1 vnumber="1"> css="font-weight:bold"> א מי זה בא מאדום חמוץ בגדים מבצרה זה הדור בלבושו צעה ברב כחו אני מדבר בצדקה רב להושיע
2 vnumber="2"> css="font-weight:bold"> ב מדוע אדם ללבושך ובגדיך כדרך בגת
3 vnumber="3"> css="font-weight:bold"> ג פורה דרכתי לבדי ומעמים אין איש אתי ואדרכם באפי וארמסם בחמתי ויז נצחם על בגדי וכל מלבושי אגאלתי
4 vnumber="4"> css="font-weight:bold"> ד כי יום נקם בלבי ושנת גאולי באה
5 vnumber="5"> css="font-weight:bold"> ה ואביט ואין עזר ואשתומם ואין סומך ותושע לי זרעי וחמתי היא סמכתני
6 vnumber="6"> css="font-weight:bold"> ו ואבוס עמים באפי ואשכרם בחמתי ואוריד לארץ נצחם {ס} art="x-p"/>
7 vnumber="7"> css="font-weight:bold"> ז חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו
8 vnumber="8"> css="font-weight:bold"> ח ויאמר אך עמי המה בנים לא ישקרו ויהי להם למושיע
9 vnumber="9"> css="font-weight:bold"> ט בכל צרתם לא (לו) צר ומלאך פניו הושיעם--באהבתו ובחמלתו הוא גאלם וינטלם וינשאם כל ימי עולם
10 vnumber="10"> css="font-weight:bold"> י והמה מרו ועצבו את רוח קדשו ויהפך להם לאויב הוא נלחם בם
11 vnumber="11"> css="font-weight:bold"> יא ויזכר ימי עולם משה עמו איה המעלם מים את רעי צאנו--איה השם בקרבו את רוח קדשו
12 vnumber="12"> css="font-weight:bold"> יב מוליך לימין משה זרוע תפארתו בוקע מים מפניהם לעשות לו שם עולם
13 vnumber="13"> css="font-weight:bold"> יג מוליכם בתהמות כסוס במדבר לא יכשלו
14 vnumber="14"> css="font-weight:bold"> יד כבהמה בבקעה תרד רוח יהוה תניחנו--כן נהגת עמך לעשות לך שם תפארת
15 vnumber="15"> css="font-weight:bold"> טו הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו
16 vnumber="16"> css="font-weight:bold"> טז כי אתה אבינו--כי אברהם לא ידענו וישראל לא יכירנו אתה יהוה אבינו גאלנו מעולם שמך
17 vnumber="17"> css="font-weight:bold"> יז למה תתענו יהוה מדרכיך תקשיח לבנו מיראתך שוב למען עבדיך שבטי נחלתך
18 vnumber="18"> css="font-weight:bold"> יח למצער ירשו עם קדשך צרינו בוססו מקדשך
19 vnumber="19"> css="font-weight:bold"> יט היינו מעולם לא משלת בם--לא נקרא שמך עליהם לוא קרעת שמים ירדת מפניך הרים נזלו art="x-p"/>