1 vnumber="1"> css="font-weight:bold"> א בשנת שמונה עשרה למלך ירבעם וימלך אביה על יהודה
2 vnumber="2"> css="font-weight:bold"> ב שלוש שנים מלך בירושלם ושם אמו מיכיהו בת אוריאל מן גבעה ומלחמה היתה בין אביה ובין ירבעם
3 vnumber="3"> css="font-weight:bold"> ג ויאסר אביה את המלחמה בחיל גבורי מלחמה ארבע מאות אלף איש בחור {ס} וירבעם ערך עמו מלחמה בשמונה מאות אלף איש בחור גבור חיל {ס}
4 vnumber="4"> css="font-weight:bold"> ד ויקם אביה מעל להר צמרים אשר בהר אפרים ויאמר שמעוני ירבעם וכל ישראל
5 vnumber="5"> css="font-weight:bold"> ה הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח {פ} br art="x-p"/>
6 vnumber="6"> css="font-weight:bold"> ו ויקם ירבעם בן נבט עבד שלמה בן דויד וימרד על אדניו
7 vnumber="7"> css="font-weight:bold"> ז ויקבצו עליו אנשים רקים בני בליעל ויתאמצו על רחבעם בן שלמה ורחבעם היה נער ורך לבב ולא התחזק לפניהם
8 vnumber="8"> css="font-weight:bold"> ח ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשר עשה לכם ירבעם לאלהים
9 vnumber="9"> css="font-weight:bold"> ט הלא הדחתם את כהני יהוה את בני אהרן והלוים ותעשו לכם כהנים כעמי הארצות--כל הבא למלא ידו בפר בן בקר ואילם שבעה והיה כהן ללא אלהים {ס}
10 vnumber="10"> css="font-weight:bold"> י ואנחנו יהוה אלהינו ולא עזבנהו וכהנים משרתים ליהוה בני אהרן והלוים במלאכת
11 vnumber="11"> css="font-weight:bold"> יא ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב--כי שמרים אנחנו את משמרת יהוה אלהינו ואתם עזבתם אתו
12 vnumber="12"> css="font-weight:bold"> יב והנה עמנו בראש האלהים וכהניו וחצצרות התרועה--להריע עליכם בני ישראל אל תלחמו עם יהוה אלהי אבתיכם--כי לא תצליחו
13 vnumber="13"> css="font-weight:bold"> יג וירבעם הסב את המארב לבוא מאחריהם ויהיו לפני יהודה והמארב מאחריהם
14 vnumber="14"> css="font-weight:bold"> יד ויפנו יהודה והנה להם המלחמה פנים ואחור ויצעקו ליהוה והכהנים מחצצרים (מחצרים) בחצצרות
15 vnumber="15"> css="font-weight:bold"> טו ויריעו איש יהודה ויהי בהריע איש יהודה והאלהים נגף את ירבעם וכל ישראל לפני אביה ויהודה
16 vnumber="16"> css="font-weight:bold"> טז וינוסו בני ישראל מפני יהודה ויתנם אלהים בידם
17 vnumber="17"> css="font-weight:bold"> יז ויכו בהם אביה ועמו מכה רבה ויפלו חללים מישראל חמש מאות אלף איש בחור
18 vnumber="18"> css="font-weight:bold"> יח ויכנעו בני ישראל בעת ההיא ויאמצו בני יהודה כי נשענו על יהוה אלהי אבותיהם
19 vnumber="19"> css="font-weight:bold"> יט וירדף אביה אחרי ירבעם וילכד ממנו ערים את בית אל ואת בנותיה ואת ישנה ואת בנותיה ואת עפרון (עפרין) ובנתיה
20 vnumber="20"> css="font-weight:bold"> כ ולא עצר כח ירבעם עוד בימי אביהו ויגפהו יהוה וימת {פ} br art="x-p"/>
21 vnumber="21"> css="font-weight:bold"> כא ויתחזק אביהו--וישא לו נשים ארבע עשרה ויולד עשרים ושנים בנים ושש עשרה בנות
22 vnumber="22"> css="font-weight:bold"> כב ויתר דברי אביה ודרכיו ודבריו--כתובים במדרש הנביא עדו (II Chronicles 13:23) css="font-weight:bold"> כג וישכב אביה עם אבתיו ויקברו אתו בעיר דויד וימלך אסא בנו תחתיו בימיו שקטה הארץ עשר שנים {פ} br art="x-p"/>