1 vnumber="1"> css="font-weight:bold"> א חזון ישעיהו בן אמוץ אשר חזה על יהודה וירושלם--בימי עזיהו יותם אחז יחזקיהו מלכי יהודה
2 vnumber="2"> css="font-weight:bold"> ב שמעו שמים והאזיני ארץ כי יהוה דבר בנים גדלתי ורוממתי והם פשעו בי
3 vnumber="3"> css="font-weight:bold"> ג ידע שור קנהו וחמור אבוס בעליו ישראל לא ידע עמי לא התבונן
4 vnumber="4"> css="font-weight:bold"> ד הוי גוי חטא עם כבד עון--זרע מרעים בנים משחיתים עזבו את יהוה נאצו את קדוש ישראל--נזרו אחור
5 vnumber="5"> css="font-weight:bold"> ה על מה תכו עוד תוסיפו סרה כל ראש לחלי וכל לבב דוי
6 vnumber="6"> css="font-weight:bold"> ו מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן
7 vnumber="7"> css="font-weight:bold"> ז ארצכם שממה עריכם שרפות אש אדמתכם לנגדכם זרים אכלים אתה ושממה כמהפכת זרים
8 vnumber="8"> css="font-weight:bold"> ח ונותרה בת ציון כסכה בכרם כמלונה במקשה כעיר נצורה
9 vnumber="9"> css="font-weight:bold"> ט לולי יהוה צבאות הותיר לנו שריד כמעט--כסדם היינו לעמרה דמינו {פ} art="x-p"/>
10 vnumber="10"> css="font-weight:bold"> י שמעו דבר יהוה קציני סדם האזינו תורת אלהינו עם עמרה
11 vnumber="11"> css="font-weight:bold"> יא למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי
12 vnumber="12"> css="font-weight:bold"> יב כי תבאו לראות פני--מי בקש זאת מידכם רמס חצרי
13 vnumber="13"> css="font-weight:bold"> יג לא תוסיפו הביא מנחת שוא--קטרת תועבה היא לי חדש ושבת קרא מקרא לא אוכל און ועצרה
14 vnumber="14"> css="font-weight:bold"> יד חדשיכם ומועדיכם שנאה נפשי היו עלי לטרח נלאיתי נשא
15 vnumber="15"> css="font-weight:bold"> טו ובפרשכם כפיכם אעלים עיני מכם--גם כי תרבו תפלה אינני שמע ידיכם דמים מלאו
16 vnumber="16"> css="font-weight:bold"> טז רחצו הזכו--הסירו רע מעלליכם מנגד עיני חדלו הרע
17 vnumber="17"> css="font-weight:bold"> יז למדו היטב דרשו משפט אשרו חמוץ שפטו יתום ריבו אלמנה {ס} art="x-p"/>
18 vnumber="18"> css="font-weight:bold"> יח לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו
19 vnumber="19"> css="font-weight:bold"> יט אם תאבו ושמעתם--טוב הארץ תאכלו
20 vnumber="20"> css="font-weight:bold"> כ ואם תמאנו ומריתם--חרב תאכלו כי פי יהוה דבר {פ} art="x-p"/>
21 vnumber="21"> css="font-weight:bold"> כא איכה היתה לזונה קריה נאמנה מלאתי משפט צדק ילין בה--ועתה מרצחים
22 vnumber="22"> css="font-weight:bold"> כב כספך היה לסיגים סבאך מהול במים
23 vnumber="23"> css="font-weight:bold"> כג שריך סוררים וחברי גנבים--כלו אהב שחד ורדף שלמנים יתום לא ישפטו וריב אלמנה לא יבוא אליהם {ס} art="x-p"/>
24 vnumber="24"> css="font-weight:bold"> כד לכן נאם האדון יהוה צבאות--אביר ישראל הוי אנחם מצרי ואנקמה מאויבי
25 vnumber="25"> css="font-weight:bold"> כה ואשיבה ידי עליך ואצרף כבר סיגיך ואסירה כל בדיליך
26 vnumber="26"> css="font-weight:bold"> כו ואשיבה שפטיך כבראשנה ויעציך כבתחלה אחרי כן יקרא לך עיר הצדק--קריה נאמנה
27 vnumber="27"> css="font-weight:bold"> כז ציון במשפט תפדה ושביה בצדקה
28 vnumber="28"> css="font-weight:bold"> כח ושבר פשעים וחטאים יחדו ועזבי יהוה יכלו
29 vnumber="29"> css="font-weight:bold"> כט כי יבשו מאילים אשר חמדתם ותחפרו--מהגנות אשר בחרתם
30 vnumber="30"> css="font-weight:bold"> ל כי תהיו כאלה נבלת עלה וכגנה אשר מים אין לה
31 vnumber="31"> css="font-weight:bold"> לא והיה החסן לנערת ופעלו לניצוץ ובערו שניהם יחדו ואין מכבה {פ} art="x-p"/>