1 vnumber="1"> ויהי דבר יהוה אלי לאמר
2 vnumber="2"> בן אדם בתוך בית המרי אתה ישב אשר עינים להם לראות ולא ראו אזנים להם לשמע ולא שמעו--כי בית מרי הם
3 vnumber="3"> ואתה בן אדם עשה לך כלי גולה וגלה יומם לעיניהם וגלית ממקומך אל מקום אחר לעיניהם--אולי יראו כי בית מרי המה
4 vnumber="4"> והוצאת כליך ככלי גולה יומם--לעיניהם ואתה תצא בערב לעיניהם כמוצאי גולה
5 vnumber="5"> לעיניהם חתר לך בקיר והוצאת בו
6 vnumber="6"> לעיניהם על כתף תשא בעלטה תוציא--פניך תכסה ולא תראה את הארץ כי מופת נתתיך לבית ישראל
7 vnumber="7"> ואעש כן כאשר צויתי כלי הוצאתי ככלי גולה יומם ובערב חתרתי לי בקיר ביד בעלטה הוצאתי על כתף נשאתי לעיניהם {פ}
art="x-p"/>
8 vnumber="8"> ויהי דבר יהוה אלי בבקר לאמר
9 vnumber="9"> בן אדם הלא אמרו אליך בית ישראל בית המרי מה אתה עשה
10 vnumber="10"> אמר אליהם כה אמר אדני יהוה הנשיא המשא הזה בירושלם וכל בית ישראל אשר המה בתוכם
11 vnumber="11"> אמר אני מופתכם כאשר עשיתי כן יעשה להם--בגולה בשבי ילכו
12 vnumber="12"> והנשיא אשר בתוכם אל כתף ישא בעלטה ויצא--בקיר יחתרו להוציא בו פניו יכסה--יען אשר לא יראה לעין הוא את הארץ
13 vnumber="13"> ופרשתי את רשתי עליו ונתפש במצודתי והבאתי אתו בבלה ארץ כשדים ואותה לא יראה ושם ימות
14 vnumber="14"> וכל אשר סביבתיו עזרה וכל אגפיו אזרה לכל רוח וחרב אריק אחריהם
15 vnumber="15"> וידעו כי אני יהוה בהפיצי אותם בגוים וזריתי אותם בארצות
16 vnumber="16"> והותרתי מהם אנשי מספר מחרב מרעב ומדבר--למען יספרו את כל תועבותיהם בגוים אשר באו שם וידעו כי אני יהוה {פ}
art="x-p"/>
17 vnumber="17"> ויהי דבר יהוה אלי לאמר
18 vnumber="18"> בן אדם לחמך ברעש תאכל ומימיך ברגזה ובדאגה תשתה
19 vnumber="19"> ואמרת אל עם הארץ כה אמר אדני יהוה ליושבי ירושלם אל אדמת ישראל לחמם בדאגה יאכלו ומימיהם בשממון ישתו--למען תשם ארצה ממלאה מחמס כל הישבים בה
20 vnumber="20"> והערים הנושבות תחרבנה והארץ שממה תהיה וידעתם כי אני יהוה {פ}
art="x-p"/>
21 vnumber="21"> ויהי דבר יהוה אלי לאמר
22 vnumber="22"> בן אדם מה המשל הזה לכם על אדמת ישראל לאמר יארכו הימים ואבד כל חזון
23 vnumber="23"> לכן אמר אליהם כה אמר אדני יהוה השבתי את המשל הזה ולא ימשלו אתו עוד בישראל כי אם דבר אליהם קרבו הימים ודבר כל חזון
24 vnumber="24"> כי לא יהיה עוד כל חזון שוא--ומקסם חלק בתוך בית ישראל
25 vnumber="25"> כי אני יהוה אדבר את אשר אדבר דבר ויעשה--לא תמשך עוד כי בימיכם בית המרי אדבר דבר ועשיתיו נאם אדני יהוה {פ}
art="x-p"/>
26 vnumber="26"> ויהי דבר יהוה אלי לאמר
27 vnumber="27"> בן אדם הנה בית ישראל אמרים החזון אשר הוא חזה לימים רבים ולעתים רחוקות הוא נבא
28 vnumber="28"> לכן אמר אליהם כה אמר אדני יהוה לא תמשך עוד כל דברי--אשר אדבר דבר ויעשה נאם אדני יהוה {פ}
art="x-p"/>