1 vnumber="1"> ויברח דוד מנוות (מניות) ברמה ויבא ויאמר לפני יהונתן מה עשיתי מה עוני ומה חטאתי לפני אביך--כי מבקש את נפשי
2 vnumber="2"> ויאמר לו חלילה לא תמות--הנה לו עשה (לא יעשה) אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת
3 vnumber="3"> וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך--כי כפשע ביני ובין המות
4 vnumber="4"> ויאמר יהונתן אל דוד מה תאמר נפשך ואעשה לך {פ}
art="x-p"/>
5 vnumber="5"> ויאמר דוד אל יהונתן הנה חדש מחר ואנכי ישב אשב עם המלך לאכול ושלחתני ונסתרתי בשדה עד הערב השלשית
6 vnumber="6"> אם פקד יפקדני אביך ואמרת נשאל נשאל ממני דוד לרוץ בית לחם עירו--כי זבח הימים שם לכל המשפחה
7 vnumber="7"> אם כה יאמר טוב שלום לעבדך ואם חרה יחרה לו--דע כי כלתה הרעה מעמו
8 vnumber="8"> ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני {פ}
art="x-p"/>
9 vnumber="9"> ויאמר יהונתן חלילה לך כי אם ידע אדע כי כלתה הרעה מעם אבי לבוא עליך--ולא אתה אגיד לך {ס}
art="x-p"/>
10 vnumber="10"> ויאמר דוד אל יהונתן מי יגיד לי או מה יענך אביך קשה {ס}
art="x-p"/>
11 vnumber="11"> ויאמר יהונתן אל דוד לכה ונצא השדה ויצאו שניהם השדה {ס}
art="x-p"/>
12 vnumber="12"> ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד--ולא אז אשלח אליך וגליתי את אזנך
13 vnumber="13"> כה יעשה יהוה ליהונתן וכה יסיף כי ייטב אל אבי את הרעה עליך--וגליתי את אזנך ושלחתיך והלכת לשלום ויהי יהוה עמך כאשר היה עם אבי
14 vnumber="14"> ולא אם עודני חי ולא תעשה עמדי חסד יהוה ולא אמות
15 vnumber="15"> ולא תכרית את חסדך מעם ביתי עד עולם ולא בהכרת יהוה את איבי דוד איש מעל פני האדמה
16 vnumber="16"> ויכרת יהונתן עם בית דוד ובקש יהוה מיד איבי דוד
17 vnumber="17"> ויוסף יהונתן להשביע את דוד באהבתו אתו כי אהבת נפשו אהבו {ס}
art="x-p"/>
18 vnumber="18"> ויאמר לו יהונתן מחר חדש ונפקדת כי יפקד מושבך
19 vnumber="19"> ושלשת תרד מאד ובאת אל המקום אשר נסתרת שם ביום המעשה וישבת אצל האבן האזל
20 vnumber="20"> ואני שלשת החצים צדה אורה לשלח לי למטרה
21 vnumber="21"> והנה אשלח את הנער לך מצא את החצים אם אמר אמר לנער הנה החצים ממך והנה קחנו ובאה כי שלום לך ואין דבר--חי יהוה
22 vnumber="22"> ואם כה אמר לעלם הנה החצים ממך והלאה--לך כי שלחך יהוה
23 vnumber="23"> והדבר--אשר דברנו אני ואתה הנה יהוה ביני ובינך עד עולם {ס}
art="x-p"/>
24 vnumber="24"> ויסתר דוד בשדה ויהי החדש וישב המלך על (אל) הלחם לאכול
25 vnumber="25"> וישב המלך על מושבו כפעם בפעם אל מושב הקיר ויקם יהונתן וישב אבנר מצד שאול ויפקד מקום דוד
26 vnumber="26"> ולא דבר שאול מאומה ביום ההוא כי אמר מקרה הוא בלתי טהור הוא כי לא טהור {ס}
art="x-p"/>
27 vnumber="27"> ויהי ממחרת החדש השני ויפקד מקום דוד {פ} br br ויאמר שאול אל יהונתן בנו מדוע לא בא בן ישי גם תמול גם היום אל הלחם
28 vnumber="28"> ויען יהונתן את שאול נשאל נשאל דוד מעמדי עד בית לחם
29 vnumber="29"> ויאמר שלחני נא כי זבח משפחה לנו בעיר והוא צוה לי אחי ועתה אם מצאתי חן בעיניך אמלטה נא ואראה את אחי על כן לא בא אל שלחן המלך {ס}
art="x-p"/>
30 vnumber="30"> ויחר אף שאול ביהונתן ויאמר לו בן נעות המרדות הלוא ידעתי כי בחר אתה לבן ישי לבשתך ולבשת ערות אמך
31 vnumber="31"> כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי--כי בן מות הוא {ס}
art="x-p"/>
32 vnumber="32"> ויען יהונתן את שאול אביו ויאמר אליו למה יומת מה עשה
33 vnumber="33"> ויטל שאול את החנית עליו להכתו וידע יהונתן כי כלה היא מעם אביו להמית את דוד {ס}
art="x-p"/>
34 vnumber="34"> ויקם יהונתן מעם השלחן בחרי אף ולא אכל ביום החדש השני לחם--כי נעצב אל דוד כי הכלמו אביו {ס}
art="x-p"/>
35 vnumber="35"> ויהי בבקר ויצא יהונתן השדה למועד דוד ונער קטן עמו
36 vnumber="36"> ויאמר לנערו--רץ מצא נא את החצים אשר אנכי מורה הנער רץ והוא ירה החצי להעברו
37 vnumber="37"> ויבא הנער עד מקום החצי אשר ירה יהונתן ויקרא יהונתן אחרי הנער ויאמר הלוא החצי ממך והלאה
38 vnumber="38"> ויקרא יהונתן אחרי הנער מהרה חושה אל תעמד וילקט נער יהונתן את החצי (החצים) ויבא אל אדניו
39 vnumber="39"> והנער לא ידע מאומה אך יהונתן ודוד ידעו את הדבר {ס}
art="x-p"/>
40 vnumber="40"> ויתן יהונתן את כליו אל הנער אשר לו ויאמר לו לך הביא העיר
41 vnumber="41"> הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדיל
42 vnumber="42"> ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם {פ}
art="x-p"/>