1 vnumber="1"> css="font-weight:bold"> א וימלך יהושפט בנו תחתיו ויתחזק על ישראל
2 vnumber="2"> css="font-weight:bold"> ב ויתן חיל--בכל ערי יהודה הבצרות ויתן נציבים בארץ יהודה ובערי אפרים אשר לכד אסא אביו
3 vnumber="3"> css="font-weight:bold"> ג ויהי יהוה עם יהושפט כי הלך בדרכי דויד אביו הראשנים ולא דרש לבעלים
4 vnumber="4"> css="font-weight:bold"> ד כי לאלהי אביו דרש ובמצותיו הלך ולא כמעשה ישראל
5 vnumber="5"> css="font-weight:bold"> ה ויכן יהוה את הממלכה בידו ויתנו כל יהודה מנחה ליהושפט ויהי לו עשר וכבוד לרב
6 vnumber="6"> css="font-weight:bold"> ו ויגבה לבו בדרכי יהוה ועוד הסיר את הבמות ואת האשרים--מיהודה {פ} br art="x-p"/>
7 vnumber="7"> css="font-weight:bold"> ז ובשנת שלוש למלכו שלח לשריו לבן חיל ולעבדיה ולזכריה ולנתנאל ולמיכיהו--ללמד בערי יהודה
8 vnumber="8"> css="font-weight:bold"> ח ועמהם הלוים שמעיהו ונתניהו וזבדיהו ועשהאל ושמרימות (ושמירמות) ויהונתן ואדניהו וטוביהו וטוב אדוניה--הלוים ועמהם אלישמע ויהורם הכהנים
9 vnumber="9"> css="font-weight:bold"> ט וילמדו ביהודה ועמהם ספר תורת יהוה ויסבו בכל ערי יהודה וילמדו בעם
10 vnumber="10"> css="font-weight:bold"> י ויהי פחד יהוה על כל ממלכות הארצות אשר סביבות יהודה ולא נלחמו עם יהושפט
11 vnumber="11"> css="font-weight:bold"> יא ומן פלשתים מביאים ליהושפט מנחה--וכסף משא גם הערביאים מביאים לו צאן אילים שבעת אלפים ושבע מאות ותישים שבעת אלפים ושבע מאות {פ} br art="x-p"/>
12 vnumber="12"> css="font-weight:bold"> יב ויהי יהושפט הלך וגדל עד למעלה ויבן ביהודה בירניות וערי מסכנות
13 vnumber="13"> css="font-weight:bold"> יג ומלאכה רבה היה לו בערי יהודה ואנשי מלחמה גבורי חיל בירושלם
14 vnumber="14"> css="font-weight:bold"> יד ואלה פקדתם לבית אבותיהם ליהודה שרי אלפים-- {ס} עדנה השר ועמו גבורי חיל שלש מאות אלף {ס}
15 vnumber="15"> css="font-weight:bold"> טו ועל ידו יהוחנן השר ועמו מאתים ושמונים אלף {ס}
16 vnumber="16"> css="font-weight:bold"> טז ועל ידו עמסיה בן זכרי המתנדב ליהוה ועמו מאתים אלף גבור חיל {ס}
17 vnumber="17"> css="font-weight:bold"> יז ומן בנימן--גבור חיל אלידע ועמו נשקי קשת ומגן מאתים אלף {ס}
18 vnumber="18"> css="font-weight:bold"> יח ועל ידו יהוזבד ועמו מאה ושמונים אלף חלוצי צבא {ס}
19 vnumber="19"> css="font-weight:bold"> יט אלה המשרתים את המלך מלבד אשר נתן המלך בערי המבצר--בכל יהודה {פ} br art="x-p"/>