1 vnumber="1"> css="font-weight:bold"> א אלה הדברים אשר דבר משה אל כל ישראל בעבר הירדן במדבר בערבה מול סוף בין פארן ובין תפל ולבן וחצרת--ודי זהב
2 vnumber="2"> css="font-weight:bold"> ב אחד עשר יום מחרב דרך הר שעיר עד קדש ברנע
3 vnumber="3"> css="font-weight:bold"> ג ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהם
4 vnumber="4"> css="font-weight:bold"> ד אחרי הכתו את סיחן מלך האמרי אשר יושב בחשבון--ואת עוג מלך הבשן אשר יושב בעשתרת באדרעי
5 vnumber="5"> css="font-weight:bold"> ה בעבר הירדן בארץ מואב הואיל משה באר את התורה הזאת לאמר
6 vnumber="6"> css="font-weight:bold"> ו יהוה אלהינו דבר אלינו בחרב לאמר רב לכם שבת בהר הזה
7 vnumber="7"> css="font-weight:bold"> ז פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים--ארץ הכנעני והלבנון עד הנהר הגדל נהר פרת
8 vnumber="8"> css="font-weight:bold"> ח ראה נתתי לפניכם את הארץ באו ורשו את הארץ אשר נשבע יהוה לאבתיכם לאברהם ליצחק וליעקב לתת להם ולזרעם אחריהם
9 vnumber="9"> css="font-weight:bold"> ט ואמר אלכם בעת ההוא לאמר לא אוכל לבדי שאת אתכם
10 vnumber="10"> css="font-weight:bold"> י יהוה אלהיכם הרבה אתכם והנכם היום ככוכבי השמים לרב
11 vnumber="11"> css="font-weight:bold"> יא יהוה אלהי אבותכם יסף עליכם ככם--אלף פעמים ויברך אתכם כאשר דבר לכם
12 vnumber="12"> css="font-weight:bold"> יב איכה אשא לבדי טרחכם ומשאכם וריבכם
13 vnumber="13"> css="font-weight:bold"> יג הבו לכם אנשים חכמים ונבנים וידעים--לשבטיכם ואשימם בראשיכם
14 vnumber="14"> css="font-weight:bold"> יד ותענו אתי ותאמרו טוב הדבר אשר דברת לעשות
15 vnumber="15"> css="font-weight:bold"> טו ואקח את ראשי שבטיכם אנשים חכמים וידעים ואתן אותם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם
16 vnumber="16"> css="font-weight:bold"> טז ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו
17 vnumber="17"> css="font-weight:bold"> יז לא תכירו פנים במשפט כקטן כגדל תשמעון--לא תגורו מפני איש כי המשפט לאלהים הוא והדבר אשר יקשה מכם תקרבון אלי ושמעתיו
18 vnumber="18"> css="font-weight:bold"> יח ואצוה אתכם בעת ההוא את כל הדברים אשר תעשון
19 vnumber="19"> css="font-weight:bold"> יט ונסע מחרב ונלך את כל המדבר הגדול והנורא ההוא אשר ראיתם דרך הר האמרי כאשר צוה יהוה אלהינו אתנו ונבא עד קדש ברנע
20 vnumber="20"> css="font-weight:bold"> כ ואמר אלכם באתם עד הר האמרי אשר יהוה אלהינו נתן לנו
21 vnumber="21"> css="font-weight:bold"> כא ראה נתן יהוה אלהיך לפניך--את הארץ עלה רש כאשר דבר יהוה אלהי אבתיך לך--אל תירא ואל תחת
22 vnumber="22"> css="font-weight:bold"> כב ותקרבון אלי כלכם ותאמרו נשלחה אנשים לפנינו ויחפרו לנו את הארץ וישבו אתנו דבר--את הדרך אשר נעלה בה ואת הערים אשר נבא אליהן
23 vnumber="23"> css="font-weight:bold"> כג וייטב בעיני הדבר ואקח מכם שנים עשר אנשים איש אחד לשבט
24 vnumber="24"> css="font-weight:bold"> כד ויפנו ויעלו ההרה ויבאו עד נחל אשכל וירגלו אתה
25 vnumber="25"> css="font-weight:bold"> כה ויקחו בידם מפרי הארץ ויורדו אלינו וישבו אתנו דבר ויאמרו טובה הארץ אשר יהוה אלהינו נתן לנו
26 vnumber="26"> css="font-weight:bold"> כו ולא אביתם לעלת ותמרו את פי יהוה אלהיכם
27 vnumber="27"> css="font-weight:bold"> כז ותרגנו באהליכם ותאמרו בשנאת יהוה אתנו הוציאנו מארץ מצרים--לתת אתנו ביד האמרי להשמידנו
28 vnumber="28"> css="font-weight:bold"> כח אנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשמים וגם בני ענקים ראינו שם
29 vnumber="29"> css="font-weight:bold"> כט ואמר אלכם לא תערצון ולא תיראון מהם
30 vnumber="30"> css="font-weight:bold"> ל יהוה אלהיכם ההלך לפניכם הוא ילחם לכם ככל אשר עשה אתכם במצרים--לעיניכם
31 vnumber="31"> css="font-weight:bold"> לא ובמדבר אשר ראית אשר נשאך יהוה אלהיך כאשר ישא איש את בנו--בכל הדרך אשר הלכתם עד באכם עד המקום הזה
32 vnumber="32"> css="font-weight:bold"> לב ובדבר הזה--אינכם מאמינם ביהוה אלהיכם
33 vnumber="33"> css="font-weight:bold"> לג ההלך לפניכם בדרך לתור לכם מקום--לחנתכם באש לילה לראתכם בדרך אשר תלכו בה ובענן יומם
34 vnumber="34"> css="font-weight:bold"> לד וישמע יהוה את קול דבריכם ויקצף וישבע לאמר
35 vnumber="35"> css="font-weight:bold"> לה אם יראה איש באנשים האלה הדור הרע הזה--את הארץ הטובה אשר נשבעתי לתת לאבתיכם
36 vnumber="36"> css="font-weight:bold"> לו זולתי כלב בן יפנה הוא יראנה ולו אתן את הארץ אשר דרך בה ולבניו--יען אשר מלא אחרי יהוה
37 vnumber="37"> css="font-weight:bold"> לז גם בי התאנף יהוה בגללכם לאמר גם אתה לא תבא שם
38 vnumber="38"> css="font-weight:bold"> לח יהושע בן נון העמד לפניך הוא יבא שמה אתו חזק כי הוא ינחלנה את ישראל
39 vnumber="39"> css="font-weight:bold"> לט וטפכם אשר אמרתם לבז יהיה ובניכם אשר לא ידעו היום טוב ורע--המה יבאו שמה ולהם אתננה והם יירשוה
40 vnumber="40"> css="font-weight:bold"> מ ואתם פנו לכם וסעו המדברה דרך ים סוף
41 vnumber="41"> css="font-weight:bold"> מא ותענו ותאמרו אלי חטאנו ליהוה--אנחנו נעלה ונלחמנו ככל אשר צונו יהוה אלהינו ותחגרו איש את כלי מלחמתו ותהינו לעלת ההרה
42 vnumber="42"> css="font-weight:bold"> מב ויאמר יהוה אלי אמר להם לא תעלו ולא תלחמו--כי אינני בקרבכם ולא תנגפו לפני איביכם
43 vnumber="43"> css="font-weight:bold"> מג ואדבר אליכם ולא שמעתם ותמרו את פי יהוה ותזדו ותעלו ההרה
44 vnumber="44"> css="font-weight:bold"> מד ויצא האמרי הישב בהר ההוא לקראתכם וירדפו אתכם כאשר תעשינה הדברים ויכתו אתכם בשעיר עד חרמה
45 vnumber="45"> css="font-weight:bold"> מה ותשבו ותבכו לפני יהוה ולא שמע יהוה בקלכם ולא האזין אליכם
46 vnumber="46"> css="font-weight:bold"> מו ותשבו בקדש ימים רבים כימים אשר ישבתם art="x-p"/>