1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם--שתים נשים בנות אם אחת היו
3 vnumber="3"> css="font-weight:bold"> ג ותזנינה במצרים בנעוריהן זנו שמה מעכו שדיהן ושם עשו דדי בתוליהן
4 vnumber="4"> css="font-weight:bold"> ד ושמותן אהלה הגדולה ואהליבה אחותה ותהיינה לי ותלדנה בנים ובנות ושמותן--שמרון אהלה וירושלם אהליבה
5 vnumber="5"> css="font-weight:bold"> ה ותזן אהלה תחתי ותעגב על מאהביה אל אשור קרובים
6 vnumber="6"> css="font-weight:bold"> ו לבשי תכלת פחות וסגנים בחורי חמד כלם פרשים רכבי סוסים
7 vnumber="7"> css="font-weight:bold"> ז ותתן תזנותיה עליהם מבחר בני אשור כלם ובכל אשר עגבה בכל גלוליהם נטמאה
8 vnumber="8"> css="font-weight:bold"> ח ואת תזנותיה ממצרים לא עזבה--כי אותה שכבו בנעוריה והמה עשו דדי בתוליה וישפכו תזנותם עליה
9 vnumber="9"> css="font-weight:bold"> ט לכן נתתיה ביד מאהביה--ביד בני אשור אשר עגבה עליהם
10 vnumber="10"> css="font-weight:bold"> י המה גלו ערותה--בניה ובנותיה לקחו ואותה בחרב הרגו ותהי שם לנשים ושפוטים עשו בה {ס} art="x-p"/>
11 vnumber="11"> css="font-weight:bold"> יא ותרא אחותה אהליבה ותשחת עגבתה ממנה ואת תזנותיה--מזנוני אחותה
12 vnumber="12"> css="font-weight:bold"> יב אל בני אשור עגבה פחות וסגנים קרבים לבשי מכלול פרשים רכבי סוסים--בחורי חמד כלם
13 vnumber="13"> css="font-weight:bold"> יג וארא כי נטמאה דרך אחד לשתיהן
14 vnumber="14"> css="font-weight:bold"> יד ותוסף אל תזנותיה ותרא אנשי מחקה על הקיר צלמי כשדיים (כשדים) חקקים בששר
15 vnumber="15"> css="font-weight:bold"> טו חגורי אזור במתניהם סרוחי טבולים בראשיהם--מראה שלשים כלם דמות בני בבל כשדים ארץ מולדתם
16 vnumber="16"> css="font-weight:bold"> טז ותעגב (ותעגבה) עליהם למראה עיניה ותשלח מלאכים אליהם כשדימה
17 vnumber="17"> css="font-weight:bold"> יז ויבאו אליה בני בבל למשכב דדים ויטמאו אותה בתזנותם ותטמא בם--ותקע נפשה מהם
18 vnumber="18"> css="font-weight:bold"> יח ותגל תזנותיה ותגל את ערותה ותקע נפשי מעליה כאשר נקעה נפשי מעל אחותה
19 vnumber="19"> css="font-weight:bold"> יט ותרבה את תזנותיה לזכר את ימי נעוריה אשר זנתה בארץ מצרים
20 vnumber="20"> css="font-weight:bold"> כ ותעגבה על פלגשיהם אשר בשר חמורים בשרם וזרמת סוסים זרמתם
21 vnumber="21"> css="font-weight:bold"> כא ותפקדי את זמת נעוריך בעשות ממצרים דדיך למען שדי נעוריך {ס} art="x-p"/>
22 vnumber="22"> css="font-weight:bold"> כב לכן אהליבה כה אמר אדני יהוה הנני מעיר את מאהביך עליך את אשר נקעה נפשך מהם והבאתים עליך מסביב
23 vnumber="23"> css="font-weight:bold"> כג בני בבל וכל כשדים פקוד ושוע וקוע כל בני אשור אותם בחורי חמד פחות וסגנים כלם--שלשים וקרואים רכבי סוסים כלם
24 vnumber="24"> css="font-weight:bold"> כד ובאו עליך הצן רכב וגלגל ובקהל עמים--צנה ומגן וקובע ישימו עליך סביב ונתתי לפניהם משפט ושפטוך במשפטיהם
25 vnumber="25"> css="font-weight:bold"> כה ונתתי קנאתי בך ועשו אותך בחמה--אפך ואזניך יסירו ואחריתך בחרב תפול המה בניך ובנותיך יקחו ואחריתך תאכל באש
26 vnumber="26"> css="font-weight:bold"> כו והפשיטוך את בגדיך ולקחו כלי תפארתך
27 vnumber="27"> css="font-weight:bold"> כז והשבתי זמתך ממך ואת זנותך מארץ מצרים ולא תשאי עיניך אליהם ומצרים לא תזכרי עוד {פ} art="x-p"/>
28 vnumber="28"> css="font-weight:bold"> כח כי כה אמר אדני יהוה הנני נתנך ביד אשר שנאת--ביד אשר נקעה נפשך מהם
29 vnumber="29"> css="font-weight:bold"> כט ועשו אותך בשנאה ולקחו כל יגיעך ועזבוך עירם ועריה ונגלה ערות זנוניך וזמתך ותזנותיך
30 vnumber="30"> css="font-weight:bold"> ל עשה אלה לך בזנותך אחרי גוים על אשר נטמאת בגלוליהם
31 vnumber="31"> css="font-weight:bold"> לא בדרך אחותך הלכת ונתתי כוסה בידך {ס} art="x-p"/>
32 vnumber="32"> css="font-weight:bold"> לב כה אמר אדני יהוה כוס אחותך תשתי העמקה והרחבה תהיה לצחק וללעג מרבה להכיל
33 vnumber="33"> css="font-weight:bold"> לג שכרון ויגון תמלאי כוס שמה ושממה כוס אחותך שמרון
34 vnumber="34"> css="font-weight:bold"> לד ושתית אותה ומצית ואת חרשיה תגרמי--ושדיך תנתקי כי אני דברתי נאם אדני יהוה {ס} art="x-p"/>
35 vnumber="35"> css="font-weight:bold"> לה לכן כה אמר אדני יהוה יען שכחת אותי ותשליכי אותי אחרי גוך וגם את שאי זמתך ואת תזנותיך {ס} art="x-p"/>
36 vnumber="36"> css="font-weight:bold"> לו ויאמר יהוה אלי בן אדם התשפוט את אהלה ואת אהליבה והגד להן את תועבותיהן
37 vnumber="37"> css="font-weight:bold"> לז כי נאפו ודם בידיהן ואת גלוליהן נאפו וגם את בניהן אשר ילדו לי העבירו להם לאכלה
38 vnumber="38"> css="font-weight:bold"> לח עוד זאת עשו לי טמאו את מקדשי ביום ההוא ואת שבתותי חללו
39 vnumber="39"> css="font-weight:bold"> לט ובשחטם את בניהם לגלוליהם ויבאו אל מקדשי ביום ההוא לחללו והנה כה עשו בתוך ביתי
40 vnumber="40"> css="font-weight:bold"> מ ואף כי תשלחנה לאנשים באים ממרחק--אשר מלאך שלוח אליהם והנה באו לאשר רחצת כחלת עיניך ועדית עדי
41 vnumber="41"> css="font-weight:bold"> מא וישבת על מטה כבודה ושלחן ערוך לפניה וקטרתי ושמני שמת עליה
42 vnumber="42"> css="font-weight:bold"> מב וקול המון שלו בה ואל אנשים מרב אדם מובאים סובאים (סבאים) ממדבר ויתנו צמידים אל ידיהן ועטרת תפארת על ראשיהן
43 vnumber="43"> css="font-weight:bold"> מג ואמר לבלה נאופים עת (עתה) יזנה (יזנו) תזנותה והיא
44 vnumber="44"> css="font-weight:bold"> מד ויבוא אליה כבוא אל אשה זונה כן באו אל אהלה ואל אהליבה--אשת הזמה
45 vnumber="45"> css="font-weight:bold"> מה ואנשים צדיקם המה ישפטו אותהם--משפט נאפות ומשפט שפכות דם כי נאפת הנה ודם בידיהן {ס} art="x-p"/>
46 vnumber="46"> css="font-weight:bold"> מו כי כה אמר אדני יהוה העלה עליהם קהל ונתן אתהן לזעוה ולבז
47 vnumber="47"> css="font-weight:bold"> מז ורגמו עליהן אבן קהל וברא אותהן בחרבותם בניהם ובנותיהם יהרגו ובתיהן באש ישרפו
48 vnumber="48"> css="font-weight:bold"> מח והשבתי זמה מן הארץ ונוסרו כל הנשים ולא תעשינה כזמתכנה
49 vnumber="49"> css="font-weight:bold"> מט ונתנו זמתכנה עליכן וחטאי גלוליכן תשאינה וידעתם כי אני אדני יהוה {פ} art="x-p"/>