1 vnumber="1"> ומן התכלת והארגמן ותולעת השני עשו בגדי שרד לשרת בקדש ויעשו את בגדי הקדש אשר לאהרן כאשר צוה יהוה את משה {פ}
art="x-p"/>
2 vnumber="2"> ויעש את האפד זהב תכלת וארגמן ותולעת שני--ושש משזר
3 vnumber="3"> וירקעו את פחי הזהב וקצץ פתילם לעשות בתוך התכלת ובתוך הארגמן ובתוך תולעת השני ובתוך השש--מעשה חשב
4 vnumber="4"> כתפת עשו לו חברת--על שני קצוותו (קצותיו) חבר
5 vnumber="5"> וחשב אפדתו אשר עליו ממנו הוא כמעשהו זהב תכלת וארגמן ותולעת שני ושש משזר--כאשר צוה יהוה את משה {ס}
art="x-p"/>
6 vnumber="6"> ויעשו את אבני השהם מסבת משבצת זהב מפתחת פתוחי חותם על שמות בני ישראל
7 vnumber="7"> וישם אתם על כתפת האפד--אבני זכרון לבני ישראל כאשר צוה יהוה את משה {פ}
art="x-p"/>
8 vnumber="8"> ויעש את החשן מעשה חשב כמעשה אפד זהב תכלת וארגמן ותולעת שני--ושש משזר
9 vnumber="9"> רבוע היה כפול עשו את החשן--זרת ארכו וזרת רחבו כפול
10 vnumber="10"> וימלאו בו--ארבעה טורי אבן טור אדם פטדה וברקת--הטור האחד
11 vnumber="11"> והטור השני--נפך ספיר ויהלם
12 vnumber="12"> והטור השלישי--לשם שבו ואחלמה
13 vnumber="13"> והטור הרביעי--תרשיש שהם וישפה מוסבת משבצת זהב במלאתם
14 vnumber="14"> והאבנים על שמת בני ישראל הנה שתים עשרה--על שמתם פתוחי חתם איש על שמו לשנים עשר שבט
15 vnumber="15"> ויעשו על החשן שרשרת גבלת מעשה עבת זהב טהור
16 vnumber="16"> ויעשו שתי משבצת זהב ושתי טבעת זהב ויתנו את שתי הטבעת על שני קצות החשן
17 vnumber="17"> ויתנו שתי העבתת הזהב על שתי הטבעת--על קצות החשן
18 vnumber="18"> ואת שתי קצות שתי העבתת נתנו על שתי המשבצת ויתנם על כתפת האפד אל מול פניו
19 vnumber="19"> ויעשו שתי טבעת זהב וישימו על שני קצות החשן על שפתו--אשר אל עבר האפד ביתה
20 vnumber="20"> ויעשו שתי טבעת זהב ויתנם על שתי כתפת האפד מלמטה ממול פניו לעמת מחברתו--ממעל לחשב האפד
21 vnumber="21"> וירכסו את החשן מטבעתיו אל טבעת האפד בפתיל תכלת להית על חשב האפד ולא יזח החשן מעל האפד--כאשר צוה יהוה את משה {פ}
art="x-p"/>
22 vnumber="22"> ויעש את מעיל האפד מעשה ארג כליל תכלת
23 vnumber="23"> ופי המעיל בתוכו כפי תחרא שפה לפיו סביב לא יקרע
24 vnumber="24"> ויעשו על שולי המעיל רמוני תכלת וארגמן ותולעת שני--משזר
25 vnumber="25"> ויעשו פעמני זהב טהור ויתנו את הפעמנים בתוך הרמנים על שולי המעיל סביב--בתוך הרמנים
26 vnumber="26"> פעמן ורמן פעמן ורמן על שולי המעיל סביב לשרת כאשר צוה יהוה את משה {ס}
art="x-p"/>
27 vnumber="27"> ויעשו את הכתנת שש מעשה ארג לאהרן ולבניו
28 vnumber="28"> ואת המצנפת שש ואת פארי המגבעת שש ואת מכנסי הבד שש משזר
29 vnumber="29"> ואת האבנט שש משזר ותכלת וארגמן ותולעת שני--מעשה רקם כאשר צוה יהוה את משה {ס}
art="x-p"/>
30 vnumber="30"> ויעשו את ציץ נזר הקדש זהב טהור ויכתבו עליו מכתב פתוחי חותם--קדש ליהוה
31 vnumber="31"> ויתנו עליו פתיל תכלת לתת על המצנפת מלמעלה כאשר צוה יהוה את משה {ס}
art="x-p"/>
32 vnumber="32"> ותכל--כל עבדת משכן אהל מועד ויעשו בני ישראל--ככל אשר צוה יהוה את משה כן עשו {פ}
art="x-p"/>
33 vnumber="33"> ויביאו את המשכן אל משה את האהל ואת כל כליו קרסיו קרשיו בריחו ועמדיו ואדניו
34 vnumber="34"> ואת מכסה עורת האילם המאדמים ואת מכסה ערת התחשים ואת פרכת המסך
35 vnumber="35"> את ארון העדת ואת בדיו ואת הכפרת
36 vnumber="36"> את השלחן את כל כליו ואת לחם הפנים
37 vnumber="37"> את המנרה הטהרה את נרתיה נרת המערכה--ואת כל כליה ואת שמן המאור
38 vnumber="38"> ואת מזבח הזהב ואת שמן המשחה ואת קטרת הסמים ואת מסך פתח האהל
39 vnumber="39"> את מזבח הנחשת ואת מכבר הנחשת אשר לו את בדיו ואת כל כליו את הכיר ואת כנו
40 vnumber="40"> את קלעי החצר את עמדיה ואת אדניה ואת המסך לשער החצר את מיתריו ויתדתיה ואת כל כלי עבדת המשכן--לאהל מועד
41 vnumber="41"> את בגדי השרד לשרת בקדש את בגדי הקדש לאהרן הכהן ואת בגדי בניו לכהן
42 vnumber="42"> ככל אשר צוה יהוה את משה כן עשו בני ישראל את כל העבדה
43 vnumber="43"> וירא משה את כל המלאכה והנה עשו אתה--כאשר צוה יהוה כן עשו ויברך אתם משה {פ}
art="x-p"/>