1 vnumber="1"> css="font-weight:bold"> א ויהוה פקד את שרה כאשר אמר ויעש יהוה לשרה כאשר דבר
2 vnumber="2"> css="font-weight:bold"> ב ותהר ותלד שרה לאברהם בן לזקניו למועד אשר דבר אתו אלהים
3 vnumber="3"> css="font-weight:bold"> ג ויקרא אברהם את שם בנו הנולד לו אשר ילדה לו שרה--יצחק
4 vnumber="4"> css="font-weight:bold"> ד וימל אברהם את יצחק בנו בן שמנת ימים כאשר צוה אתו אלהים
5 vnumber="5"> css="font-weight:bold"> ה ואברהם בן מאת שנה בהולד לו את יצחק בנו
6 vnumber="6"> css="font-weight:bold"> ו ותאמר שרה--צחק עשה לי אלהים כל השמע יצחק לי
7 vnumber="7"> css="font-weight:bold"> ז ותאמר מי מלל לאברהם היניקה בנים שרה כי ילדתי בן לזקניו
8 vnumber="8"> css="font-weight:bold"> ח ויגדל הילד ויגמל ויעש אברהם משתה גדול ביום הגמל את יצחק
9 vnumber="9"> css="font-weight:bold"> ט ותרא שרה את בן הגר המצרית אשר ילדה לאברהם--מצחק
10 vnumber="10"> css="font-weight:bold"> י ותאמר לאברהם גרש האמה הזאת ואת בנה כי לא יירש בן האמה הזאת עם בני עם יצחק
11 vnumber="11"> css="font-weight:bold"> יא וירע הדבר מאד בעיני אברהם על אודת בנו
12 vnumber="12"> css="font-weight:bold"> יב ויאמר אלהים אל אברהם אל ירע בעיניך על הנער ועל אמתך--כל אשר תאמר אליך שרה שמע בקלה כי ביצחק יקרא לך זרע
13 vnumber="13"> css="font-weight:bold"> יג וגם את בן האמה לגוי אשימנו כי זרעך הוא
14 vnumber="14"> css="font-weight:bold"> יד וישכם אברהם בבקר ויקח לחם וחמת מים ויתן אל הגר שם על שכמה ואת הילד--וישלחה ותלך ותתע במדבר באר שבע
15 vnumber="15"> css="font-weight:bold"> טו ויכלו המים מן החמת ותשלך את הילד תחת אחד השיחם
16 vnumber="16"> css="font-weight:bold"> טז ותלך ותשב לה מנגד הרחק כמטחוי קשת כי אמרה אל אראה במות הילד ותשב מנגד ותשא את קלה ותבך
17 vnumber="17"> css="font-weight:bold"> יז וישמע אלהים את קול הנער ויקרא מלאך אלהים אל הגר מן השמים ויאמר לה מה לך הגר אל תיראי כי שמע אלהים אל קול הנער באשר הוא שם
18 vnumber="18"> css="font-weight:bold"> יח קומי שאי את הנער והחזיקי את ידך בו כי לגוי גדול אשימנו
19 vnumber="19"> css="font-weight:bold"> יט ויפקח אלהים את עיניה ותרא באר מים ותלך ותמלא את החמת מים ותשק את הנער
20 vnumber="20"> css="font-weight:bold"> כ ויהי אלהים את הנער ויגדל וישב במדבר ויהי רבה קשת
21 vnumber="21"> css="font-weight:bold"> כא וישב במדבר פארן ותקח לו אמו אשה מארץ מצרים {פ} art="x-p"/>
22 vnumber="22"> css="font-weight:bold"> כב ויהי בעת ההוא ויאמר אבימלך ופיכל שר צבאו אל אברהם לאמר אלהים עמך בכל אשר אתה עשה
23 vnumber="23"> css="font-weight:bold"> כג ועתה השבעה לי באלהים הנה אם תשקר לי ולניני ולנכדי כחסד אשר עשיתי עמך תעשה עמדי ועם הארץ אשר גרתה בה
24 vnumber="24"> css="font-weight:bold"> כד ויאמר אברהם אנכי אשבע
25 vnumber="25"> css="font-weight:bold"> כה והוכח אברהם את אבימלך על אדות באר המים אשר גזלו עבדי אבימלך
26 vnumber="26"> css="font-weight:bold"> כו ויאמר אבימלך--לא ידעתי מי עשה את הדבר הזה וגם אתה לא הגדת לי וגם אנכי לא שמעתי--בלתי היום
27 vnumber="27"> css="font-weight:bold"> כז ויקח אברהם צאן ובקר ויתן לאבימלך ויכרתו שניהם ברית
28 vnumber="28"> css="font-weight:bold"> כח ויצב אברהם את שבע כבשת הצאן--לבדהן
29 vnumber="29"> css="font-weight:bold"> כט ויאמר אבימלך אל אברהם מה הנה שבע כבשת האלה אשר הצבת לבדנה
30 vnumber="30"> css="font-weight:bold"> ל ויאמר--כי את שבע כבשת תקח מידי בעבור תהיה לי לעדה כי חפרתי את הבאר הזאת
31 vnumber="31"> css="font-weight:bold"> לא על כן קרא למקום ההוא--באר שבע כי שם נשבעו שניהם
32 vnumber="32"> css="font-weight:bold"> לב ויכרתו ברית בבאר שבע ויקם אבימלך ופיכל שר צבאו וישבו אל ארץ פלשתים
33 vnumber="33"> css="font-weight:bold"> לג ויטע אשל בבאר שבע ויקרא שם--בשם יהוה אל עולם
34 vnumber="34"> css="font-weight:bold"> לד ויגר אברהם בארץ פלשתים ימים רבים {פ} art="x-p"/>