1 vnumber="1"> css="font-weight:bold"> א ויהי בשנה הששית בששי בחמשה לחדש אני יושב בביתי וזקני יהודה יושבים לפני ותפל עלי שם יד אדני יהוה
2 vnumber="2"> css="font-weight:bold"> ב ואראה והנה דמות כמראה אש--ממראה מתניו ולמטה אש וממתניו ולמעלה כמראה זהר כעין החשמלה
3 vnumber="3"> css="font-weight:bold"> ג וישלח תבנית יד ויקחני בציצת ראשי ותשא אתי רוח בין הארץ ובין השמים ותבא אתי ירושלמה במראות אלהים אל פתח שער הפנימית הפונה צפונה אשר שם מושב סמל הקנאה המקנה
4 vnumber="4"> css="font-weight:bold"> ד והנה שם--כבוד אלהי ישראל כמראה אשר ראיתי בבקעה
5 vnumber="5"> css="font-weight:bold"> ה ויאמר אלי--בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאה
6 vnumber="6"> css="font-weight:bold"> ו ויאמר אלי--בן אדם הראה אתה מהם (מה הם) עשים תועבות גדלות אשר בית ישראל עשים פה לרחקה מעל מקדשי ועוד תשוב תראה תועבות גדלות {פ} art="x-p"/>
7 vnumber="7"> css="font-weight:bold"> ז ויבא אתי אל פתח החצר ואראה והנה חר אחד בקיר
8 vnumber="8"> css="font-weight:bold"> ח ויאמר אלי בן אדם חתר נא בקיר ואחתר בקיר והנה פתח אחד {ס} art="x-p"/>
9 vnumber="9"> css="font-weight:bold"> ט ויאמר אלי בא וראה את התועבות הרעות אשר הם עשים פה
10 vnumber="10"> css="font-weight:bold"> י ואבוא ואראה והנה כל תבנית רמש ובהמה שקץ וכל גלולי בית ישראל--מחקה על הקיר סביב סביב
11 vnumber="11"> css="font-weight:bold"> יא ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלה
12 vnumber="12"> css="font-weight:bold"> יב ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו--עזב יהוה את הארץ
13 vnumber="13"> css="font-weight:bold"> יג ויאמר אלי עוד תשוב תראה תועבות גדלות אשר המה עשים
14 vnumber="14"> css="font-weight:bold"> יד ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוז {ס} art="x-p"/>
15 vnumber="15"> css="font-weight:bold"> טו ויאמר אלי הראית בן אדם עוד תשוב תראה תועבות גדלות מאלה
16 vnumber="16"> css="font-weight:bold"> טז ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשרים וחמשה איש אחריהם אל היכל יהוה ופניהם קדמה והמה משתחויתם קדמה לשמש
17 vnumber="17"> css="font-weight:bold"> יז ויאמר אלי הראית בן אדם--הנקל לבית יהודה מעשות את התועבות אשר עשו פה כי מלאו את הארץ חמס וישבו להכעיסני והנם שלחים את הזמורה אל אפם
18 vnumber="18"> css="font-weight:bold"> יח וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותם art="x-p"/>