1 vnumber="1"> css="font-weight:bold"> א מקץ שבע שנים תעשה שמטה
2 vnumber="2"> css="font-weight:bold"> ב וזה דבר השמטה--שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה
3 vnumber="3"> css="font-weight:bold"> ג את הנכרי תגש ואשר יהיה לך את אחיך תשמט ידך
4 vnumber="4"> css="font-weight:bold"> ד אפס כי לא יהיה בך אביון כי ברך יברכך יהוה בארץ אשר יהוה אלהיך נתן לך נחלה לרשתה
5 vnumber="5"> css="font-weight:bold"> ה רק אם שמוע תשמע בקול יהוה אלהיך לשמר לעשות את כל המצוה הזאת אשר אנכי מצוך היום
6 vnumber="6"> css="font-weight:bold"> ו כי יהוה אלהיך ברכך כאשר דבר לך והעבטת גוים רבים ואתה לא תעבט ומשלת בגוים רבים ובך לא ימשלו {ס} art="x-p"/>
7 vnumber="7"> css="font-weight:bold"> ז כי יהיה בך אביון מאחד אחיך באחד שעריך בארצך אשר יהוה אלהיך נתן לך--לא תאמץ את לבבך ולא תקפץ את ידך מאחיך האביון
8 vnumber="8"> css="font-weight:bold"> ח כי פתח תפתח את ידך לו והעבט תעביטנו די מחסרו אשר יחסר לו
9 vnumber="9"> css="font-weight:bold"> ט השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא
10 vnumber="10"> css="font-weight:bold"> י נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך
11 vnumber="11"> css="font-weight:bold"> יא כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך {ס} art="x-p"/>
12 vnumber="12"> css="font-weight:bold"> יב כי ימכר לך אחיך העברי או העבריה--ועבדך שש שנים ובשנה השביעת תשלחנו חפשי מעמך
13 vnumber="13"> css="font-weight:bold"> יג וכי תשלחנו חפשי מעמך--לא תשלחנו ריקם
14 vnumber="14"> css="font-weight:bold"> יד העניק תעניק לו מצאנך ומגרנך ומיקבך אשר ברכך יהוה אלהיך תתן לו
15 vnumber="15"> css="font-weight:bold"> טו וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה--היום
16 vnumber="16"> css="font-weight:bold"> טז והיה כי יאמר אליך לא אצא מעמך כי אהבך ואת ביתך כי טוב לו עמך
17 vnumber="17"> css="font-weight:bold"> יז ולקחת את המרצע ונתתה באזנו ובדלת והיה לך עבד עולם ואף לאמתך תעשה כן
18 vnumber="18"> css="font-weight:bold"> יח לא יקשה בעינך בשלחך אתו חפשי מעמך--כי משנה שכר שכיר עבדך שש שנים וברכך יהוה אלהיך בכל אשר תעשה {פ} art="x-p"/>
19 vnumber="19"> css="font-weight:bold"> יט כל הבכור אשר יולד בבקרך ובצאנך הזכר--תקדיש ליהוה אלהיך לא תעבד בבכר שורך ולא תגז בכור צאנך
20 vnumber="20"> css="font-weight:bold"> כ לפני יהוה אלהיך תאכלנו שנה בשנה במקום אשר יבחר יהוה--אתה וביתך
21 vnumber="21"> css="font-weight:bold"> כא וכי יהיה בו מום פסח או עור כל מום רע--לא תזבחנו ליהוה אלהיך
22 vnumber="22"> css="font-weight:bold"> כב בשעריך תאכלנו--הטמא והטהור יחדו כצבי וכאיל
23 vnumber="23"> css="font-weight:bold"> כג רק את דמו לא תאכל על הארץ תשפכנו כמים {פ} art="x-p"/>