1 vnumber="1"> כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם
2 vnumber="2"> מדוע באתי ואין איש קראתי ואין עונה--הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא
3 vnumber="3"> אלביש שמים קדרות ושק אשים כסותם {פ}
art="x-p"/>
4 vnumber="4"> אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים
5 vnumber="5"> אדני יהוה פתח לי אזן ואנכי לא מריתי אחור לא נסוגתי
6 vnumber="6"> גוי נתתי למכים ולחיי למרטים פני לא הסתרתי מכלמות ורק
7 vnumber="7"> ואדני יהוה יעזר לי על כן לא נכלמתי על כן שמתי פני כחלמיש ואדע כי לא אבוש
8 vnumber="8"> קרוב מצדיקי--מי יריב אתי נעמדה יחד מי בעל משפטי יגש אלי
9 vnumber="9"> הן אדני יהוה יעזר לי מי הוא ירשיעני הן כלם כבגד יבלו עש יאכלם {ס}
art="x-p"/>
10 vnumber="10"> מי בכם ירא יהוה שמע בקול עבדו--אשר הלך חשכים ואין נגה לו יבטח בשם יהוה וישען באלהיו {ס}
art="x-p"/>
11 vnumber="11"> הן כלכם קדחי אש מאזרי זיקות לכו באור אשכם ובזיקות בערתם--מידי היתה זאת לכם למעצבה תשכבון {ס}
art="x-p"/>