1 vnumber="1"> css="font-weight:bold"> א וישלח יהושע בן נון מן השטים שנים אנשים מרגלים חרש לאמר לכו ראו את הארץ ואת יריחו וילכו ויבאו בית אשה זונה ושמה רחב--וישכבו שמה
2 vnumber="2"> css="font-weight:bold"> ב ויאמר למלך יריחו לאמר הנה אנשים באו הנה הלילה מבני ישראל--לחפר את הארץ
3 vnumber="3"> css="font-weight:bold"> ג וישלח מלך יריחו אל רחב לאמר הוציאי האנשים הבאים אליך אשר באו לביתך--כי לחפר את כל הארץ באו
4 vnumber="4"> css="font-weight:bold"> ד ותקח האשה את שני האנשים ותצפנו ותאמר כן באו אלי האנשים ולא ידעתי מאין המה
5 vnumber="5"> css="font-weight:bold"> ה ויהי השער לסגור בחשך והאנשים יצאו--לא ידעתי אנה הלכו האנשים רדפו מהר אחריהם כי תשיגום
6 vnumber="6"> css="font-weight:bold"> ו והיא העלתם הגגה ותטמנם בפשתי העץ הערכות לה על הגג
7 vnumber="7"> css="font-weight:bold"> ז והאנשים רדפו אחריהם דרך הירדן על המעברות והשער סגרו--אחרי כאשר יצאו הרדפים אחריהם
8 vnumber="8"> css="font-weight:bold"> ח והמה טרם ישכבון והיא עלתה עליהם על הגג
9 vnumber="9"> css="font-weight:bold"> ט ותאמר אל האנשים--ידעתי כי נתן יהוה לכם את הארץ וכי נפלה אימתכם עלינו וכי נמגו כל ישבי הארץ מפניכם
10 vnumber="10"> css="font-weight:bold"> י כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג--אשר החרמתם אותם
11 vnumber="11"> css="font-weight:bold"> יא ונשמע וימס לבבנו ולא קמה עוד רוח באיש מפניכם כי יהוה אלהיכם--הוא אלהים בשמים ממעל ועל הארץ מתחת
12 vnumber="12"> css="font-weight:bold"> יב ועתה השבעו נא לי ביהוה כי עשיתי עמכם חסד ועשיתם גם אתם עם בית אבי חסד ונתתם לי אות אמת
13 vnumber="13"> css="font-weight:bold"> יג והחיתם את אבי ואת אמי ואת אחי ואת אחותי (אחיותי) ואת כל אשר להם והצלתם את נפשתינו ממות
14 vnumber="14"> css="font-weight:bold"> יד ויאמרו לה האנשים נפשנו תחתיכם למות אם לא תגידו את דברנו זה והיה בתת יהוה לנו את הארץ ועשינו עמך חסד ואמת
15 vnumber="15"> css="font-weight:bold"> טו ותורדם בחבל בעד החלון כי ביתה בקיר החומה ובחומה היא יושבת
16 vnumber="16"> css="font-weight:bold"> טז ותאמר להם ההרה לכו פן יפגעו בכם הרדפים ונחבתם שמה שלשת ימים עד שוב הרדפים ואחר תלכו לדרככם
17 vnumber="17"> css="font-weight:bold"> יז ויאמרו אליה האנשים נקים אנחנו משבעתך הזה אשר השבעתנו
18 vnumber="18"> css="font-weight:bold"> יח הנה אנחנו באים בארץ את תקות חוט השני הזה תקשרי בחלון אשר הורדתנו בו ואת אביך ואת אמך ואת אחיך ואת כל בית אביך תאספי אליך הביתה
19 vnumber="19"> css="font-weight:bold"> יט והיה כל אשר יצא מדלתי ביתך החוצה דמו בראשו--ואנחנו נקים וכל אשר יהיה אתך בבית--דמו בראשנו אם יד תהיה בו
20 vnumber="20"> css="font-weight:bold"> כ ואם תגידי את דברנו זה--והיינו נקים משבעתך אשר השבעתנו
21 vnumber="21"> css="font-weight:bold"> כא ותאמר כדבריכם כן הוא ותשלחם וילכו ותקשר את תקות השני בחלון
22 vnumber="22"> css="font-weight:bold"> כב וילכו ויבאו ההרה וישבו שם שלשת ימים עד שבו הרדפים ויבקשו הרדפים בכל הדרך ולא מצאו
23 vnumber="23"> css="font-weight:bold"> כג וישבו שני האנשים וירדו מההר ויעברו ויבאו אל יהושע בן נון ויספרו לו--את כל המצאות אותם
24 vnumber="24"> css="font-weight:bold"> כד ויאמרו אל יהושע כי נתן יהוה בידנו את כל הארץ וגם נמגו כל ישבי הארץ מפנינו {ס} art="x-p"/>