1 vnumber="1"> css="font-weight:bold"> א כי יכרית יהוה אלהיך את הגוים אשר יהוה אלהיך נתן לך את ארצם וירשתם וישבת בעריהם ובבתיהם
2 vnumber="2"> css="font-weight:bold"> ב שלוש ערים תבדיל לך בתוך ארצך--אשר יהוה אלהיך נתן לך לרשתה
3 vnumber="3"> css="font-weight:bold"> ג תכין לך הדרך ושלשת את גבול ארצך אשר ינחילך יהוה אלהיך והיה לנוס שמה כל רצח
4 vnumber="4"> css="font-weight:bold"> ד וזה דבר הרצח אשר ינוס שמה וחי אשר יכה את רעהו בבלי דעת והוא לא שנא לו מתמל שלשם
5 vnumber="5"> css="font-weight:bold"> ה ואשר יבא את רעהו ביער לחטב עצים ונדחה ידו בגרזן לכרת העץ ונשל הברזל מן העץ ומצא את רעהו ומת הוא ינוס אל אחת הערים האלה--וחי
6 vnumber="6"> css="font-weight:bold"> ו פן ירדף גאל הדם אחרי הרצח כי יחם לבבו והשיגו כי ירבה הדרך והכהו נפש ולו אין משפט מות כי לא שנא הוא לו מתמול שלשום
7 vnumber="7"> css="font-weight:bold"> ז על כן אנכי מצוך לאמר שלש ערים תבדיל לך
8 vnumber="8"> css="font-weight:bold"> ח ואם ירחיב יהוה אלהיך את גבלך כאשר נשבע לאבתיך ונתן לך את כל הארץ אשר דבר לתת לאבתיך
9 vnumber="9"> css="font-weight:bold"> ט כי תשמר את כל המצוה הזאת לעשתה אשר אנכי מצוך היום לאהבה את יהוה אלהיך וללכת בדרכיו כל הימים--ויספת לך עוד שלש ערים על השלש האלה
10 vnumber="10"> css="font-weight:bold"> י ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים {פ} art="x-p"/>
11 vnumber="11"> css="font-weight:bold"> יא וכי יהיה איש שנא לרעהו וארב לו וקם עליו והכהו נפש ומת ונס אל אחת הערים האל
12 vnumber="12"> css="font-weight:bold"> יב ושלחו זקני עירו ולקחו אתו משם ונתנו אתו ביד גאל הדם--ומת
13 vnumber="13"> css="font-weight:bold"> יג לא תחוס עינך עליו ובערת דם הנקי מישראל וטוב לך {ס} art="x-p"/>
14 vnumber="14"> css="font-weight:bold"> יד לא תסיג גבול רעך אשר גבלו ראשנים--בנחלתך אשר תנחל בארץ אשר יהוה אלהיך נתן לך לרשתה {ס} art="x-p"/>
15 vnumber="15"> css="font-weight:bold"> טו לא יקום עד אחד באיש לכל עון ולכל חטאת בכל חטא אשר יחטא על פי שני עדים או על פי שלשה עדים--יקום דבר
16 vnumber="16"> css="font-weight:bold"> טז כי יקום עד חמס באיש לענות בו סרה
17 vnumber="17"> css="font-weight:bold"> יז ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם
18 vnumber="18"> css="font-weight:bold"> יח ודרשו השפטים היטב והנה עד שקר העד שקר ענה באחיו
19 vnumber="19"> css="font-weight:bold"> יט ועשיתם לו כאשר זמם לעשות לאחיו ובערת הרע מקרבך
20 vnumber="20"> css="font-weight:bold"> כ והנשארים ישמעו ויראו ולא יספו לעשות עוד כדבר הרע הזה--בקרבך
21 vnumber="21"> css="font-weight:bold"> כא ולא תחוס עינך נפש בנפש עין בעין שן בשן יד ביד רגל ברגל {ס} art="x-p"/>