1 vnumber="1"> css="font-weight:bold"> א ואתה הקרב אליך את אהרן אחיך ואת בניו אתו מתוך בני ישראל--לכהנו לי אהרן--נדב ואביהוא אלעזר ואיתמר בני אהרן
2 vnumber="2"> css="font-weight:bold"> ב ועשית בגדי קדש לאהרן אחיך לכבוד ולתפארת
3 vnumber="3"> css="font-weight:bold"> ג ואתה תדבר אל כל חכמי לב אשר מלאתיו רוח חכמה ועשו את בגדי אהרן לקדשו--לכהנו לי
4 vnumber="4"> css="font-weight:bold"> ד ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו--לכהנו לי
5 vnumber="5"> css="font-weight:bold"> ה והם יקחו את הזהב ואת התכלת ואת הארגמן ואת תולעת השני ואת השש {פ} art="x-p"/>
6 vnumber="6"> css="font-weight:bold"> ו ועשו את האפד זהב תכלת וארגמן תולעת שני ושש משזר--מעשה חשב
7 vnumber="7"> css="font-weight:bold"> ז שתי כתפת חברת יהיה לו אל שני קצותיו--וחבר
8 vnumber="8"> css="font-weight:bold"> ח וחשב אפדתו אשר עליו כמעשהו ממנו יהיה זהב תכלת וארגמן ותולעת שני--ושש משזר
9 vnumber="9"> css="font-weight:bold"> ט ולקחת את שתי אבני שהם ופתחת עליהם שמות בני ישראל
10 vnumber="10"> css="font-weight:bold"> י ששה משמתם על האבן האחת ואת שמות הששה הנותרים על האבן השנית--כתולדתם
11 vnumber="11"> css="font-weight:bold"> יא מעשה חרש אבן--פתוחי חתם תפתח את שתי האבנים על שמת בני ישראל מסבת משבצות זהב תעשה אתם
12 vnumber="12"> css="font-weight:bold"> יב ושמת את שתי האבנים על כתפת האפד אבני זכרן לבני ישראל ונשא אהרן את שמותם לפני יהוה על שתי כתפיו--לזכרן {ס} art="x-p"/>
13 vnumber="13"> css="font-weight:bold"> יג ועשית משבצת זהב
14 vnumber="14"> css="font-weight:bold"> יד ושתי שרשרת זהב טהור מגבלת תעשה אתם מעשה עבת ונתתה את שרשרת העבתת על המשבצת {ס} art="x-p"/>
15 vnumber="15"> css="font-weight:bold"> טו ועשית חשן משפט מעשה חשב--כמעשה אפד תעשנו זהב תכלת וארגמן ותולעת שני ושש משזר--תעשה אתו
16 vnumber="16"> css="font-weight:bold"> טז רבוע יהיה כפול זרת ארכו וזרת רחבו
17 vnumber="17"> css="font-weight:bold"> יז ומלאת בו מלאת אבן ארבעה טורים אבן טור אדם פטדה וברקת--הטור האחד
18 vnumber="18"> css="font-weight:bold"> יח והטור השני--נפך ספיר ויהלם
19 vnumber="19"> css="font-weight:bold"> יט והטור השלישי--לשם שבו ואחלמה
20 vnumber="20"> css="font-weight:bold"> כ והטור הרביעי--תרשיש ושהם וישפה משבצים זהב יהיו במלואתם
21 vnumber="21"> css="font-weight:bold"> כא והאבנים תהיין על שמת בני ישראל שתים עשרה--על שמתם פתוחי חותם איש על שמו תהיין לשני עשר שבט
22 vnumber="22"> css="font-weight:bold"> כב ועשית על החשן שרשת גבלת מעשה עבת זהב טהור
23 vnumber="23"> css="font-weight:bold"> כג ועשית על החשן שתי טבעות זהב ונתת את שתי הטבעות על שני קצות החשן
24 vnumber="24"> css="font-weight:bold"> כד ונתתה את שתי עבתת הזהב על שתי הטבעת--אל קצות החשן
25 vnumber="25"> css="font-weight:bold"> כה ואת שתי קצות שתי העבתת תתן על שתי המשבצות ונתתה על כתפות האפד אל מול פניו
26 vnumber="26"> css="font-weight:bold"> כו ועשית שתי טבעות זהב ושמת אתם על שני קצות החשן--על שפתו אשר אל עבר האפד ביתה
27 vnumber="27"> css="font-weight:bold"> כז ועשית שתי טבעות זהב ונתתה אתם על שתי כתפות האפוד מלמטה ממול פניו לעמת מחברתו--ממעל לחשב האפוד
28 vnumber="28"> css="font-weight:bold"> כח וירכסו את החשן מטבעתו אל טבעת האפוד בפתיל תכלת להיות על חשב האפוד ולא יזח החשן מעל האפוד
29 vnumber="29"> css="font-weight:bold"> כט ונשא אהרן את שמות בני ישראל בחשן המשפט על לבו--בבאו אל הקדש לזכרן לפני יהוה תמיד
30 vnumber="30"> css="font-weight:bold"> ל ונתת אל חשן המשפט את האורים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה--תמיד {ס} art="x-p"/>
31 vnumber="31"> css="font-weight:bold"> לא ועשית את מעיל האפוד כליל תכלת
32 vnumber="32"> css="font-weight:bold"> לב והיה פי ראשו בתוכו שפה יהיה לפיו סביב מעשה ארג כפי תחרא יהיה לו--לא יקרע
33 vnumber="33"> css="font-weight:bold"> לג ועשית על שוליו רמני תכלת וארגמן ותולעת שני--על שוליו סביב ופעמני זהב בתוכם סביב
34 vnumber="34"> css="font-weight:bold"> לד פעמן זהב ורמון פעמן זהב ורמון על שולי המעיל סביב
35 vnumber="35"> css="font-weight:bold"> לה והיה על אהרן לשרת ונשמע קולו בבאו אל הקדש לפני יהוה ובצאתו--ולא ימות {ס} art="x-p"/>
36 vnumber="36"> css="font-weight:bold"> לו ועשית ציץ זהב טהור ופתחת עליו פתוחי חתם קדש ליהוה
37 vnumber="37"> css="font-weight:bold"> לז ושמת אתו על פתיל תכלת והיה על המצנפת אל מול פני המצנפת יהיה
38 vnumber="38"> css="font-weight:bold"> לח והיה על מצח אהרן ונשא אהרן את עון הקדשים אשר יקדישו בני ישראל לכל מתנת קדשיהם והיה על מצחו תמיד לרצון להם לפני יהוה
39 vnumber="39"> css="font-weight:bold"> לט ושבצת הכתנת שש ועשית מצנפת שש ואבנט תעשה מעשה רקם
40 vnumber="40"> css="font-weight:bold"> מ ולבני אהרן תעשה כתנת ועשית להם אבנטים ומגבעות תעשה להם לכבוד ולתפארת
41 vnumber="41"> css="font-weight:bold"> מא והלבשת אתם את אהרן אחיך ואת בניו אתו ומשחת אתם ומלאת את ידם וקדשת אתם--וכהנו לי
42 vnumber="42"> css="font-weight:bold"> מב ועשה להם מכנסי בד לכסות בשר ערוה ממתנים ועד ירכים יהיו
43 vnumber="43"> css="font-weight:bold"> מג והיו על אהרן ועל בניו בבאם אל אהל מועד או בגשתם אל המזבח לשרת בקדש ולא ישאו עון ומתו חקת עולם לו ולזרעו אחריו {ס} art="x-p"/>