1 vnumber="1"> css="font-weight:bold"> א ויאמר יהוה אל משה ראה נתתיך אלהים לפרעה ואהרן אחיך יהיה נביאך
2 vnumber="2"> css="font-weight:bold"> ב אתה תדבר את כל אשר אצוך ואהרן אחיך ידבר אל פרעה ושלח את בני ישראל מארצו
3 vnumber="3"> css="font-weight:bold"> ג ואני אקשה את לב פרעה והרביתי את אתתי ואת מופתי בארץ מצרים
4 vnumber="4"> css="font-weight:bold"> ד ולא ישמע אלכם פרעה ונתתי את ידי במצרים והוצאתי את צבאתי את עמי בני ישראל מארץ מצרים בשפטים גדלים
5 vnumber="5"> css="font-weight:bold"> ה וידעו מצרים כי אני יהוה בנטתי את ידי על מצרים והוצאתי את בני ישראל מתוכם
6 vnumber="6"> css="font-weight:bold"> ו ויעש משה ואהרן--כאשר צוה יהוה אתם כן עשו
7 vnumber="7"> css="font-weight:bold"> ז ומשה בן שמנים שנה ואהרן בן שלש ושמנים שנה--בדברם אל פרעה {פ} art="x-p"/>
8 vnumber="8"> css="font-weight:bold"> ח ויאמר יהוה אל משה ואל אהרן לאמר
9 vnumber="9"> css="font-weight:bold"> ט כי ידבר אלכם פרעה לאמר תנו לכם מופת ואמרת אל אהרן קח את מטך והשלך לפני פרעה--יהי לתנין
10 vnumber="10"> css="font-weight:bold"> י ויבא משה ואהרן אל פרעה ויעשו כן כאשר צוה יהוה וישלך אהרן את מטהו לפני פרעה ולפני עבדיו--ויהי לתנין
11 vnumber="11"> css="font-weight:bold"> יא ויקרא גם פרעה לחכמים ולמכשפים ויעשו גם הם חרטמי מצרים בלהטיהם--כן
12 vnumber="12"> css="font-weight:bold"> יב וישליכו איש מטהו ויהיו לתנינם ויבלע מטה אהרן את מטתם
13 vnumber="13"> css="font-weight:bold"> יג ויחזק לב פרעה ולא שמע אלהם כאשר דבר יהוה {ס} art="x-p"/>
14 vnumber="14"> css="font-weight:bold"> יד ויאמר יהוה אל משה כבד לב פרעה מאן לשלח העם
15 vnumber="15"> css="font-weight:bold"> טו לך אל פרעה בבקר הנה יצא המימה ונצבת לקראתו על שפת היאר והמטה אשר נהפך לנחש תקח בידך
16 vnumber="16"> css="font-weight:bold"> טז ואמרת אליו יהוה אלהי העברים שלחני אליך לאמר שלח את עמי ויעבדני במדבר והנה לא שמעת עד כה
17 vnumber="17"> css="font-weight:bold"> יז כה אמר יהוה בזאת תדע כי אני יהוה הנה אנכי מכה במטה אשר בידי על המים אשר ביאר--ונהפכו לדם
18 vnumber="18"> css="font-weight:bold"> יח והדגה אשר ביאר תמות ובאש היאר ונלאו מצרים לשתות מים מן היאר {ס} art="x-p"/>
19 vnumber="19"> css="font-weight:bold"> יט ויאמר יהוה אל משה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם--ויהיו דם והיה דם בכל ארץ מצרים ובעצים ובאבנים
20 vnumber="20"> css="font-weight:bold"> כ ויעשו כן משה ואהרן כאשר צוה יהוה וירם במטה ויך את המים אשר ביאר לעיני פרעה ולעיני עבדיו ויהפכו כל המים אשר ביאר לדם
21 vnumber="21"> css="font-weight:bold"> כא והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצרים
22 vnumber="22"> css="font-weight:bold"> כב ויעשו כן חרטמי מצרים בלטיהם ויחזק לב פרעה ולא שמע אלהם כאשר דבר יהוה
23 vnumber="23"> css="font-weight:bold"> כג ויפן פרעה ויבא אל ביתו ולא שת לבו גם לזאת
24 vnumber="24"> css="font-weight:bold"> כד ויחפרו כל מצרים סביבת היאר מים לשתות כי לא יכלו לשתת ממימי היאר
25 vnumber="25"> css="font-weight:bold"> כה וימלא שבעת ימים אחרי הכות יהוה את היאר {פ} art="x-p"/> (Exodus 7:26) css="font-weight:bold"> כו ויאמר יהוה אל משה בא אל פרעה ואמרת אליו כה אמר יהוה שלח את עמי ויעבדני (Exodus 7:27) css="font-weight:bold"> כז ואם מאן אתה לשלח הנה אנכי נגף את כל גבולך--בצפרדעים (Exodus 7:28) css="font-weight:bold"> כח ושרץ היאר צפרדעים ועלו ובאו בביתך ובחדר משכבך ועל מטתך ובבית עבדיך ובעמך ובתנוריך ובמשארותיך (Exodus 7:29) css="font-weight:bold"> כט ובכה ובעמך ובכל עבדיך--יעלו הצפרדעים art="x-p"/>