1 vnumber="1"> css="font-weight:bold"> א ואם זבח שלמים קרבנו--אם מן הבקר הוא מקריב אם זכר אם נקבה תמים יקריבנו לפני יהוה
2 vnumber="2"> css="font-weight:bold"> ב וסמך ידו על ראש קרבנו ושחטו פתח אהל מועד וזרקו בני אהרן הכהנים את הדם על המזבח--סביב
3 vnumber="3"> css="font-weight:bold"> ג והקריב מזבח השלמים אשה ליהוה--את החלב המכסה את הקרב ואת כל החלב אשר על הקרב
4 vnumber="4"> css="font-weight:bold"> ד ואת שתי הכלית ואת החלב אשר עלהן אשר על הכסלים ואת היתרת על הכבד על הכליות יסירנה
5 vnumber="5"> css="font-weight:bold"> ה והקטירו אתו בני אהרן המזבחה על העלה אשר על העצים אשר על האש--אשה ריח ניחח ליהוה {פ} art="x-p"/>
6 vnumber="6"> css="font-weight:bold"> ו ואם מן הצאן קרבנו לזבח שלמים ליהוה--זכר או נקבה תמים יקריבנו
7 vnumber="7"> css="font-weight:bold"> ז אם כשב הוא מקריב את קרבנו--והקריב אתו לפני יהוה
8 vnumber="8"> css="font-weight:bold"> ח וסמך את ידו על ראש קרבנו ושחט אתו לפני אהל מועד וזרקו בני אהרן את דמו על המזבח--סביב
9 vnumber="9"> css="font-weight:bold"> ט והקריב מזבח השלמים אשה ליהוה--חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב
10 vnumber="10"> css="font-weight:bold"> י ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה
11 vnumber="11"> css="font-weight:bold"> יא והקטירו הכהן המזבחה--לחם אשה ליהוה {פ} art="x-p"/>
12 vnumber="12"> css="font-weight:bold"> יב ואם עז קרבנו--והקריבו לפני יהוה
13 vnumber="13"> css="font-weight:bold"> יג וסמך את ידו על ראשו ושחט אתו לפני אהל מועד וזרקו בני אהרן את דמו על המזבח--סביב
14 vnumber="14"> css="font-weight:bold"> יד והקריב ממנו קרבנו אשה ליהוה--את החלב המכסה את הקרב ואת כל החלב אשר על הקרב
15 vnumber="15"> css="font-weight:bold"> טו ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה
16 vnumber="16"> css="font-weight:bold"> טז והקטירם הכהן המזבחה--לחם אשה לריח ניחח כל חלב ליהוה
17 vnumber="17"> css="font-weight:bold"> יז חקת עולם לדרתיכם בכל מושבתיכם--כל חלב וכל דם לא תאכלו {פ} art="x-p"/>