1 vnumber="1"> css="font-weight:bold"> א ויהי בהעלות יהוה את אליהו בסערה השמים וילך אליהו ואלישע מן הגלגל
2 vnumber="2"> css="font-weight:bold"> ב ויאמר אליהו אל אלישע שב נא פה כי יהוה שלחני עד בית אל ויאמר אלישע חי יהוה וחי נפשך אם אעזבך וירדו בית אל
3 vnumber="3"> css="font-weight:bold"> ג ויצאו בני הנביאים אשר בית אל אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו
4 vnumber="4"> css="font-weight:bold"> ד ויאמר לו אליהו אלישע שב נא פה כי יהוה שלחני יריחו ויאמר חי יהוה וחי נפשך אם אעזבך ויבאו יריחו
5 vnumber="5"> css="font-weight:bold"> ה ויגשו בני הנביאים אשר ביריחו אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו
6 vnumber="6"> css="font-weight:bold"> ו ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהם
7 vnumber="7"> css="font-weight:bold"> ז וחמשים איש מבני הנביאים הלכו ויעמדו מנגד מרחוק ושניהם עמדו על הירדן
8 vnumber="8"> css="font-weight:bold"> ח ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבה
9 vnumber="9"> css="font-weight:bold"> ט ויהי כעברם ואליהו אמר אל אלישע שאל מה אעשה לך בטרם אלקח מעמך ויאמר אלישע ויהי נא פי שנים ברוחך אלי
10 vnumber="10"> css="font-weight:bold"> י ויאמר הקשית לשאול אם תראה אתי לקח מאתך יהי לך כן ואם אין לא יהיה
11 vnumber="11"> css="font-weight:bold"> יא ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמים
12 vnumber="12"> css="font-weight:bold"> יב ואלישע ראה והוא מצעק אבי אבי רכב ישראל ופרשיו ולא ראהו עוד ויחזק בבגדיו ויקרעם לשנים קרעים
13 vnumber="13"> css="font-weight:bold"> יג וירם את אדרת אליהו אשר נפלה מעליו וישב ויעמד על שפת הירדן
14 vnumber="14"> css="font-weight:bold"> יד ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישע
15 vnumber="15"> css="font-weight:bold"> טו ויראהו בני הנביאים אשר ביריחו מנגד ויאמרו נחה רוח אליהו על אלישע ויבאו לקראתו וישתחוו לו ארצה
16 vnumber="16"> css="font-weight:bold"> טז ויאמרו אליו הנה נא יש את עבדיך חמשים אנשים בני חיל ילכו נא ויבקשו את אדניך--פן נשאו רוח יהוה וישלכהו באחד ההרים או באחת הגיאות (הגיאיות) ויאמר לא תשלחו
17 vnumber="17"> css="font-weight:bold"> יז ויפצרו בו עד בש ויאמר שלחו וישלחו חמשים איש ויבקשו שלשה ימים ולא מצאהו
18 vnumber="18"> css="font-weight:bold"> יח וישבו אליו והוא ישב ביריחו ויאמר אלהם הלא אמרתי אליכם אל תלכו {ס} art="x-p"/>
19 vnumber="19"> css="font-weight:bold"> יט ויאמרו אנשי העיר אל אלישע הנה נא מושב העיר טוב כאשר אדני ראה והמים רעים והארץ משכלת
20 vnumber="20"> css="font-weight:bold"> כ ויאמר קחו לי צלחית חדשה ושימו שם מלח ויקחו אליו
21 vnumber="21"> css="font-weight:bold"> כא ויצא אל מוצא המים וישלך שם מלח ויאמר כה אמר יהוה רפאתי למים האלה--לא יהיה משם עוד מות ומשכלת
22 vnumber="22"> css="font-weight:bold"> כב וירפו המים עד היום הזה כדבר אלישע אשר דבר {פ} art="x-p"/>
23 vnumber="23"> css="font-weight:bold"> כג ויעל משם בית אל והוא עלה בדרך ונערים קטנים יצאו מן העיר ויתקלסו בו ויאמרו לו עלה קרח עלה קרח
24 vnumber="24"> css="font-weight:bold"> כד ויפן אחריו ויראם ויקללם בשם יהוה ותצאנה שתים דבים מן היער ותבקענה מהם ארבעים ושני ילדים
25 vnumber="25"> css="font-weight:bold"> כה וילך משם אל הר הכרמל ומשם שב שמרון {פ} art="x-p"/>