1 vnumber="1"> css="font-weight:bold"> א בימיו עלה נבכדנאצר מלך בבל ויהי לו יהויקים עבד שלש שנים וישב וימרד בו
2 vnumber="2"> css="font-weight:bold"> ב וישלח יהוה בו את גדודי כשדים ואת גדודי ארם ואת גדודי מואב ואת גדודי בני עמון וישלחם ביהודה להאבידו כדבר יהוה--אשר דבר ביד עבדיו הנביאים
3 vnumber="3"> css="font-weight:bold"> ג אך על פי יהוה היתה ביהודה להסיר מעל פניו--בחטאת מנשה ככל אשר עשה
4 vnumber="4"> css="font-weight:bold"> ד וגם דם הנקי אשר שפך וימלא את ירושלם דם נקי ולא אבה יהוה לסלח
5 vnumber="5"> css="font-weight:bold"> ה ויתר דברי יהויקים וכל אשר עשה הלא הם כתובים על ספר דברי הימים--למלכי יהודה
6 vnumber="6"> css="font-weight:bold"> ו וישכב יהויקים עם אבתיו וימלך יהויכין בנו תחתיו
7 vnumber="7"> css="font-weight:bold"> ז ולא הסיף עוד מלך מצרים לצאת מארצו כי לקח מלך בבל מנחל מצרים עד נהר פרת כל אשר היתה למלך מצרים {פ} art="x-p"/>
8 vnumber="8"> css="font-weight:bold"> ח בן שמנה עשרה שנה יהויכין במלכו ושלשה חדשים מלך בירושלם ושם אמו נחשתא בת אלנתן מירושלם
9 vnumber="9"> css="font-weight:bold"> ט ויעש הרע בעיני יהוה ככל אשר עשה אביו
10 vnumber="10"> css="font-weight:bold"> י בעת ההיא--עלה (עלו) עבדי נבכדנאצר מלך בבל ירושלם ותבא העיר במצור
11 vnumber="11"> css="font-weight:bold"> יא ויבא נבכדנאצר מלך בבל על העיר ועבדיו צרים עליה
12 vnumber="12"> css="font-weight:bold"> יב ויצא יהויכין מלך יהודה על מלך בבל הוא ואמו ועבדיו ושריו וסריסיו ויקח אתו מלך בבל בשנת שמנה למלכו
13 vnumber="13"> css="font-weight:bold"> יג ויוצא משם את כל אוצרות בית יהוה ואוצרות בית המלך ויקצץ את כל כלי הזהב אשר עשה שלמה מלך ישראל בהיכל יהוה כאשר דבר יהוה
14 vnumber="14"> css="font-weight:bold"> יד והגלה את כל ירושלם ואת כל השרים ואת כל גבורי החיל עשרה (עשרת) אלפים גולה וכל החרש והמסגר לא נשאר זולת דלת עם הארץ
15 vnumber="15"> css="font-weight:bold"> טו ויגל את יהויכין בבלה ואת אם המלך ואת נשי המלך ואת סריסיו ואת אולי (אילי) הארץ הוליך גולה מירושלם בבלה
16 vnumber="16"> css="font-weight:bold"> טז ואת כל אנשי החיל שבעת אלפים והחרש והמסגר אלף--הכל גבורים עשי מלחמה ויביאם מלך בבל גולה בבלה
17 vnumber="17"> css="font-weight:bold"> יז וימלך מלך בבל את מתניה דדו תחתיו ויסב את שמו צדקיהו {פ} art="x-p"/>
18 vnumber="18"> css="font-weight:bold"> יח בן עשרים ואחת שנה צדקיהו במלכו ואחת עשרה שנה מלך בירושלם ושם אמו חמיטל (חמוטל) בת ירמיהו מלבנה
19 vnumber="19"> css="font-weight:bold"> יט ויעש הרע בעיני יהוה ככל אשר עשה יהויקים
20 vnumber="20"> css="font-weight:bold"> כ כי על אף יהוה היתה בירושלם וביהודה עד השלכו אתם מעל פניו וימרד צדקיהו במלך בבל {ס} art="x-p"/>