1 vnumber="1"> css="font-weight:bold"> א ויאמר משה אל בני ישראל ככל אשר צוה יהוה את משה {פ} art="x-p"/>
2 vnumber="2"> css="font-weight:bold"> ב וידבר משה אל ראשי המטות לבני ישראל לאמר זה הדבר אשר צוה יהוה
3 vnumber="3"> css="font-weight:bold"> ג איש כי ידר נדר ליהוה או השבע שבעה לאסר אסר על נפשו--לא יחל דברו ככל היצא מפיו יעשה
4 vnumber="4"> css="font-weight:bold"> ד ואשה כי תדר נדר ליהוה ואסרה אסר בבית אביה בנעריה
5 vnumber="5"> css="font-weight:bold"> ה ושמע אביה את נדרה ואסרה אשר אסרה על נפשה והחריש לה אביה--וקמו כל נדריה וכל אסר אשר אסרה על נפשה יקום
6 vnumber="6"> css="font-weight:bold"> ו ואם הניא אביה אתה ביום שמעו--כל נדריה ואסריה אשר אסרה על נפשה לא יקום ויהוה יסלח לה כי הניא אביה אתה
7 vnumber="7"> css="font-weight:bold"> ז ואם היו תהיה לאיש ונדריה עליה או מבטא שפתיה אשר אסרה על נפשה
8 vnumber="8"> css="font-weight:bold"> ח ושמע אישה ביום שמעו והחריש לה וקמו נדריה ואסרה אשר אסרה על נפשה--יקמו
9 vnumber="9"> css="font-weight:bold"> ט ואם ביום שמע אישה יניא אותה והפר את נדרה אשר עליה ואת מבטא שפתיה אשר אסרה על נפשה--ויהוה יסלח לה
10 vnumber="10"> css="font-weight:bold"> י ונדר אלמנה וגרושה--כל אשר אסרה על נפשה יקום עליה
11 vnumber="11"> css="font-weight:bold"> יא ואם בית אישה נדרה או אסרה אסר על נפשה בשבעה
12 vnumber="12"> css="font-weight:bold"> יב ושמע אישה והחרש לה לא הניא אתה--וקמו כל נדריה וכל אסר אשר אסרה על נפשה יקום
13 vnumber="13"> css="font-weight:bold"> יג ואם הפר יפר אתם אישה ביום שמעו--כל מוצא שפתיה לנדריה ולאסר נפשה לא יקום אישה הפרם ויהוה יסלח לה
14 vnumber="14"> css="font-weight:bold"> יד כל נדר וכל שבעת אסר לענת נפש--אישה יקימנו ואישה יפרנו
15 vnumber="15"> css="font-weight:bold"> טו ואם החרש יחריש לה אישה מיום אל יום והקים את כל נדריה או את כל אסריה אשר עליה--הקים אתם כי החרש לה ביום שמעו
16 vnumber="16"> css="font-weight:bold"> טז ואם הפר יפר אתם אחרי שמעו--ונשא את עונה (Numbers 30:17) css="font-weight:bold"> יז אלה החקים אשר צוה יהוה את משה בין איש לאשתו--בין אב לבתו בנעריה בית אביה {פ} art="x-p"/>