1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם אמר לנגיד צר כה אמר אדני יהוה יען גבה לבך ותאמר אל אני--מושב אלהים ישבתי בלב ימים ואתה אדם ולא אל ותתן לבך כלב אלהים
3 vnumber="3"> css="font-weight:bold"> ג הנה חכם אתה מדנאל (מדניאל) כל סתום לא עממוך
4 vnumber="4"> css="font-weight:bold"> ד בחכמתך ובתבונתך עשית לך חיל ותעש זהב וכסף באוצרותיך
5 vnumber="5"> css="font-weight:bold"> ה ברב חכמתך ברכלתך הרבית חילך ויגבה לבבך בחילך {ס} art="x-p"/>
6 vnumber="6"> css="font-weight:bold"> ו לכן כה אמר אדני יהוה יען תתך את לבבך כלב אלהים
7 vnumber="7"> css="font-weight:bold"> ז לכן הנני מביא עליך זרים--עריצי גוים והריקו חרבותם על יפי חכמתך וחללו יפעתך
8 vnumber="8"> css="font-weight:bold"> ח לשחת יורדוך ומתה ממותי חלל בלב ימים
9 vnumber="9"> css="font-weight:bold"> ט האמר תאמר אלהים אני לפני הרגך ואתה אדם ולא אל ביד מחלליך
10 vnumber="10"> css="font-weight:bold"> י מותי ערלים תמות ביד זרים כי אני דברתי נאם אדני יהוה {פ} art="x-p"/>
11 vnumber="11"> css="font-weight:bold"> יא ויהי דבר יהוה אלי לאמר
12 vnumber="12"> css="font-weight:bold"> יב בן אדם שא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפי
13 vnumber="13"> css="font-weight:bold"> יג בעדן גן אלהים היית כל אבן יקרה מסכתך אדם פטדה ויהלם תרשיש שהם וישפה ספיר נפך וברקת וזהב מלאכת תפיך ונקביך בך ביום הבראך כוננו
14 vnumber="14"> css="font-weight:bold"> יד את כרוב--ממשח הסוכך ונתתיך בהר קדש אלהים היית--בתוך אבני אש התהלכת
15 vnumber="15"> css="font-weight:bold"> טו תמים אתה בדרכיך מיום הבראך עד נמצא עולתה בך
16 vnumber="16"> css="font-weight:bold"> טז ברב רכלתך מלו תוכך חמס--ותחטא ואחללך מהר אלהים ואבדך כרוב הסכך מתוך אבני אש
17 vnumber="17"> css="font-weight:bold"> יז גבה לבך ביפיך שחת חכמתך על יפעתך על ארץ השלכתיך לפני מלכים נתתיך--לראוה בך
18 vnumber="18"> css="font-weight:bold"> יח מרב עוניך בעול רכלתך חללת מקדשיך ואוצא אש מתוכך היא אכלתך ואתנך לאפר על הארץ לעיני כל ראיך
19 vnumber="19"> css="font-weight:bold"> יט כל יודעיך בעמים שממו עליך בלהות היית ואינך עד עולם {פ} art="x-p"/>
20 vnumber="20"> css="font-weight:bold"> כ ויהי דבר יהוה אלי לאמר
21 vnumber="21"> css="font-weight:bold"> כא בן אדם שים פניך אל צידון והנבא עליה
22 vnumber="22"> css="font-weight:bold"> כב ואמרת כה אמר אדני יהוה הנני עליך צידון ונכבדתי בתוכך וידעו כי אני יהוה בעשותי בה שפטים--ונקדשתי בה
23 vnumber="23"> css="font-weight:bold"> כג ושלחתי בה דבר ודם בחוצותיה ונפלל חלל בתוכה בחרב עליה מסביב וידעו כי אני יהוה
24 vnumber="24"> css="font-weight:bold"> כד ולא יהיה עוד לבית ישראל סלון ממאיר וקוץ מכאב מכל סביבתם השאטים אותם וידעו כי אני אדני יהוה {פ} art="x-p"/>
25 vnumber="25"> css="font-weight:bold"> כה כה אמר אדני יהוה בקבצי את בית ישראל מן העמים אשר נפצו בם ונקדשתי בם לעיני הגוים וישבו על אדמתם אשר נתתי לעבדי ליעקב
26 vnumber="26"> css="font-weight:bold"> כו וישבו עליה לבטח ובנו בתים ונטעו כרמים וישבו לבטח בעשותי שפטים בכל השאטים אתם מסביבותם--וידעו כי אני יהוה אלהיהם {פ} art="x-p"/>