1 vnumber="1"> css="font-weight:bold"> א בשנת מות המלך עזיהו ואראה את אדני ישב על כסא רם ונשא ושוליו מלאים את ההיכל
2 vnumber="2"> css="font-weight:bold"> ב שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו--ובשתים יעופף
3 vnumber="3"> css="font-weight:bold"> ג וקרא זה אל זה ואמר קדוש קדוש קדוש יהוה צבאות מלא כל הארץ כבודו
4 vnumber="4"> css="font-weight:bold"> ד וינעו אמות הספים מקול הקורא והבית ימלא עשן
5 vnumber="5"> css="font-weight:bold"> ה ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות--ראו עיני
6 vnumber="6"> css="font-weight:bold"> ו ויעף אלי אחד מן השרפים ובידו רצפה במלקחים--לקח מעל המזבח
7 vnumber="7"> css="font-weight:bold"> ז ויגע על פי--ויאמר הנה נגע זה על שפתיך וסר עונך וחטאתך תכפר
8 vnumber="8"> css="font-weight:bold"> ח ואשמע את קול אדני אמר את מי אשלח ומי ילך לנו ואמר הנני שלחני
9 vnumber="9"> css="font-weight:bold"> ט ויאמר לך ואמרת לעם הזה שמעו שמוע ואל תבינו וראו ראו ואל תדעו
10 vnumber="10"> css="font-weight:bold"> י השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב--ורפא לו
11 vnumber="11"> css="font-weight:bold"> יא ואמר עד מתי אדני ויאמר עד אשר אם שאו ערים מאין יושב ובתים מאין אדם והאדמה תשאה שממה
12 vnumber="12"> css="font-weight:bold"> יב ורחק יהוה את האדם ורבה העזובה בקרב הארץ
13 vnumber="13"> css="font-weight:bold"> יג ועוד בה עשריה ושבה והיתה לבער כאלה וכאלון אשר בשלכת מצבת בם--זרע קדש מצבתה {פ} art="x-p"/>