1 vnumber="1"> css="font-weight:bold"> א קומי אורי כי בא אורך וכבוד יהוה עליך זרח
2 vnumber="2"> css="font-weight:bold"> ב כי הנה החשך יכסה ארץ וערפל לאמים ועליך יזרח יהוה וכבודו עליך יראה
3 vnumber="3"> css="font-weight:bold"> ג והלכו גוים לאורך ומלכים לנגה זרחך
4 vnumber="4"> css="font-weight:bold"> ד שאי סביב עיניך וראי--כלם נקבצו באו לך בניך מרחוק יבאו ובנותיך על צד תאמנה
5 vnumber="5"> css="font-weight:bold"> ה אז תראי ונהרת ופחד ורחב לבבך כי יהפך עליך המון ים חיל גוים יבאו לך
6 vnumber="6"> css="font-weight:bold"> ו שפעת גמלים תכסך בכרי מדין ועיפה--כלם משבא יבאו זהב ולבונה ישאו ותהלת יהוה יבשרו
7 vnumber="7"> css="font-weight:bold"> ז כל צאן קדר יקבצו לך אילי נביות ישרתונך יעלו על רצון מזבחי ובית תפארתי אפאר
8 vnumber="8"> css="font-weight:bold"> ח מי אלה כעב תעופינה וכיונים אל ארבתיהם
9 vnumber="9"> css="font-weight:bold"> ט כי לי איים יקוו ואניות תרשיש בראשנה להביא בניך מרחוק כספם וזהבם אתם--לשם יהוה אלהיך ולקדוש ישראל כי פארך
10 vnumber="10"> css="font-weight:bold"> י ובנו בני נכר חמתיך ומלכיהם ישרתונך כי בקצפי הכיתיך וברצוני רחמתיך
11 vnumber="11"> css="font-weight:bold"> יא ופתחו שעריך תמיד יומם ולילה לא יסגרו להביא אליך חיל גוים ומלכיהם נהוגים
12 vnumber="12"> css="font-weight:bold"> יב כי הגוי והממלכה אשר לא יעבדוך יאבדו והגוים חרב יחרבו
13 vnumber="13"> css="font-weight:bold"> יג כבוד הלבנון אליך יבוא ברוש תדהר ותאשור יחדו--לפאר מקום מקדשי ומקום רגלי אכבד
14 vnumber="14"> css="font-weight:bold"> יד והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל
15 vnumber="15"> css="font-weight:bold"> טו תחת היותך עזובה ושנואה ואין עובר ושמתיך לגאון עולם משוש דור ודור
16 vnumber="16"> css="font-weight:bold"> טז וינקת חלב גוים ושד מלכים תינקי וידעת כי אני יהוה מושיעך וגאלך אביר יעקב
17 vnumber="17"> css="font-weight:bold"> יז תחת הנחשת אביא זהב ותחת הברזל אביא כסף ותחת העצים נחשת ותחת האבנים ברזל ושמתי פקדתך שלום ונגשיך צדקה
18 vnumber="18"> css="font-weight:bold"> יח לא ישמע עוד חמס בארצך שד ושבר בגבוליך וקראת ישועה חומתיך ושעריך תהלה
19 vnumber="19"> css="font-weight:bold"> יט לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך
20 vnumber="20"> css="font-weight:bold"> כ לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך
21 vnumber="21"> css="font-weight:bold"> כא ועמך כלם צדיקים לעולם יירשו ארץ נצר מטעו (מטעי) מעשה ידי להתפאר
22 vnumber="22"> css="font-weight:bold"> כב הקטן יהיה לאלף והצעיר לגוי עצום אני יהוה בעתה אחישנה {ס} art="x-p"/>