1 vnumber="1"> css="font-weight:bold"> א והנה איש אלהים בא מיהודה בדבר יהוה--אל בית אל וירבעם עמד על המזבח להקטיר
2 vnumber="2"> css="font-weight:bold"> ב ויקרא על המזבח בדבר יהוה ויאמר מזבח מזבח כה אמר יהוה הנה בן נולד לבית דוד יאשיהו שמו וזבח עליך את כהני הבמות המקטרים עליך ועצמות אדם ישרפו עליך
3 vnumber="3"> css="font-weight:bold"> ג ונתן ביום ההוא מופת לאמר זה המופת אשר דבר יהוה הנה המזבח נקרע ונשפך הדשן אשר עליו
4 vnumber="4"> css="font-weight:bold"> ד ויהי כשמע המלך את דבר איש האלהים אשר קרא על המזבח בבית אל וישלח ירבעם את ידו מעל המזבח לאמר תפשהו ותיבש ידו אשר שלח עליו ולא יכל להשיבה אליו
5 vnumber="5"> css="font-weight:bold"> ה והמזבח נקרע וישפך הדשן מן המזבח כמופת אשר נתן איש האלהים--בדבר יהוה
6 vnumber="6"> css="font-weight:bold"> ו ויען המלך ויאמר אל איש האלהים חל נא את פני יהוה אלהיך והתפלל בעדי ותשב ידי אלי ויחל איש האלהים את פני יהוה ותשב יד המלך אליו ותהי כבראשנה
7 vnumber="7"> css="font-weight:bold"> ז וידבר המלך אל איש האלהים באה אתי הביתה וסעדה ואתנה לך מתת
8 vnumber="8"> css="font-weight:bold"> ח ויאמר איש האלהים אל המלך אם תתן לי את חצי ביתך לא אבא עמך ולא אכל לחם ולא אשתה מים במקום הזה
9 vnumber="9"> css="font-weight:bold"> ט כי כן צוה אתי בדבר יהוה לאמר לא תאכל לחם ולא תשתה מים ולא תשוב בדרך אשר הלכת
10 vnumber="10"> css="font-weight:bold"> י וילך בדרך אחר ולא שב בדרך אשר בא בה אל בית אל {פ} art="x-p"/>
11 vnumber="11"> css="font-weight:bold"> יא ונביא אחד זקן ישב בבית אל ויבוא בנו ויספר לו את כל המעשה אשר עשה איש האלהים היום בבית אל את הדברים אשר דבר אל המלך ויספרום לאביהם
12 vnumber="12"> css="font-weight:bold"> יב וידבר אלהם אביהם אי זה הדרך הלך ויראו בניו את הדרך אשר הלך איש האלהים אשר בא מיהודה
13 vnumber="13"> css="font-weight:bold"> יג ויאמר אל בניו חבשו לי החמור ויחבשו לו החמור וירכב עליו
14 vnumber="14"> css="font-weight:bold"> יד וילך אחרי איש האלהים וימצאהו ישב תחת האלה ויאמר אליו האתה איש האלהים אשר באת מיהודה--ויאמר אני
15 vnumber="15"> css="font-weight:bold"> טו ויאמר אליו לך אתי הביתה ואכל לחם
16 vnumber="16"> css="font-weight:bold"> טז ויאמר לא אוכל לשוב אתך--ולבוא אתך ולא אכל לחם ולא אשתה אתך מים במקום הזה
17 vnumber="17"> css="font-weight:bold"> יז כי דבר אלי בדבר יהוה לא תאכל לחם ולא תשתה שם מים לא תשוב ללכת בדרך אשר הלכת בה
18 vnumber="18"> css="font-weight:bold"> יח ויאמר לו גם אני נביא כמוך ומלאך דבר אלי בדבר יהוה לאמר השבהו אתך אל ביתך ויאכל לחם וישת מים כחש לו
19 vnumber="19"> css="font-weight:bold"> יט וישב אתו ויאכל לחם בביתו--וישת מים
20 vnumber="20"> css="font-weight:bold"> כ ויהי הם ישבים אל השלחן {פ} br br ויהי דבר יהוה אל הנביא אשר השיבו
21 vnumber="21"> css="font-weight:bold"> כא ויקרא אל איש האלהים אשר בא מיהודה לאמר כה אמר יהוה יען כי מרית פי יהוה ולא שמרת את המצוה אשר צוך יהוה אלהיך
22 vnumber="22"> css="font-weight:bold"> כב ותשב ותאכל לחם ותשת מים במקום אשר דבר אליך אל תאכל לחם ואל תשת מים--לא תבוא נבלתך אל קבר אבתיך
23 vnumber="23"> css="font-weight:bold"> כג ויהי אחרי אכלו לחם--ואחרי שתותו ויחבש לו החמור לנביא אשר השיבו
24 vnumber="24"> css="font-weight:bold"> כד וילך וימצאהו אריה בדרך וימיתהו ותהי נבלתו משלכת בדרך והחמור עמד אצלה והאריה עמד אצל הנבלה
25 vnumber="25"> css="font-weight:bold"> כה והנה אנשים עברים ויראו את הנבלה משלכת בדרך ואת האריה עמד אצל הנבלה ויבאו וידברו בעיר אשר הנביא הזקן ישב בה
26 vnumber="26"> css="font-weight:bold"> כו וישמע הנביא אשר השיבו מן הדרך ויאמר איש האלהים הוא אשר מרה את פי יהוה ויתנהו יהוה לאריה וישברהו וימתהו כדבר יהוה אשר דבר לו
27 vnumber="27"> css="font-weight:bold"> כז וידבר אל בניו לאמר חבשו לי את החמור ויחבשו
28 vnumber="28"> css="font-weight:bold"> כח וילך וימצא את נבלתו משלכת בדרך וחמור והאריה עמדים אצל הנבלה לא אכל האריה את הנבלה ולא שבר את החמור
29 vnumber="29"> css="font-weight:bold"> כט וישא הנביא את נבלת איש האלהים וינחהו אל החמור--וישיבהו ויבא אל עיר הנביא הזקן לספד ולקברו
30 vnumber="30"> css="font-weight:bold"> ל וינח את נבלתו בקברו ויספדו עליו הוי אחי
31 vnumber="31"> css="font-weight:bold"> לא ויהי אחרי קברו אתו ויאמר אל בניו לאמר במותי וקברתם אתי בקבר אשר איש האלהים קבור בו אצל עצמתיו הניחו את עצמתי
32 vnumber="32"> css="font-weight:bold"> לב כי היה יהיה הדבר אשר קרא בדבר יהוה על המזבח אשר בבית אל ועל כל בתי הבמות אשר בערי שמרון {פ} art="x-p"/>
33 vnumber="33"> css="font-weight:bold"> לג אחר הדבר הזה לא שב ירבעם מדרכו הרעה וישב ויעש מקצות העם כהני במות--החפץ ימלא את ידו ויהי כהני במות
34 vnumber="34"> css="font-weight:bold"> לד ויהי בדבר הזה לחטאת בית ירבעם ולהכחיד ולהשמיד מעל פני האדמה {פ} art="x-p"/>