1 vnumber="1"> css="font-weight:bold"> א ויהי אחרי מות שאול ודוד שב מהכות את העמלק וישב דוד בצקלג ימים שנים
2 vnumber="2"> css="font-weight:bold"> ב ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו
3 vnumber="3"> css="font-weight:bold"> ג ויאמר לו דוד אי מזה תבוא ויאמר אליו ממחנה ישראל נמלטתי
4 vnumber="4"> css="font-weight:bold"> ד ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו
5 vnumber="5"> css="font-weight:bold"> ה ויאמר דוד אל הנער המגיד לו איך ידעת כי מת שאול ויהונתן בנו
6 vnumber="6"> css="font-weight:bold"> ו ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו
7 vnumber="7"> css="font-weight:bold"> ז ויפן אחריו ויראני ויקרא אלי ואמר הנני
8 vnumber="8"> css="font-weight:bold"> ח ויאמר לי מי אתה ויאמר (ואמר) אליו עמלקי אנכי
9 vnumber="9"> css="font-weight:bold"> ט ויאמר אלי עמד נא עלי ומתתני--כי אחזני השבץ כי כל עוד נפשי בי
10 vnumber="10"> css="font-weight:bold"> י ואעמד עליו ואמתתהו--כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה
11 vnumber="11"> css="font-weight:bold"> יא ויחזק דוד בבגדו ויקרעם וגם כל האנשים אשר אתו
12 vnumber="12"> css="font-weight:bold"> יב ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל--כי נפלו בחרב {פ} art="x-p"/>
13 vnumber="13"> css="font-weight:bold"> יג ויאמר דוד אל הנער המגיד לו אי מזה אתה ויאמר בן איש גר עמלקי אנכי
14 vnumber="14"> css="font-weight:bold"> יד ויאמר אליו דוד איך לא יראת לשלח ידך לשחת את משיח יהוה
15 vnumber="15"> css="font-weight:bold"> טו ויקרא דוד לאחד מהנערים ויאמר גש פגע בו ויכהו וימת
16 vnumber="16"> css="font-weight:bold"> טז ויאמר אליו דוד דמיך (דמך) על ראשך כי פיך ענה בך לאמר אנכי מתתי את משיח יהוה {פ} art="x-p"/>
17 vnumber="17"> css="font-weight:bold"> יז ויקנן דוד את הקינה הזאת על שאול ועל יהונתן בנו
18 vnumber="18"> css="font-weight:bold"> יח ויאמר ללמד בני יהודה קשת הנה כתובה על ספר הישר
19 vnumber="19"> css="font-weight:bold"> יט הצבי ישראל על במותיך חלל איך נפלו גבורים
20 vnumber="20"> css="font-weight:bold"> כ אל תגידו בגת אל תבשרו בחוצת אשקלון פן תשמחנה בנות פלשתים פן תעלזנה בנות הערלים
21 vnumber="21"> css="font-weight:bold"> כא הרי בגלבע אל טל ואל מטר עליכם--ושדי תרומת כי שם נגעל מגן גבורים--מגן שאול בלי משיח בשמן
22 vnumber="22"> css="font-weight:bold"> כב מדם חללים מחלב גבורים--קשת יהונתן לא נשוג אחור וחרב שאול לא תשוב ריקם
23 vnumber="23"> css="font-weight:bold"> כג שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו
24 vnumber="24"> css="font-weight:bold"> כד בנות ישראל--אל שאול בכינה המלבשכם שני עם עדנים המעלה עדי זהב על לבושכן
25 vnumber="25"> css="font-weight:bold"> כה איך נפלו גברים בתוך המלחמה--יהונתן על במותיך חלל
26 vnumber="26"> css="font-weight:bold"> כו צר לי עליך אחי יהונתן--נעמת לי מאד נפלאתה אהבתך לי מאהבת נשים
27 vnumber="27"> css="font-weight:bold"> כז איך נפלו גבורים ויאבדו כלי מלחמה {פ} art="x-p"/>