1 vnumber="1"> למנצח לעבד יהוה--לדוד br אשר דבר ליהוה את-דברי השירה הזאת-- br ביום הציל-יהוה אותו מכף כל-איביו ומיד שאול br
2 vnumber="2"> ויאמר-- ארחמך יהוה חזקי br
3 vnumber="3"> יהוה סלעי ומצודתי-- ומפלטי br אלי צורי אחסה-בו מגני וקרן-ישעי משגבי br
4 vnumber="4"> מהלל אקרא יהוה ומן-איבי אושע br
5 vnumber="5"> אפפוני חבלי-מות ונחלי בליעל יבעתוני br
6 vnumber="6"> חבלי שאול סבבוני קדמוני מוקשי מות br
7 vnumber="7"> בצר-לי אקרא יהוה-- ואל-אלהי אשוע br ישמע מהיכלו קולי ושועתי לפניו תבוא באזניו br
8 vnumber="8"> ותגעש ותרעש הארץ-- ומוסדי הרים ירגזו br ויתגעשו כי-חרה לו br
9 vnumber="9"> עלה עשן באפו-- ואש-מפיו תאכל br גחלים בערו ממנו br
10 vnumber="10"> ויט שמים וירד וערפל תחת רגליו br
11 vnumber="11"> וירכב על-כרוב ויעף וידא על-כנפי-רוח br
12 vnumber="12"> ישת חשך סתרו-- סביבותיו סכתו br חשכת-מים עבי שחקים br
13 vnumber="13"> מנגה נגדו עביו עברו--ברד וגחלי-אש br
14 vnumber="14"> וירעם בשמים יהוה--ועליון יתן קלו ברד וגחלי-אש br
15 vnumber="15"> וישלח חציו ויפיצם וברקים רב ויהמם br
16 vnumber="16"> ויראו אפיקי מים ויגלו מוסדות תבל br מגערתך יהוה-- מנשמת רוח אפך br
17 vnumber="17"> ישלח ממרום יקחני ימשני ממים רבים br
18 vnumber="18"> יצילני מאיבי עז ומשנאי כי-אמצו ממני br
19 vnumber="19"> יקדמוני ביום-אידי ויהי-יהוה למשען לי br
20 vnumber="20"> ויוציאני למרחב יחלצני כי חפץ בי br
21 vnumber="21"> יגמלני יהוה כצדקי כבר ידי ישיב לי br
22 vnumber="22"> כי-שמרתי דרכי יהוה ולא-רשעתי מאלהי br
23 vnumber="23"> כי כל-משפטיו לנגדי וחקתיו לא-אסיר מני br
24 vnumber="24"> ואהי תמים עמו ואשתמר מעוני br
25 vnumber="25"> וישב-יהוה לי כצדקי כבר ידי לנגד עיניו br
26 vnumber="26"> עם-חסיד תתחסד עם-גבר תמים תתמם br
27 vnumber="27"> עם-נבר תתברר ועם-עקש תתפתל br
28 vnumber="28"> כי-אתה עם-עני תושיע ועינים רמות תשפיל br
29 vnumber="29"> כי-אתה תאיר נרי יהוה אלהי יגיה חשכי br
30 vnumber="30"> כי-בך ארץ גדוד ובאלהי אדלג-שור br
31 vnumber="31"> האל תמים דרכו br אמרת-יהוה צרופה מגן הוא לכל החסים בו br
32 vnumber="32"> כי מי אלוה מבלעדי יהוה ומי צור זולתי אלהינו br
33 vnumber="33"> האל המאזרני חיל ויתן תמים דרכי br
34 vnumber="34"> משוה רגלי כאילות ועל במתי יעמידני br
35 vnumber="35"> מלמד ידי למלחמה ונחתה קשת-נחושה זרועתי br
36 vnumber="36"> ותתן-לי מגן ישעך וימינך תסעדני וענותך תרבני br
37 vnumber="37"> תרחיב צעדי תחתי ולא מעדו קרסלי br
38 vnumber="38"> ארדוף אויבי ואשיגם ולא-אשוב עד-כלותם br
39 vnumber="39"> אמחצם ולא-יכלו קום יפלו תחת רגלי br
40 vnumber="40"> ותאזרני חיל למלחמה תכריע קמי תחתי br
41 vnumber="41"> ואיבי נתתה לי ערף ומשנאי אצמיתם br
42 vnumber="42"> ישועו ואין-מושיע על-יהוה ולא ענם br
43 vnumber="43"> ואשחקם כעפר על-פני-רוח כטיט חוצות אריקם br
44 vnumber="44"> תפלטני מריבי-עם תשימני לראש גוים עם לא-ידעתי יעבדוני br
45 vnumber="45"> לשמע אזן ישמעו לי בני-נכר יכחשו-לי br
46 vnumber="46"> בני-נכר יבלו ויחרגו ממסגרותיהם br
47 vnumber="47"> חי-יהוה וברוך צורי וירום אלוהי ישעי br
48 vnumber="48"> האל--הנותן נקמות לי וידבר עמים תחתי br
49 vnumber="49"> מפלטי מאיבי אף מן-קמי תרוממני מאיש חמס תצילני br
50 vnumber="50"> על-כן אודך בגוים יהוה ולשמך אזמרה br (Psalms 18:51) מגדל ישועות מלכו br ועשה חסד למשיחו--לדוד ולזרעו עד-עולם
art="x-p"/>