1 vnumber="1"> css="font-weight:bold"> א וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים
2 vnumber="2"> css="font-weight:bold"> ב ויקח יתרו חתן משה את צפרה אשת משה--אחר שלוחיה
3 vnumber="3"> css="font-weight:bold"> ג ואת שני בניה אשר שם האחד גרשם--כי אמר גר הייתי בארץ נכריה
4 vnumber="4"> css="font-weight:bold"> ד ושם האחד אליעזר--כי אלהי אבי בעזרי ויצלני מחרב פרעה
5 vnumber="5"> css="font-weight:bold"> ה ויבא יתרו חתן משה ובניו ואשתו--אל משה אל המדבר אשר הוא חנה שם--הר האלהים
6 vnumber="6"> css="font-weight:bold"> ו ויאמר אל משה אני חתנך יתרו בא אליך ואשתך--ושני בניה עמה
7 vnumber="7"> css="font-weight:bold"> ז ויצא משה לקראת חתנו וישתחו וישק לו וישאלו איש לרעהו לשלום ויבאו האהלה
8 vnumber="8"> css="font-weight:bold"> ח ויספר משה לחתנו את כל אשר עשה יהוה לפרעה ולמצרים על אודת ישראל את כל התלאה אשר מצאתם בדרך ויצלם יהוה
9 vnumber="9"> css="font-weight:bold"> ט ויחד יתרו--על כל הטובה אשר עשה יהוה לישראל אשר הצילו מיד מצרים
10 vnumber="10"> css="font-weight:bold"> י ויאמר יתרו ברוך יהוה אשר הציל אתכם מיד מצרים ומיד פרעה אשר הציל את העם מתחת יד מצרים
11 vnumber="11"> css="font-weight:bold"> יא עתה ידעתי כי גדול יהוה מכל האלהים כי בדבר אשר זדו עליהם
12 vnumber="12"> css="font-weight:bold"> יב ויקח יתרו חתן משה עלה וזבחים--לאלהים ויבא אהרן וכל זקני ישראל לאכל לחם עם חתן משה--לפני האלהים
13 vnumber="13"> css="font-weight:bold"> יג ויהי ממחרת וישב משה לשפט את העם ויעמד העם על משה מן הבקר עד הערב
14 vnumber="14"> css="font-weight:bold"> יד וירא חתן משה את כל אשר הוא עשה לעם ויאמר מה הדבר הזה אשר אתה עשה לעם--מדוע אתה יושב לבדך וכל העם נצב עליך מן בקר עד ערב
15 vnumber="15"> css="font-weight:bold"> טו ויאמר משה לחתנו כי יבא אלי העם לדרש אלהים
16 vnumber="16"> css="font-weight:bold"> טז כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו
17 vnumber="17"> css="font-weight:bold"> יז ויאמר חתן משה אליו לא טוב הדבר אשר אתה עשה
18 vnumber="18"> css="font-weight:bold"> יח נבל תבל--גם אתה גם העם הזה אשר עמך כי כבד ממך הדבר לא תוכל עשהו לבדך
19 vnumber="19"> css="font-weight:bold"> יט עתה שמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים
20 vnumber="20"> css="font-weight:bold"> כ והזהרתה אתהם את החקים ואת התורת והודעת להם את הדרך ילכו בה ואת המעשה אשר יעשון
21 vnumber="21"> css="font-weight:bold"> כא ואתה תחזה מכל העם אנשי חיל יראי אלהים אנשי אמת--שנאי בצע ושמת עלהם שרי אלפים שרי מאות שרי חמשים ושרי עשרת
22 vnumber="22"> css="font-weight:bold"> כב ושפטו את העם בכל עת והיה כל הדבר הגדל יביאו אליך וכל הדבר הקטן ישפטו הם והקל מעליך ונשאו אתך
23 vnumber="23"> css="font-weight:bold"> כג אם את הדבר הזה תעשה וצוך אלהים ויכלת עמד וגם כל העם הזה על מקמו יבא בשלום
24 vnumber="24"> css="font-weight:bold"> כד וישמע משה לקול חתנו ויעש כל אשר אמר
25 vnumber="25"> css="font-weight:bold"> כה ויבחר משה אנשי חיל מכל ישראל ויתן אתם ראשים על העם--שרי אלפים שרי מאות שרי חמשים ושרי עשרת
26 vnumber="26"> css="font-weight:bold"> כו ושפטו את העם בכל עת את הדבר הקשה יביאון אל משה וכל הדבר הקטן ישפוטו הם
27 vnumber="27"> css="font-weight:bold"> כז וישלח משה את חתנו וילך לו אל ארצו {פ} art="x-p"/>