1 vnumber="1"> css="font-weight:bold"> א וירא יעקב כי יש שבר במצרים ויאמר יעקב לבניו למה תתראו
2 vnumber="2"> css="font-weight:bold"> ב ויאמר--הנה שמעתי כי יש שבר במצרים רדו שמה ושברו לנו משם ונחיה ולא נמות
3 vnumber="3"> css="font-weight:bold"> ג וירדו אחי יוסף עשרה לשבר בר ממצרים
4 vnumber="4"> css="font-weight:bold"> ד ואת בנימין אחי יוסף לא שלח יעקב את אחיו כי אמר פן יקראנו אסון
5 vnumber="5"> css="font-weight:bold"> ה ויבאו בני ישראל לשבר בתוך הבאים כי היה הרעב בארץ כנען
6 vnumber="6"> css="font-weight:bold"> ו ויוסף הוא השליט על הארץ--הוא המשביר לכל עם הארץ ויבאו אחי יוסף וישתחוו לו אפים ארצה
7 vnumber="7"> css="font-weight:bold"> ז וירא יוסף את אחיו ויכרם ויתנכר אליהם וידבר אתם קשות ויאמר אלהם מאין באתם ויאמרו מארץ כנען לשבר אכל
8 vnumber="8"> css="font-weight:bold"> ח ויכר יוסף את אחיו והם לא הכרהו
9 vnumber="9"> css="font-weight:bold"> ט ויזכר יוסף--את החלמות אשר חלם להם ויאמר אלהם מרגלים אתם לראות את ערות הארץ באתם
10 vnumber="10"> css="font-weight:bold"> י ויאמרו אליו לא אדני ועבדיך באו לשבר אכל
11 vnumber="11"> css="font-weight:bold"> יא כלנו בני איש אחד נחנו כנים אנחנו לא היו עבדיך מרגלים
12 vnumber="12"> css="font-weight:bold"> יב ויאמר אלהם לא כי ערות הארץ באתם לראות
13 vnumber="13"> css="font-weight:bold"> יג ויאמרו שנים עשר עבדיך אחים אנחנו בני איש אחד--בארץ כנען והנה הקטן את אבינו היום והאחד איננו
14 vnumber="14"> css="font-weight:bold"> יד ויאמר אלהם יוסף הוא אשר דברתי אלכם לאמר--מרגלים אתם
15 vnumber="15"> css="font-weight:bold"> טו בזאת תבחנו חי פרעה אם תצאו מזה כי אם בבוא אחיכם הקטן הנה
16 vnumber="16"> css="font-weight:bold"> טז שלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא--חי פרעה כי מרגלים אתם
17 vnumber="17"> css="font-weight:bold"> יז ויאסף אתם אל משמר שלשת ימים
18 vnumber="18"> css="font-weight:bold"> יח ויאמר אלהם יוסף ביום השלישי זאת עשו וחיו את האלהים אני ירא
19 vnumber="19"> css="font-weight:bold"> יט אם כנים אתם--אחיכם אחד יאסר בבית משמרכם ואתם לכו הביאו שבר רעבון בתיכם
20 vnumber="20"> css="font-weight:bold"> כ ואת אחיכם הקטן תביאו אלי ויאמנו דבריכם ולא תמותו ויעשו כן
21 vnumber="21"> css="font-weight:bold"> כא ויאמרו איש אל אחיו אבל אשמים אנחנו על אחינו אשר ראינו צרת נפשו בהתחננו אלינו ולא שמענו על כן באה אלינו הצרה הזאת
22 vnumber="22"> css="font-weight:bold"> כב ויען ראובן אתם לאמר הלוא אמרתי אליכם לאמר אל תחטאו בילד--ולא שמעתם וגם דמו הנה נדרש
23 vnumber="23"> css="font-weight:bold"> כג והם לא ידעו כי שמע יוסף כי המליץ בינתם
24 vnumber="24"> css="font-weight:bold"> כד ויסב מעליהם ויבך וישב אלהם וידבר אלהם ויקח מאתם את שמעון ויאסר אתו לעיניהם
25 vnumber="25"> css="font-weight:bold"> כה ויצו יוסף וימלאו את כליהם בר ולהשיב כספיהם איש אל שקו ולתת להם צדה לדרך ויעש להם כן
26 vnumber="26"> css="font-weight:bold"> כו וישאו את שברם על חמריהם וילכו משם
27 vnumber="27"> css="font-weight:bold"> כז ויפתח האחד את שקו לתת מספוא לחמרו--במלון וירא את כספו והנה הוא בפי אמתחתו
28 vnumber="28"> css="font-weight:bold"> כח ויאמר אל אחיו הושב כספי וגם הנה באמתחתי ויצא לבם ויחרדו איש אל אחיו לאמר מה זאת עשה אלהים לנו
29 vnumber="29"> css="font-weight:bold"> כט ויבאו אל יעקב אביהם ארצה כנען ויגידו לו את כל הקרת אתם לאמר
30 vnumber="30"> css="font-weight:bold"> ל דבר האיש אדני הארץ אתנו--קשות ויתן אתנו כמרגלים את הארץ
31 vnumber="31"> css="font-weight:bold"> לא ונאמר אליו כנים אנחנו לא היינו מרגלים
32 vnumber="32"> css="font-weight:bold"> לב שנים עשר אנחנו אחים בני אבינו האחד איננו והקטן היום את אבינו בארץ כנען
33 vnumber="33"> css="font-weight:bold"> לג ויאמר אלינו האיש אדני הארץ בזאת אדע כי כנים אתם אחיכם האחד הניחו אתי ואת רעבון בתיכם קחו ולכו
34 vnumber="34"> css="font-weight:bold"> לד והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרו
35 vnumber="35"> css="font-weight:bold"> לה ויהי הם מריקים שקיהם והנה איש צרור כספו בשקו ויראו את צררות כספיהם המה ואביהם--וייראו
36 vnumber="36"> css="font-weight:bold"> לו ויאמר אלהם יעקב אביהם אתי שכלתם יוסף איננו ושמעון איננו ואת בנימן תקחו עלי היו כלנה
37 vnumber="37"> css="font-weight:bold"> לז ויאמר ראובן אל אביו לאמר את שני בני תמית אם לא אביאנו אליך תנה אתו על ידי ואני אשיבנו אליך
38 vnumber="38"> css="font-weight:bold"> לח ויאמר לא ירד בני עמכם כי אחיו מת והוא לבדו נשאר וקראהו אסון בדרך אשר תלכו בה והורדתם את שיבתי ביגון שאולה art="x-p"/>