1 vnumber="1"> לדוד אל-תתחר במרעים אל-תקנא בעשי עולה br
2 vnumber="2"> כי כחציר מהרה ימלו וכירק דשא יבולון br
3 vnumber="3"> בטח ביהוה ועשה-טוב שכן-ארץ ורעה אמונה br
4 vnumber="4"> והתענג על-יהוה ויתן-לך משאלת לבך br
5 vnumber="5"> גול על-יהוה דרכך ובטח עליו והוא יעשה br
6 vnumber="6"> והוציא כאור צדקך ומשפטך כצהרים br
7 vnumber="7"> דום ליהוה-- והתחולל-לו br אל-תתחר במצליח דרכו באיש עשה מזמות br
8 vnumber="8"> הרף מאף ועזב חמה אל-תתחר אך-להרע br
9 vnumber="9"> כי-מרעים יכרתון וקוי יהוה המה יירשו-ארץ br
10 vnumber="10"> ועוד מעט ואין רשע והתבוננת על-מקומו ואיננו br
11 vnumber="11"> וענוים יירשו-ארץ והתענגו על-רב שלום br
12 vnumber="12"> זמם רשע לצדיק וחרק עליו שניו br
13 vnumber="13"> אדני ישחק-לו כי-ראה כי-יבא יומו br
14 vnumber="14"> חרב פתחו רשעים-- ודרכו קשתם br להפיל עני ואביון לטבוח ישרי-דרך br
15 vnumber="15"> חרבם תבוא בלבם וקשתותם תשברנה br
16 vnumber="16"> טוב-מעט לצדיק-- מהמון רשעים רבים br
17 vnumber="17"> כי זרועות רשעים תשברנה וסומך צדיקים יהוה br
18 vnumber="18"> יודע יהוה ימי תמימם ונחלתם לעולם תהיה br
19 vnumber="19"> לא-יבשו בעת רעה ובימי רעבון ישבעו br
20 vnumber="20"> כי רשעים יאבדו ואיבי יהוה כיקר כרים כלו בעשן כלו br
21 vnumber="21"> לוה רשע ולא ישלם וצדיק חונן ונותן br
22 vnumber="22"> כי מברכיו יירשו ארץ ומקלליו יכרתו br
23 vnumber="23"> מיהוה מצעדי-גבר כוננו ודרכו יחפץ br
24 vnumber="24"> כי-יפל לא-יוטל כי-יהוה סומך ידו br
25 vnumber="25"> נער הייתי-- גם-זקנתי br ולא-ראיתי צדיק נעזב וזרעו מבקש-לחם br
26 vnumber="26"> כל-היום חונן ומלוה וזרעו לברכה br
27 vnumber="27"> סור מרע ועשה-טוב ושכן לעולם br
28 vnumber="28"> כי יהוה אהב משפט ולא-יעזב את-חסידיו לעולם נשמרו br וזרע רשעים נכרת br
29 vnumber="29"> צדיקים יירשו-ארץ וישכנו לעד עליה br
30 vnumber="30"> פי-צדיק יהגה חכמה ולשונו תדבר משפט br
31 vnumber="31"> תורת אלהיו בלבו לא תמעד אשריו br
32 vnumber="32"> צופה רשע לצדיק ומבקש להמיתו br
33 vnumber="33"> יהוה לא-יעזבנו בידו ולא ירשיענו בהשפטו br
34 vnumber="34"> קוה אל-יהוה ושמר דרכו וירוממך לרשת ארץ br בהכרת רשעים תראה br
35 vnumber="35"> ראיתי רשע עריץ ומתערה כאזרח רענן br
36 vnumber="36"> ויעבר והנה איננו ואבקשהו ולא נמצא br
37 vnumber="37"> שמר-תם וראה ישר כי-אחרית לאיש שלום br
38 vnumber="38"> ופשעים נשמדו יחדו אחרית רשעים נכרתה br
39 vnumber="39"> ותשועת צדיקים מיהוה מעוזם בעת צרה br
40 vnumber="40"> ויעזרם יהוה ויפלטם יפלטם מרשעים ויושיעם--כי-חסו בו
art="x-p"/>