1 vnumber="1"> css="font-weight:bold"> א אללי לי כי הייתי כאספי קיץ כעללת בציר אין אשכול לאכול בכורה אותה נפשי
2 vnumber="2"> css="font-weight:bold"> ב אבד חסיד מן הארץ וישר באדם אין כלם לדמים יארבו איש את אחיהו יצודו חרם
3 vnumber="3"> css="font-weight:bold"> ג על הרע כפים להיטיב השר שאל והשפט בשלום והגדול דבר הות נפשו הוא--ויעבתוה
4 vnumber="4"> css="font-weight:bold"> ד טובם כחדק ישר ממסוכה יום מצפיך פקדתך באה עתה תהיה מבוכתם
5 vnumber="5"> css="font-weight:bold"> ה אל תאמינו ברע אל תבטחו באלוף משכבת חיקך שמר פתחי פיך
6 vnumber="6"> css="font-weight:bold"> ו כי בן מנבל אב בת קמה באמה כלה בחמתה איבי איש אנשי ביתו
7 vnumber="7"> css="font-weight:bold"> ז ואני ביהוה אצפה אוחילה לאלהי ישעי ישמעני אלהי
8 vnumber="8"> css="font-weight:bold"> ח אל תשמחי איבתי לי כי נפלתי קמתי כי אשב בחשך יהוה אור לי {פ} art="x-p"/>
9 vnumber="9"> css="font-weight:bold"> ט זעף יהוה אשא כי חטאתי לו עד אשר יריב ריבי ועשה משפטי--יוציאני לאור אראה בצדקתו
10 vnumber="10"> css="font-weight:bold"> י ותרא איבתי ותכסה בושה--האמרה אלי איו יהוה אלהיך עיני תראינה בה עתה תהיה למרמס כטיט חוצות
11 vnumber="11"> css="font-weight:bold"> יא יום לבנות גדריך יום ההוא ירחק חק
12 vnumber="12"> css="font-weight:bold"> יב יום הוא ועדיך יבוא למני אשור וערי מצור ולמני מצור ועד נהר וים מים והר ההר
13 vnumber="13"> css="font-weight:bold"> יג והיתה הארץ לשממה על ישביה מפרי מעלליהם {פ} art="x-p"/>
14 vnumber="14"> css="font-weight:bold"> יד רעה עמך בשבטך צאן נחלתך--שכני לבדד יער בתוך כרמל ירעו בשן וגלעד כימי עולם
15 vnumber="15"> css="font-weight:bold"> טו כימי צאתך מארץ מצרים אראנו נפלאות
16 vnumber="16"> css="font-weight:bold"> טז יראו גוים ויבשו מכל גבורתם ישימו יד על פה אזניהם תחרשנה
17 vnumber="17"> css="font-weight:bold"> יז ילחכו עפר כנחש--כזחלי ארץ ירגזו ממסגרתיהם אל יהוה אלהינו יפחדו ויראו ממך
18 vnumber="18"> css="font-weight:bold"> יח מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא
19 vnumber="19"> css="font-weight:bold"> יט ישוב ירחמנו יכבש עונתינו ותשליך במצלות ים כל חטאותם
20 vnumber="20"> css="font-weight:bold"> כ תתן אמת ליעקב חסד לאברהם אשר נשבעת לאבתינו מימי קדם {ש} art="x-p"/>