1 vnumber="1"> משא דמשק הנה דמשק מוסר מעיר והיתה מעי מפלה
2 vnumber="2"> עזבות ערי ערער לעדרים תהיינה ורבצו ואין מחריד
3 vnumber="3"> ונשבת מבצר מאפרים וממלכה מדמשק ושאר ארם ככבוד בני ישראל יהיו נאם יהוה צבאות {פ}
art="x-p"/>
4 vnumber="4"> והיה ביום ההוא ידל כבוד יעקב ומשמן בשרו ירזה
5 vnumber="5"> והיה כאסף קציר קמה וזרעו שבלים יקצור והיה כמלקט שבלים בעמק רפאים
6 vnumber="6"> ונשאר בו עוללת כנקף זית שנים שלשה גרגרים בראש אמיר ארבעה חמשה בסעפיה פריה--נאם יהוה אלהי ישראל
7 vnumber="7"> ביום ההוא ישעה האדם על עשהו ועיניו אל קדוש ישראל תראינה
8 vnumber="8"> ולא ישעה אל המזבחות מעשה ידיו ואשר עשו אצבעתיו לא יראה והאשרים והחמנים {ס}
art="x-p"/>
9 vnumber="9"> ביום ההוא יהיו ערי מעוזו כעזובת החרש והאמיר אשר עזבו מפני בני ישראל והיתה שממה
10 vnumber="10"> כי שכחת אלהי ישעך וצור מעזך לא זכרת על כן תטעי נטעי נעמנים וזמרת זר תזרענו
11 vnumber="11"> ביום נטעך תשגשגי ובבקר זרעך תפריחי נד קציר ביום נחלה וכאב אנוש {ס}
art="x-p"/>
12 vnumber="12"> הוי המון עמים רבים כהמות ימים יהמיון ושאון לאמים כשאון מים כבירים ישאון
13 vnumber="13"> לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה
14 vnumber="14"> לעת ערב והנה בלהה בטרם בקר איננו זה חלק שוסינו וגורל לבזזינו {פ}
art="x-p"/>