהוה אשר נאמן קדש ישראל ויבחרך {ס} art="x-p"/>
8 vnumber="8"> css="font-weight:bold"> ח כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות
9 vnumber="9"> css="font-weight:bold"> ט לאמר לאסורים צאו לאשר בחשך הגלו על דרכים ירעו ובכל שפיים מרעיתם
10 vnumber="10"> css="font-weight:bold"> י לא ירעבו ולא יצמאו ולא יכם שרב ושמש כי מרחמם ינהגם ועל מבועי מים ינהלם
11 vnumber="11"> css="font-weight:bold"> יא ושמתי כל הרי לדרך ומסלתי ירמון
12 vnumber="12"> css="font-weight:bold"> יב הנה אלה מרחוק יבאו והנה אלה מצפון ומים ואלה מארץ סינים
13 vnumber="13"> css="font-weight:bold"> יג רנו שמים וגילי ארץ יפצחו (ופצחו) הרים רנה כי נחם יהוה עמו וענייו ירחם {ס} art="x-p"/>
14 vnumber="14"> css="font-weight:bold"> יד ותאמר ציון עזבני יהוה ואדני שכחני
15 vnumber="15"> css="font-weight:bold"> טו התשכח אשה עולה מרחם בן בטנה גם אלה תשכחנה ואנכי לא אשכחך
16 vnumber="16"> css="font-weight:bold"> טז הן על כפים חקתיך חומתיך נגדי תמיד
17 vnumber="17"> css="font-weight:bold"> יז מהרו בניך מהרסיך ומחריביך ממך יצאו
18 vnumber="18"> css="font-weight:bold"> יח שאי סביב עיניך וראי כלם נקבצו באו לך חי אני נאם יהוה כי כלם כעדי תלבשי ותקשרים ככלה
19 vnumber="19"> css="font-weight:bold"> יט כי חרבתיך ושממתיך וארץ הרסתך כי עתה תצרי מיושב ורחקו מבלעיך
20 vnumber="20"> css="font-weight:bold"> כ עוד יאמרו באזניך בני שכליך צר לי המקום גשה לי ואשבה
21 vnumber="21"> css="font-weight:bold"> כא ואמרת בלבבך מי ילד לי את אלה ואני שכולה וגלמודה גלה וסורה ואלה מי גדל--הן אני נשארתי לבדי אלה איפה הם {פ} art="x-p"/>
22 vnumber="22"> css="font-weight:bold"> כב כה אמר אדני יהוה הנה אשא אל גוים ידי ואל עמים ארים נסי והביאו בניך בחצן ובנתיך על כתף תנשאנה
23 vnumber="23"> css="font-weight:bold"> כג והיו מלכים אמניך ושרותיהם מיניקתיך--אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי {ס} art="x-p"/>
24 vnumber="24"> css="font-weight:bold"> כד היקח מגבור מלקוח ואם שבי צדיק ימלט {ס} art="x-p"/>
25 vnumber="25"> css="font-weight:bold"> כה כי כה אמר יהוה גם שבי גבור יקח ומלקוח עריץ ימלט ואת יריבך אנכי אריב ואת בניך אנכי אושיע
26 vnumber="26"> css="font-weight:bold"> כו והאכלתי את מוניך את בשרם וכעסיס דמם ישכרון וידעו כל בשר כי אני יהוה מושיעך וגאלך אביר יעקב {ס} art="x-p"/>