1 vnumber="1"> css="font-weight:bold"> א והיה באחרית הימים יהיה הר בית יהוה נכון בראש ההרים ונשא הוא מגבעות ונהרו עליו עמים
2 vnumber="2"> css="font-weight:bold"> ב והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם
3 vnumber="3"> css="font-weight:bold"> ג ושפט בין עמים רבים והוכיח לגוים עצמים עד רחוק וכתתו חרבתיהם לאתים וחניתתיהם למזמרות--לא ישאו גוי אל גוי חרב ולא ילמדון עוד מלחמה
4 vnumber="4"> css="font-weight:bold"> ד וישבו איש תחת גפנו ותחת תאנתו--ואין מחריד כי פי יהוה צבאות דבר
5 vnumber="5"> css="font-weight:bold"> ה כי כל העמים ילכו איש בשם אלהיו ואנחנו נלך בשם יהוה אלהינו--לעולם ועד {פ} art="x-p"/>
6 vnumber="6"> css="font-weight:bold"> ו ביום ההוא נאם יהוה אספה הצלעה והנדחה אקבצה ואשר הרעתי
7 vnumber="7"> css="font-weight:bold"> ז ושמתי את הצלעה לשארית והנהלאה לגוי עצום ומלך יהוה עליהם בהר ציון מעתה ועד עולם {פ} art="x-p"/>
8 vnumber="8"> css="font-weight:bold"> ח ואתה מגדל עדר עפל בת ציון--עדיך תאתה ובאה הממשלה הראשנה ממלכת לבת ירושלם
9 vnumber="9"> css="font-weight:bold"> ט עתה למה תריעי רע המלך אין בך אם יועצך אבד--כי החזיקך חיל כיולדה
10 vnumber="10"> css="font-weight:bold"> י חולי וגחי בת ציון כיולדה כי עתה תצאי מקריה ושכנת בשדה ובאת עד בבל שם תנצלי--שם יגאלך יהוה מכף איביך
11 vnumber="11"> css="font-weight:bold"> יא ועתה נאספו עליך גוים רבים--האמרים תחנף ותחז בציון עינינו
12 vnumber="12"> css="font-weight:bold"> יב והמה לא ידעו מחשבות יהוה ולא הבינו עצתו כי קבצם כעמיר גרנה
13 vnumber="13"> css="font-weight:bold"> יג קומי ודושי בת ציון כי קרנך אשים ברזל ופרסתיך אשים נחושה והדקות עמים רבים והחרמתי ליהוה בצעם וחילם לאדון כל הארץ (Micah 4:14) css="font-weight:bold"> יד עתה תתגדדי בת גדוד מצור שם עלינו בשבט יכו על הלחי את שפט ישראל {ס} art="x-p"/>