1 vnumber="1"> בני תורתי אל-תשכח ומצותי יצר לבך br
2 vnumber="2"> כי ארך ימים ושנות חיים-- ושלום יוסיפו לך br
3 vnumber="3"> חסד ואמת אל-יעזבך br קשרם על-גרגרותיך כתבם על-לוח לבך br
4 vnumber="4"> ומצא-חן ושכל-טוב-- בעיני אלהים ואדם br
5 vnumber="5"> בטח אל-יהוה בכל-לבך ואל-בינתך אל-תשען br
6 vnumber="6"> בכל-דרכיך דעהו והוא יישר ארחתיך br
7 vnumber="7"> אל-תהי חכם בעיניך ירא את-יהוה וסור מרע br
8 vnumber="8"> רפאות תהי לשרך ושקוי לעצמותיך br
9 vnumber="9"> כבד את-יהוה מהונך ומראשית כל-תבואתך br
10 vnumber="10"> וימלאו אסמיך שבע ותירוש יקביך יפרצו br
11 vnumber="11"> מוסר יהוה בני אל-תמאס ואל-תקץ בתוכחתו br
12 vnumber="12"> כי את אשר יאהב יהוה יוכיח br וכאב את-בן ירצה br
13 vnumber="13"> אשרי אדם מצא חכמה ואדם יפיק תבונה br
14 vnumber="14"> כי טוב סחרה מסחר-כסף ומחרוץ תבואתה br
15 vnumber="15"> יקרה היא מפניים (מפנינים) וכל-חפציך לא ישוו-בה br
16 vnumber="16"> ארך ימים בימינה בשמאולה עשר וכבוד br
17 vnumber="17"> דרכיה דרכי-נעם וכל-נתיבותיה שלום br
18 vnumber="18"> עץ-חיים היא למחזיקים בה ותמכיה מאשר
art="x-p"/>
19 vnumber="19"> יהוה--בחכמה יסד-ארץ כונן שמים בתבונה br
20 vnumber="20"> בדעתו תהומות נבקעו ושחקים ירעפו-טל br
21 vnumber="21"> בני אל-ילזו מעיניך נצר תשיה ומזמה br
22 vnumber="22"> ויהיו חיים לנפשך וחן לגרגרתיך br
23 vnumber="23"> אז תלך לבטח דרכך ורגלך לא תגוף br
24 vnumber="24"> אם-תשכב לא-תפחד ושכבת וערבה שנתך br
25 vnumber="25"> אל-תירא מפחד פתאם ומשאת רשעים כי תבא br
26 vnumber="26"> כי-יהוה יהיה בכסלך ושמר רגלך מלכד br
27 vnumber="27"> אל-תמנע-טוב מבעליו-- בהיות לאל ידיך (ידך) לעשות br
28 vnumber="28"> אל-תאמר לרעיך (לרעך) לך ושוב--ומחר אתן ויש אתך br
29 vnumber="29"> אל-תחרש על-רעך רעה והוא-יושב לבטח אתך br
30 vnumber="30"> אל-תרוב (תריב) עם-אדם חנם-- אם-לא גמלך רעה br
31 vnumber="31"> אל-תקנא באיש חמס ואל-תבחר בכל-דרכיו br
32 vnumber="32"> כי תועבת יהוה נלוז ואת-ישרים סודו br
33 vnumber="33"> מארת יהוה בבית רשע ונוה צדיקים יברך br
34 vnumber="34"> אם-ללצים הוא-יליץ ולעניים (ולענוים) יתן-חן br
35 vnumber="35"> כבוד חכמים ינחלו וכסילים מרים קלון
art="x-p"/>