1 vnumber="1"> css="font-weight:bold"> א ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו
2 vnumber="2"> css="font-weight:bold"> ב והיה כי יאמרו אליך אנה נצא ואמרת אליהם כה אמר יהוה אשר למות למות ואשר לחרב לחרב ואשר לרעב לרעב ואשר לשבי לשבי
3 vnumber="3"> css="font-weight:bold"> ג ופקדתי עליהם ארבע משפחות נאם יהוה את החרב להרג ואת הכלבים לסחב ואת עוף השמים ואת בהמת הארץ לאכל ולהשחית
4 vnumber="4"> css="font-weight:bold"> ד ונתתים לזועה (לזעוה) לכל ממלכות הארץ--בגלל מנשה בן יחזקיהו מלך יהודה על אשר עשה בירושלם
5 vnumber="5"> css="font-weight:bold"> ה כי מי יחמל עליך ירושלם ומי ינוד לך ומי יסור לשאל לשלם לך
6 vnumber="6"> css="font-weight:bold"> ו את נטשת אתי נאם יהוה אחור תלכי ואט את ידי עליך ואשחיתך נלאיתי הנחם
7 vnumber="7"> css="font-weight:bold"> ז ואזרם במזרה בשערי הארץ שכלתי אבדתי את עמי מדרכיהם לוא שבו
8 vnumber="8"> css="font-weight:bold"> ח עצמו לי אלמנותו מחול ימים הבאתי להם על אם בחור שדד בצהרים הפלתי עליה פתאם עיר ובהלות
9 vnumber="9"> css="font-weight:bold"> ט אמללה ילדת השבעה נפחה נפשה באה (בא) שמשה בעד יומם--בושה וחפרה ושאריתם לחרב אתן לפני איביהם--נאם יהוה {ס} art="x-p"/>
10 vnumber="10"> css="font-weight:bold"> י אוי לי אמי--כי ילדתני איש ריב ואיש מדון לכל הארץ לא נשיתי ולא נשו בי כלה מקללוני {ס} art="x-p"/>
11 vnumber="11"> css="font-weight:bold"> יא אמר יהוה אם לא שרותך (שריתיך) לטוב אם לוא הפגעתי בך בעת רעה ובעת צרה--את האיב
12 vnumber="12"> css="font-weight:bold"> יב הירע ברזל ברזל מצפון ונחשת
13 vnumber="13"> css="font-weight:bold"> יג חילך ואוצרותיך לבז אתן לא במחיר ובכל חטאותיך ובכל גבוליך
14 vnumber="14"> css="font-weight:bold"> יד והעברתי את איביך בארץ לא ידעת כי אש קדחה באפי עליכם תוקד {ס} art="x-p"/>
15 vnumber="15"> css="font-weight:bold"> טו אתה ידעת יהוה זכרני ופקדני והנקם לי מרדפי--אל לארך אפך תקחני דע שאתי עליך חרפה
16 vnumber="16"> css="font-weight:bold"> טז נמצאו דבריך ואכלם ויהי דבריך (דברך) לי לששון ולשמחת לבבי כי נקרא שמך עלי יהוה אלהי צבאות {ס} art="x-p"/>
17 vnumber="17"> css="font-weight:bold"> יז לא ישבתי בסוד משחקים ואעלז מפני ידך בדד ישבתי כי זעם מלאתני
18 vnumber="18"> css="font-weight:bold"> יח למה היה כאבי נצח ומכתי אנושה מאנה הרפא--היו תהיה לי כמו אכזב מים לא נאמנו {ס} art="x-p"/>
19 vnumber="19"> css="font-weight:bold"> יט לכן כה אמר יהוה אם תשוב ואשיבך לפני תעמד ואם תוציא יקר מזולל כפי תהיה ישבו המה אליך ואתה לא תשוב אליהם
20 vnumber="20"> css="font-weight:bold"> כ ונתתיך לעם הזה לחומת נחשת בצורה ונלחמו אליך ולא יוכלו לך כי אתך אני להושיעך ולהצילך נאם יהוה
21 vnumber="21"> css="font-weight:bold"> כא והצלתיך מיד רעים ופדתיך מכף ערצים {ס} art="x-p"/>