1 vnumber="1"> css="font-weight:bold"> א ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה
2 vnumber="2"> css="font-weight:bold"> ב מכל הבהמה הטהורה תקח לך שבעה שבעה--איש ואשתו ומן הבהמה אשר לא טהרה הוא שנים--איש ואשתו
3 vnumber="3"> css="font-weight:bold"> ג גם מעוף השמים שבעה שבעה זכר ונקבה לחיות זרע על פני כל הארץ
4 vnumber="4"> css="font-weight:bold"> ד כי לימים עוד שבעה אנכי ממטיר על הארץ ארבעים יום וארבעים לילה ומחיתי את כל היקום אשר עשיתי מעל פני האדמה
5 vnumber="5"> css="font-weight:bold"> ה ויעש נח ככל אשר צוהו יהוה
6 vnumber="6"> css="font-weight:bold"> ו ונח בן שש מאות שנה והמבול היה מים על הארץ
7 vnumber="7"> css="font-weight:bold"> ז ויבא נח ובניו ואשתו ונשי בניו אתו--אל התבה מפני מי המבול
8 vnumber="8"> css="font-weight:bold"> ח מן הבהמה הטהורה ומן הבהמה אשר איננה טהרה ומן העוף--וכל אשר רמש על האדמה
9 vnumber="9"> css="font-weight:bold"> ט שנים שנים באו אל נח אל התבה--זכר ונקבה כאשר צוה אלהים את נח
10 vnumber="10"> css="font-weight:bold"> י ויהי לשבעת הימים ומי המבול היו על הארץ
11 vnumber="11"> css="font-weight:bold"> יא בשנת שש מאות שנה לחיי נח בחדש השני בשבעה עשר יום לחדש--ביום הזה נבקעו כל מעינת תהום רבה וארבת השמים נפתחו
12 vnumber="12"> css="font-weight:bold"> יב ויהי הגשם על הארץ ארבעים יום וארבעים לילה
13 vnumber="13"> css="font-weight:bold"> יג בעצם היום הזה בא נח ושם וחם ויפת בני נח ואשת נח ושלשת נשי בניו אתם--אל התבה
14 vnumber="14"> css="font-weight:bold"> יד המה וכל החיה למינה וכל הבהמה למינה וכל הרמש הרמש על הארץ למינהו וכל העוף למינהו כל צפור כל כנף
15 vnumber="15"> css="font-weight:bold"> טו ויבאו אל נח אל התבה שנים שנים מכל הבשר אשר בו רוח חיים
16 vnumber="16"> css="font-weight:bold"> טז והבאים זכר ונקבה מכל בשר באו כאשר צוה אתו אלהים ויסגר יהוה בעדו
17 vnumber="17"> css="font-weight:bold"> יז ויהי המבול ארבעים יום על הארץ וירבו המים וישאו את התבה ותרם מעל הארץ
18 vnumber="18"> css="font-weight:bold"> יח ויגברו המים וירבו מאד על הארץ ותלך התבה על פני המים
19 vnumber="19"> css="font-weight:bold"> יט והמים גברו מאד מאד--על הארץ ויכסו כל ההרים הגבהים אשר תחת כל השמים
20 vnumber="20"> css="font-weight:bold"> כ חמש עשרה אמה מלמעלה גברו המים ויכסו ההרים
21 vnumber="21"> css="font-weight:bold"> כא ויגוע כל בשר הרמש על הארץ בעוף ובבהמה ובחיה ובכל השרץ השרץ על הארץ--וכל האדם
22 vnumber="22"> css="font-weight:bold"> כב כל אשר נשמת רוח חיים באפיו מכל אשר בחרבה--מתו
23 vnumber="23"> css="font-weight:bold"> כג וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבה
24 vnumber="24"> css="font-weight:bold"> כד ויגברו המים על הארץ חמשים ומאת יום art="x-p"/>