1 vnumber="1"> css="font-weight:bold"> א ויהי אחר הדברים האלה והאלהים נסה את אברהם ויאמר אליו אברהם ויאמר הנני
2 vnumber="2"> css="font-weight:bold"> ב ויאמר קח נא את בנך את יחידך אשר אהבת את יצחק ולך לך אל ארץ המריה והעלהו שם לעלה על אחד ההרים אשר אמר אליך
3 vnumber="3"> css="font-weight:bold"> ג וישכם אברהם בבקר ויחבש את חמרו ויקח את שני נעריו אתו ואת יצחק בנו ויבקע עצי עלה ויקם וילך אל המקום אשר אמר לו האלהים
4 vnumber="4"> css="font-weight:bold"> ד ביום השלישי וישא אברהם את עיניו וירא את המקום--מרחק
5 vnumber="5"> css="font-weight:bold"> ה ויאמר אברהם אל נעריו שבו לכם פה עם החמור ואני והנער נלכה עד כה ונשתחוה ונשובה אליכם
6 vnumber="6"> css="font-weight:bold"> ו ויקח אברהם את עצי העלה וישם על יצחק בנו ויקח בידו את האש ואת המאכלת וילכו שניהם יחדו
7 vnumber="7"> css="font-weight:bold"> ז ויאמר יצחק אל אברהם אביו ויאמר אבי ויאמר הנני בני ויאמר הנה האש והעצים ואיה השה לעלה
8 vnumber="8"> css="font-weight:bold"> ח ויאמר אברהם אלהים יראה לו השה לעלה בני וילכו שניהם יחדו
9 vnumber="9"> css="font-weight:bold"> ט ויבאו אל המקום אשר אמר לו האלהים ויבן שם אברהם את המזבח ויערך את העצים ויעקד את יצחק בנו וישם אתו על המזבח ממעל לעצים
10 vnumber="10"> css="font-weight:bold"> י וישלח אברהם את ידו ויקח את המאכלת לשחט את בנו
11 vnumber="11"> css="font-weight:bold"> יא ויקרא אליו מלאך יהוה מן השמים ויאמר אברהם אברהם ויאמר הנני
12 vnumber="12"> css="font-weight:bold"> יב ויאמר אל תשלח ידך אל הנער ואל תעש לו מאומה כי עתה ידעתי כי ירא אלהים אתה ולא חשכת את בנך את יחידך ממני
13 vnumber="13"> css="font-weight:bold"> יג וישא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו
14 vnumber="14"> css="font-weight:bold"> יד ויקרא אברהם שם המקום ההוא יהוה יראה אשר יאמר היום בהר יהוה יראה
15 vnumber="15"> css="font-weight:bold"> טו ויקרא מלאך יהוה אל אברהם שנית מן השמים
16 vnumber="16"> css="font-weight:bold"> טז ויאמר בי נשבעתי נאם יהוה כי יען אשר עשית את הדבר הזה ולא חשכת את בנך את יחידך
17 vnumber="17"> css="font-weight:bold"> יז כי ברך אברכך והרבה ארבה את זרעך ככוכבי השמים וכחול אשר על שפת הים וירש זרעך את שער איביו
18 vnumber="18"> css="font-weight:bold"> יח והתברכו בזרעך כל גויי הארץ עקב אשר שמעת בקלי
19 vnumber="19"> css="font-weight:bold"> יט וישב אברהם אל נעריו ויקמו וילכו יחדו אל באר שבע וישב אברהם בבאר שבע {פ} art="x-p"/>
20 vnumber="20"> css="font-weight:bold"> כ ויהי אחרי הדברים האלה ויגד לאברהם לאמר הנה ילדה מלכה גם הוא בנים--לנחור אחיך
21 vnumber="21"> css="font-weight:bold"> כא את עוץ בכרו ואת בוז אחיו ואת קמואל אבי ארם
22 vnumber="22"> css="font-weight:bold"> כב ואת כשד ואת חזו ואת פלדש ואת ידלף ואת בתואל
23 vnumber="23"> css="font-weight:bold"> כג ובתואל ילד את רבקה שמנה אלה ילדה מלכה לנחור אחי אברהם
24 vnumber="24"> css="font-weight:bold"> כד ופילגשו ושמה ראומה ותלד גם הוא את טבח ואת גחם ואת תחש ואת מעכה {פ} art="x-p"/>