1 vnumber="1"> css="font-weight:bold"> א ויגע החדש השביעי ובני ישראל בערים {ס} ויאספו העם כאיש אחד אל ירושלם {ס} art="x-p"/>
2 vnumber="2"> css="font-weight:bold"> ב ויקם ישוע בן יוצדק ואחיו הכהנים וזרבבל בן שאלתיאל ואחיו ויבנו את מזבח אלהי ישראל--להעלות עליו עלות ככתוב בתורת משה איש האלהים
3 vnumber="3"> css="font-weight:bold"> ג ויכינו המזבח על מכונתיו כי באימה עליהם מעמי הארצות ויעל (ויעלו) עליו עלות ליהוה עלות לבקר ולערב
4 vnumber="4"> css="font-weight:bold"> ד ויעשו את חג הסכות ככתוב ועלת יום ביום במספר כמשפט דבר יום ביומו
5 vnumber="5"> css="font-weight:bold"> ה ואחרי כן עלת תמיד ולחדשים ולכל מועדי יהוה המקדשים ולכל מתנדב נדבה ליהוה
6 vnumber="6"> css="font-weight:bold"> ו מיום אחד לחדש השביעי החלו להעלות עלות ליהוה והיכל יהוה לא יסד
7 vnumber="7"> css="font-weight:bold"> ז ויתנו כסף--לחצבים ולחרשים ומאכל ומשתה ושמן לצדנים ולצרים להביא עצי ארזים מן הלבנון אל ים יפוא כרשיון כורש מלך פרס עליהם {פ} art="x-p"/>
8 vnumber="8"> css="font-weight:bold"> ח ובשנה השנית לבואם אל בית האלהים לירושלם בחדש השני--החלו זרבבל בן שאלתיאל וישוע בן יוצדק ושאר אחיהם הכהנים והלוים וכל הבאים מהשבי ירושלם ויעמידו את הלוים מבן עשרים שנה ומעלה לנצח על מלאכת בית יהוה {פ} art="x-p"/>
9 vnumber="9"> css="font-weight:bold"> ט ויעמד ישוע בניו ואחיו קדמיאל ובניו בני יהודה כאחד לנצח על עשה המלאכה בבית האלהים {ס} בני חנדד בניהם ואחיהם הלוים
10 vnumber="10"> css="font-weight:bold"> י ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים--להלל את יהוה על ידי דויד מלך ישראל
11 vnumber="11"> css="font-weight:bold"> יא ויענו בהלל ובהודת ליהוה כי טוב--כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה {ס} art="x-p"/>
12 vnumber="12"> css="font-weight:bold"> יב ורבים מהכהנים והלוים וראשי האבות הזקנים אשר ראו את הבית הראשון ביסדו--זה הבית בעיניהם בכים בקול גדול ורבים בתרועה בשמחה להרים קול
13 vnumber="13"> css="font-weight:bold"> יג ואין העם מכירים קול תרועת השמחה לקול בכי העם כי העם מריעים תרועה גדולה והקול נשמע עד למרחוק {פ} art="x-p"/>