1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב דבר אל בני ישראל ואמרת אלהם כי תבאו אל ארץ מושבתיכם אשר אני נתן לכם
3 vnumber="3"> css="font-weight:bold"> ג ועשיתם אשה ליהוה עלה או זבח לפלא נדר או בנדבה או במעדיכם--לעשות ריח ניחח ליהוה מן הבקר או מן הצאן
4 vnumber="4"> css="font-weight:bold"> ד והקריב המקריב קרבנו ליהוה--מנחה סלת עשרון בלול ברבעית ההין שמן
5 vnumber="5"> css="font-weight:bold"> ה ויין לנסך רביעית ההין תעשה על העלה או לזבח--לכבש האחד
6 vnumber="6"> css="font-weight:bold"> ו או לאיל תעשה מנחה סלת שני עשרנים בלולה בשמן שלשית ההין
7 vnumber="7"> css="font-weight:bold"> ז ויין לנסך שלשית ההין--תקריב ריח ניחח ליהוה
8 vnumber="8"> css="font-weight:bold"> ח וכי תעשה בן בקר עלה או זבח לפלא נדר או שלמים ליהוה
9 vnumber="9"> css="font-weight:bold"> ט והקריב על בן הבקר מנחה סלת שלשה עשרנים בלול בשמן חצי ההין
10 vnumber="10"> css="font-weight:bold"> י ויין תקריב לנסך חצי ההין--אשה ריח ניחח ליהוה
11 vnumber="11"> css="font-weight:bold"> יא ככה יעשה לשור האחד או לאיל האחד או לשה בכבשים או בעזים
12 vnumber="12"> css="font-weight:bold"> יב כמספר אשר תעשו--ככה תעשו לאחד כמספרם
13 vnumber="13"> css="font-weight:bold"> יג כל האזרח יעשה ככה את אלה להקריב אשה ריח ניחח ליהוה
14 vnumber="14"> css="font-weight:bold"> יד וכי יגור אתכם גר או אשר בתוככם לדרתיכם ועשה אשה ריח ניחח ליהוה--כאשר תעשו כן יעשה
15 vnumber="15"> css="font-weight:bold"> טו הקהל חקה אחת לכם ולגר הגר חקת עולם לדרתיכם ככם כגר יהיה לפני יהוה
16 vnumber="16"> css="font-weight:bold"> טז תורה אחת ומשפט אחד יהיה לכם ולגר הגר אתכם {פ} art="x-p"/>
17 vnumber="17"> css="font-weight:bold"> יז וידבר יהוה אל משה לאמר
18 vnumber="18"> css="font-weight:bold"> יח דבר אל בני ישראל ואמרת אלהם בבאכם אל הארץ אשר אני מביא אתכם שמה
19 vnumber="19"> css="font-weight:bold"> יט והיה באכלכם מלחם הארץ--תרימו תרומה ליהוה
20 vnumber="20"> css="font-weight:bold"> כ ראשית ערסתכם--חלה תרימו תרומה כתרומת גרן כן תרימו אתה
21 vnumber="21"> css="font-weight:bold"> כא מראשית ערסתיכם תתנו ליהוה תרומה--לדרתיכם {ס} art="x-p"/>
22 vnumber="22"> css="font-weight:bold"> כב וכי תשגו--ולא תעשו את כל המצות האלה אשר דבר יהוה אל משה
23 vnumber="23"> css="font-weight:bold"> כג את כל אשר צוה יהוה אליכם ביד משה מן היום אשר צוה יהוה והלאה--לדרתיכם
24 vnumber="24"> css="font-weight:bold"> כד והיה אם מעיני העדה נעשתה לשגגה ועשו כל העדה פר בן בקר אחד לעלה לריח ניחח ליהוה ומנחתו ונסכו כמשפט ושעיר עזים אחד לחטת
25 vnumber="25"> css="font-weight:bold"> כה וכפר הכהן על כל עדת בני ישראל--ונסלח להם כי שגגה הוא--והם הביאו את קרבנם אשה ליהוה וחטאתם לפני יהוה על שגגתם
26 vnumber="26"> css="font-weight:bold"> כו ונסלח לכל עדת בני ישראל ולגר הגר בתוכם כי לכל העם בשגגה {ס} art="x-p"/>
27 vnumber="27"> css="font-weight:bold"> כז ואם נפש אחת תחטא בשגגה--והקריבה עז בת שנתה לחטאת
28 vnumber="28"> css="font-weight:bold"> כח וכפר הכהן על הנפש השגגת בחטאה בשגגה--לפני יהוה לכפר עליו ונסלח לו
29 vnumber="29"> css="font-weight:bold"> כט האזרח בבני ישראל ולגר הגר בתוכם--תורה אחת יהיה לכם לעשה בשגגה
30 vnumber="30"> css="font-weight:bold"> ל והנפש אשר תעשה ביד רמה מן האזרח ומן הגר--את יהוה הוא מגדף ונכרתה הנפש ההוא מקרב עמה
31 vnumber="31"> css="font-weight:bold"> לא כי דבר יהוה בזה ואת מצותו הפר הכרת תכרת הנפש ההוא עונה בה {פ} art="x-p"/>
32 vnumber="32"> css="font-weight:bold"> לב ויהיו בני ישראל במדבר וימצאו איש מקשש עצים--ביום השבת
33 vnumber="33"> css="font-weight:bold"> לג ויקריבו אתו המצאים אתו מקשש עצים--אל משה ואל אהרן ואל כל העדה
34 vnumber="34"> css="font-weight:bold"> לד ויניחו אתו במשמר כי לא פרש מה יעשה לו {ס} art="x-p"/>
35 vnumber="35"> css="font-weight:bold"> לה ויאמר יהוה אל משה מות יומת האיש רגום אתו באבנים כל העדה מחוץ למחנה
36 vnumber="36"> css="font-weight:bold"> לו ויציאו אתו כל העדה אל מחוץ למחנה וירגמו אתו באבנים וימת כאשר צוה יהוה את משה {פ} art="x-p"/>
37 vnumber="37"> css="font-weight:bold"> לז ויאמר יהוה אל משה לאמר
38 vnumber="38"> css="font-weight:bold"> לח דבר אל בני ישראל ואמרת אלהם ועשו להם ציצת על כנפי בגדיהם לדרתם ונתנו על ציצת הכנף פתיל תכלת
39 vnumber="39"> css="font-weight:bold"> לט והיה לכם לציצת וראיתם אתו וזכרתם את כל מצות יהוה ועשיתם אתם ולא תתורו אחרי לבבכם ואחרי עיניכם אשר אתם זנים אחריהם
40 vnumber="40"> css="font-weight:bold"> מ למען תזכרו ועשיתם את כל מצותי והייתם קדשים לאלהיכם
41 vnumber="41"> css="font-weight:bold"> מא אני יהוה אלהיכם אשר הוצאתי אתכם מארץ מצרים להיות לכם לאלהים אני יהוה אלהיכם {פ} art="x-p"/>