1 vnumber="1"> אשרי תמימי-דרך-- ההלכים בתורת יהוה br
2 vnumber="2"> אשרי נצרי עדתיו בכל-לב ידרשוהו br
3 vnumber="3"> אף לא-פעלו עולה בדרכיו הלכו br
4 vnumber="4"> אתה צויתה פקדיך-- לשמר מאד br
5 vnumber="5"> אחלי יכנו דרכי-- לשמר חקיך br
6 vnumber="6"> אז לא-אבוש-- בהביטי אל-כל-מצותיך br
7 vnumber="7"> אודך בישר לבב-- בלמדי משפטי צדקך br
8 vnumber="8"> את-חקיך אשמר אל-תעזבני עד-מאד
art="x-p"/>
9 vnumber="9"> במה יזכה-נער את-ארחו-- לשמר כדברך br
10 vnumber="10"> בכל-לבי דרשתיך אל-תשגני ממצותיך br
11 vnumber="11"> בלבי צפנתי אמרתך-- למען לא אחטא-לך br
12 vnumber="12"> ברוך אתה יהוה-- למדני חקיך br
13 vnumber="13"> בשפתי ספרתי-- כל משפטי-פיך br
14 vnumber="14"> בדרך עדותיך ששתי-- כעל כל-הון br
15 vnumber="15"> בפקודיך אשיחה ואביטה ארחתיך br
16 vnumber="16"> בחקתיך אשתעשע לא אשכח דברך
art="x-p"/>
17 vnumber="17"> גמל על-עבדך אחיה ואשמרה דברך br
18 vnumber="18"> גל-עיני ואביטה-- נפלאות מתורתך br
19 vnumber="19"> גר אנכי בארץ אל-תסתר ממני מצותיך br
20 vnumber="20"> גרסה נפשי לתאבה-- אל-משפטיך בכל-עת br
21 vnumber="21"> גערת זדים ארורים-- השגים ממצותיך br
22 vnumber="22"> גל מעלי חרפה ובוז כי עדתיך נצרתי br
23 vnumber="23"> גם ישבו שרים בי נדברו-- עבדך ישיח בחקיך br
24 vnumber="24"> גם-עדתיך שעשעי-- אנשי עצתי
art="x-p"/>
25 vnumber="25"> דבקה לעפר נפשי חיני כדברך br
26 vnumber="26"> דרכי ספרתי ותענני למדני חקיך br
27 vnumber="27"> דרך-פקודיך הבינני ואשיחה בנפלאותיך br
28 vnumber="28"> דלפה נפשי מתוגה קימני כדברך br
29 vnumber="29"> דרך-שקר הסר ממני ותורתך חנני br
30 vnumber="30"> דרך-אמונה בחרתי משפטיך שויתי br
31 vnumber="31"> דבקתי בעדותיך יהוה אל-תבישני br
32 vnumber="32"> דרך-מצותיך ארוץ כי תרחיב לבי
art="x-p"/>
33 vnumber="33"> הורני יהוה דרך חקיך ואצרנה עקב br
34 vnumber="34"> הבינני ואצרה תורתך ואשמרנה בכל-לב br
35 vnumber="35"> הדריכני בנתיב מצותיך כי-בו חפצתי br
36 vnumber="36"> הט-לבי אל-עדותיך ואל אל-בצע br
37 vnumber="37"> העבר עיני מראות שוא בדרכך חיני br
38 vnumber="38"> הקם לעבדך אמרתך-- אשר ליראתך br
39 vnumber="39"> העבר חרפתי אשר יגרתי כי משפטיך טובים br
40 vnumber="40"> הנה תאבתי לפקדיך בצדקתך חיני
art="x-p"/>
41 vnumber="41"> ויבאני חסדך יהוה תשועתך כאמרתך br
42 vnumber="42"> ואענה חרפי דבר כי-בטחתי בדברך br
43 vnumber="43"> ואל-תצל מפי דבר-אמת עד-מאד כי למשפטך יחלתי br
44 vnumber="44"> ואשמרה תורתך תמיד-- לעולם ועד br
45 vnumber="45"> ואתהלכה ברחבה כי פקדיך דרשתי br
46 vnumber="46"> ואדברה בעדתיך נגד מלכים ולא אבוש br
47 vnumber="47"> ואשתעשע במצותיך אשר אהבתי br
48 vnumber="48"> ואשא-כפי--אל-מצותיך אשר אהבתי ואשיחה בחקיך
art="x-p"/>
49 vnumber="49"> זכר-דבר לעבדך-- על אשר יחלתני br
50 vnumber="50"> זאת נחמתי בעניי כי אמרתך חיתני br
51 vnumber="51"> זדים הליצני עד-מאד מתורתך לא נטיתי br
52 vnumber="52"> זכרתי משפטיך מעולם יהוה ואתנחם br
53 vnumber="53"> זלעפה אחזתני מרשעים-- עזבי תורתך br
54 vnumber="54"> זמרות היו-לי חקיך-- בבית מגורי br
55 vnumber="55"> זכרתי בלילה שמך יהוה ואשמרה תורתך br
56 vnumber="56"> זאת היתה-לי כי פקדיך נצרתי
art="x-p"/>
57 vnumber="57"> חלקי יהוה אמרתי-- לשמר דבריך br
58 vnumber="58"> חליתי פניך בכל-לב חנני כאמרתך br
59 vnumber="59"> חשבתי דרכי ואשיבה רגלי אל-עדתיך br
60 vnumber="60"> חשתי ולא התמהמהתי-- לשמר מצותיך br
61 vnumber="61"> חבלי רשעים עודני תורתך לא שכחתי br
62 vnumber="62"> חצות-לילה--אקום להודות לך על משפטי צדקך br
63 vnumber="63"> חבר אני לכל-אשר יראוך ולשמרי פקודיך br
64 vnumber="64"> חסדך יהוה מלאה הארץ חקיך למדני
art="x-p"/>
65 vnumber="65"> טוב עשית עם-עבדך-- יהוה כדברך br
66 vnumber="66"> טוב טעם ודעת למדני כי במצותיך האמנתי br
67 vnumber="67"> טרם אענה אני שגג ועתה אמרתך שמרתי br
68 vnumber="68"> טוב-אתה ומטיב למדני חקיך br
69 vnumber="69"> טפלו עלי שקר זדים אני בכל-לב אצר פקודיך br
70 vnumber="70"> טפש כחלב לבם אני תורתך שעשעתי br
71 vnumber="71"> טוב-לי כי-עניתי-- למען אלמד חקיך br
72 vnumber="72"> טוב-לי תורת-פיך-- מאלפי זהב וכסף
art="x-p"/>
73 vnumber="73"> ידיך עשוני ויכוננוני הבינני ואלמדה מצותיך br
74 vnumber="74"> יראיך יראוני וישמחו כי לדברך יחלתי br
75 vnumber="75"> ידעתי יהוה כי-צדק משפטיך ואמונה עניתני br
76 vnumber="76"> יהי-נא חסדך לנחמני-- כאמרתך לעבדך br
77 vnumber="77"> יבאוני רחמיך ואחיה כי-תורתך שעשעי br
78 vnumber="78"> יבשו זדים כי-שקר עותוני אני אשיח בפקודיך br
79 vnumber="79"> ישובו לי יראיך וידעו (וידעי) עדתיך br
80 vnumber="80"> יהי-לבי תמים בחקיך-- למען לא אבוש
art="x-p"/>
81 vnumber="81"> כלתה לתשועתך נפשי לדברך יחלתי br
82 vnumber="82"> כלו עיני לאמרתך-- לאמר מתי תנחמני br
83 vnumber="83"> כי-הייתי כנאד בקיטור-- חקיך לא שכחתי br
84 vnumber="84"> כמה ימי-עבדך מתי תעשה ברדפי משפט br
85 vnumber="85"> כרו-לי זדים שיחות-- אשר לא כתורתך br
86 vnumber="86"> כל-מצותיך אמונה שקר רדפוני עזרני br
87 vnumber="87"> כמעט כלוני בארץ ואני לא-עזבתי פקדיך br
88 vnumber="88"> כחסדך חיני ואשמרה עדות פיך
art="x-p"/>
89 vnumber="89"> לעולם יהוה-- דברך נצב בשמים br
90 vnumber="90"> לדר ודר אמונתך כוננת ארץ ותעמד br
91 vnumber="91"> למשפטיך עמדו היום כי הכל עבדיך br
92 vnumber="92"> לולי תורתך שעשעי-- אז אבדתי בעניי br
93 vnumber="93"> לעולם לא-אשכח פקודיך כי בם חייתני br
94 vnumber="94"> לך-אני הושיעני כי פקודיך דרשתי br
95 vnumber="95"> לי קוו רשעים לאבדני עדתיך אתבונן br
96 vnumber="96"> לכל-תכלה ראיתי קץ רחבה מצותך מאד
art="x-p"/>
97 vnumber="97"> מה-אהבתי תורתך כל-היום היא שיחתי br
98 vnumber="98"> מאיבי תחכמני מצותך כי לעולם היא-לי br
99 vnumber="99"> מכל-מלמדי השכלתי כי עדותיך שיחה לי br
100 vnumber="100"> מזקנים אתבונן כי פקודיך נצרתי br
101 vnumber="101"> מכל-ארח רע כלאתי רגלי-- למען אשמר דברך br
102 vnumber="102"> ממשפטיך לא-סרתי כי-אתה הורתני br
103 vnumber="103"> מה-נמלצו לחכי אמרתך-- מדבש לפי br
104 vnumber="104"> מפקודיך אתבונן על כן שנאתי כל-ארח שקר
art="x-p"/>
105 vnumber="105"> נר-לרגלי דברך ואור לנתיבתי br
106 vnumber="106"> נשבעתי ואקימה-- לשמר משפטי צדקך br
107 vnumber="107"> נעניתי עד-מאד יהוה חיני כדברך br
108 vnumber="108"> נדבות פי רצה-נא יהוה ומשפטיך למדני br
109 vnumber="109"> נפשי בכפי תמיד ותורתך לא שכחתי br
110 vnumber="110"> נתנו רשעים פח לי ומפקודיך לא תעיתי br
111 vnumber="111"> נחלתי עדותיך לעולם כי-ששון לבי המה br
112 vnumber="112"> נטיתי לבי לעשות חקיך-- לעולם עקב
art="x-p"/>
113 vnumber="113"> סעפים שנאתי ותורתך אהבתי br
114 vnumber="114"> סתרי ומגני אתה לדברך יחלתי br
115 vnumber="115"> סורו-ממני מרעים ואצרה מצות אלהי br
116 vnumber="116"> סמכני כאמרתך ואחיה ואל-תבישני משברי br
117 vnumber="117"> סעדני ואושעה ואשעה בחקיך תמיד br
118 vnumber="118"> סלית כל-שוגים מחקיך כי-שקר תרמיתם br
119 vnumber="119"> סגים--השבת כל-רשעי-ארץ לכן אהבתי עדתיך br
120 vnumber="120"> סמר מפחדך בשרי וממשפטיך יראתי
art="x-p"/>
121 vnumber="121"> עשיתי משפט וצדק בל-תניחני לעשקי br
122 vnumber="122"> ערב עבדך לטוב אל-יעשקני זדים br
123 vnumber="123"> עיני כלו לישועתך ולאמרת צדקך br
124 vnumber="124"> עשה עם-עבדך כחסדך וחקיך למדני br
125 vnumber="125"> עבדך-אני הבינני ואדעה עדתיך br
126 vnumber="126"> עת לעשות ליהוה-- הפרו תורתך br
127 vnumber="127"> על-כן אהבתי מצותיך-- מזהב ומפז br
128 vnumber="128"> על-כן כל-פקודי כל ישרתי כל-ארח שקר שנאתי
art="x-p"/>
129 vnumber="129"> פלאות עדותיך על-כן נצרתם נפשי br
130 vnumber="130"> פתח דבריך יאיר מבין פתיים br
131 vnumber="131"> פי-פערתי ואשאפה כי למצותיך יאבתי br
132 vnumber="132"> פנה-אלי וחנני-- כמשפט לאהבי שמך br
133 vnumber="133"> פעמי הכן באמרתך ואל-תשלט-בי כל-און br
134 vnumber="134"> פדני מעשק אדם ואשמרה פקודיך br
135 vnumber="135"> פניך האר בעבדך ולמדני את-חקיך br
136 vnumber="136"> פלגי-מים ירדו עיני-- על לא-שמרו תורתך
art="x-p"/>
137 vnumber="137"> צדיק אתה יהוה וישר משפטיך br
138 vnumber="138"> צוית צדק עדתיך ואמונה מאד br
139 vnumber="139"> צמתתני קנאתי כי-שכחו דבריך צרי br
140 vnumber="140"> צרופה אמרתך מאד ועבדך אהבה br
141 vnumber="141"> צעיר אנכי ונבזה פקדיך לא שכחתי br
142 vnumber="142"> צדקתך צדק לעולם ותורתך אמת br
143 vnumber="143"> צר-ומצוק מצאוני מצותיך שעשעי br
144 vnumber="144"> צדק עדותיך לעולם הבינני ואחיה
art="x-p"/>
145 vnumber="145"> קראתי בכל-לב ענני יהוה חקיך אצרה br
146 vnumber="146"> קראתיך הושיעני ואשמרה עדתיך br
147 vnumber="147"> קדמתי בנשף ואשועה לדבריך (לדברך) יחלתי br
148 vnumber="148"> קדמו עיני אשמרות-- לשיח באמרתך br
149 vnumber="149"> קולי שמעה כחסדך יהוה כמשפטך חיני br
150 vnumber="150"> קרבו רדפי זמה מתורתך רחקו br
151 vnumber="151"> קרוב אתה יהוה וכל-מצותיך אמת br
152 vnumber="152"> קדם ידעתי מעדתיך כי לעולם יסדתם
art="x-p"/>
153 vnumber="153"> ראה-עניי וחלצני כי-תורתך לא שכחתי br
154 vnumber="154"> ריבה ריבי וגאלני לאמרתך חיני br
155 vnumber="155"> רחוק מרשעים ישועה כי חקיך לא דרשו br
156 vnumber="156"> רחמיך רבים יהוה כמשפטיך חיני br
157 vnumber="157"> רבים רדפי וצרי מעדותיך לא נטיתי br
158 vnumber="158"> ראיתי בגדים ואתקוטטה-- אשר אמרתך לא שמרו br
159 vnumber="159"> ראה כי-פקודיך אהבתי יהוה כחסדך חיני br
160 vnumber="160"> ראש-דברך אמת ולעולם כל-משפט צדקך
art="x-p"/>
161 vnumber="161"> שרים רדפוני חנם ומדבריך (ומדברך) פחד לבי br
162 vnumber="162"> שש אנכי על-אמרתך-- כמוצא שלל רב br
163 vnumber="163"> שקר שנאתי ואתעבה תורתך אהבתי br
164 vnumber="164"> שבע ביום הללתיך-- על משפטי צדקך br
165 vnumber="165"> שלום רב לאהבי תורתך ואין-למו מכשול br
166 vnumber="166"> שברתי לישועתך יהוה ומצותיך עשיתי br
167 vnumber="167"> שמרה נפשי עדתיך ואהבם מאד br
168 vnumber="168"> שמרתי פקודיך ועדתיך כי כל-דרכי נגדך
art="x-p"/>
169 vnumber="169"> תקרב רנתי לפניך יהוה כדברך הבינני br
170 vnumber="170"> תבוא תחנתי לפניך כאמרתך הצילני br
171 vnumber="171"> תבענה שפתי תהלה כי תלמדני חקיך br
172 vnumber="172"> תען לשוני אמרתך כי כל-מצותיך צדק br
173 vnumber="173"> תהי-ידך לעזרני כי פקודיך בחרתי br
174 vnumber="174"> תאבתי לישועתך יהוה ותורתך שעשעי br
175 vnumber="175"> תחי-נפשי ותהללך ומשפטך יעזרני br
176 vnumber="176"> תעיתי-- כשה אבד בקש עבדך br כי מצותיך לא שכחתי
art="x-p"/>