1 vnumber="1"> css="font-weight:bold"> א וירא העם כי בשש משה לרדת מן ההר ויקהל העם על אהרן ויאמרו אליו קום עשה לנו אלהים אשר ילכו לפנינו--כי זה משה האיש אשר העלנו מארץ מצרים לא ידענו מה היה לו
2 vnumber="2"> css="font-weight:bold"> ב ויאמר אלהם אהרן פרקו נזמי הזהב אשר באזני נשיכם בניכם ובנתיכם והביאו אלי
3 vnumber="3"> css="font-weight:bold"> ג ויתפרקו כל העם את נזמי הזהב אשר באזניהם ויביאו אל אהרן
4 vnumber="4"> css="font-weight:bold"> ד ויקח מידם ויצר אתו בחרט ויעשהו עגל מסכה ויאמרו--אלה אלהיך ישראל אשר העלוך מארץ מצרים
5 vnumber="5"> css="font-weight:bold"> ה וירא אהרן ויבן מזבח לפניו ויקרא אהרן ויאמר חג ליהוה מחר
6 vnumber="6"> css="font-weight:bold"> ו וישכימו ממחרת ויעלו עלת ויגשו שלמים וישב העם לאכל ושתו ויקמו לצחק {פ} art="x-p"/>
7 vnumber="7"> css="font-weight:bold"> ז וידבר יהוה אל משה לך רד--כי שחת עמך אשר העלית מארץ מצרים
8 vnumber="8"> css="font-weight:bold"> ח סרו מהר מן הדרך אשר צויתם--עשו להם עגל מסכה וישתחוו לו ויזבחו לו ויאמרו אלה אלהיך ישראל אשר העלוך מארץ מצרים
9 vnumber="9"> css="font-weight:bold"> ט ויאמר יהוה אל משה ראיתי את העם הזה והנה עם קשה ערף הוא
10 vnumber="10"> css="font-weight:bold"> י ועתה הניחה לי ויחר אפי בהם ואכלם ואעשה אותך לגוי גדול
11 vnumber="11"> css="font-weight:bold"> יא ויחל משה את פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה
12 vnumber="12"> css="font-weight:bold"> יב למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שוב מחרון אפך והנחם על הרעה לעמך
13 vnumber="13"> css="font-weight:bold"> יג זכר לאברהם ליצחק ולישראל עבדיך אשר נשבעת להם בך ותדבר אלהם ארבה את זרעכם ככוכבי השמים וכל הארץ הזאת אשר אמרתי אתן לזרעכם ונחלו לעלם
14 vnumber="14"> css="font-weight:bold"> יד וינחם יהוה על הרעה אשר דבר לעשות לעמו {פ} art="x-p"/>
15 vnumber="15"> css="font-weight:bold"> טו ויפן וירד משה מן ההר ושני לחת העדת בידו לחת כתבים משני עבריהם--מזה ומזה הם כתבים
16 vnumber="16"> css="font-weight:bold"> טז והלחת--מעשה אלהים המה והמכתב מכתב אלהים הוא--חרות על הלחת
17 vnumber="17"> css="font-weight:bold"> יז וישמע יהושע את קול העם ברעה ויאמר אל משה קול מלחמה במחנה
18 vnumber="18"> css="font-weight:bold"> יח ויאמר אין קול ענות גבורה ואין קול ענות חלושה קול ענות אנכי שמע
19 vnumber="19"> css="font-weight:bold"> יט ויהי כאשר קרב אל המחנה וירא את העגל ומחלת ויחר אף משה וישלך מידו את הלחת וישבר אתם תחת ההר
20 vnumber="20"> css="font-weight:bold"> כ ויקח את העגל אשר עשו וישרף באש ויטחן עד אשר דק ויזר על פני המים וישק את בני ישראל
21 vnumber="21"> css="font-weight:bold"> כא ויאמר משה אל אהרן מה עשה לך העם הזה כי הבאת עליו חטאה גדלה
22 vnumber="22"> css="font-weight:bold"> כב ויאמר אהרן אל יחר אף אדני אתה ידעת את העם כי ברע הוא
23 vnumber="23"> css="font-weight:bold"> כג ויאמרו לי--עשה לנו אלהים אשר ילכו לפנינו כי זה משה האיש אשר העלנו מארץ מצרים--לא ידענו מה היה לו
24 vnumber="24"> css="font-weight:bold"> כד ואמר להם למי זהב התפרקו ויתנו לי ואשלכהו באש ויצא העגל הזה
25 vnumber="25"> css="font-weight:bold"> כה וירא משה את העם כי פרע הוא כי פרעה אהרן לשמצה בקמיהם
26 vnumber="26"> css="font-weight:bold"> כו ויעמד משה בשער המחנה ויאמר מי ליהוה אלי ויאספו אליו כל בני לוי
27 vnumber="27"> css="font-weight:bold"> כז ויאמר להם כה אמר יהוה אלהי ישראל שימו איש חרבו על ירכו עברו ושובו משער לשער במחנה והרגו איש את אחיו ואיש את רעהו ואיש את קרבו
28 vnumber="28"> css="font-weight:bold"> כח ויעשו בני לוי כדבר משה ויפל מן העם ביום ההוא כשלשת אלפי איש
29 vnumber="29"> css="font-weight:bold"> כט ויאמר משה מלאו ידכם היום ליהוה כי איש בבנו ובאחיו--ולתת עליכם היום ברכה
30 vnumber="30"> css="font-weight:bold"> ל ויהי ממחרת ויאמר משה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם
31 vnumber="31"> css="font-weight:bold"> לא וישב משה אל יהוה ויאמר אנא חטא העם הזה חטאה גדלה ויעשו להם אלהי זהב
32 vnumber="32"> css="font-weight:bold"> לב ועתה אם תשא חטאתם ואם אין--מחני נא מספרך אשר כתבת
33 vnumber="33"> css="font-weight:bold"> לג ויאמר יהוה אל משה מי אשר חטא לי אמחנו מספרי
34 vnumber="34"> css="font-weight:bold"> לד ועתה לך נחה את העם אל אשר דברתי לך--הנה מלאכי ילך לפניך וביום פקדי ופקדתי עלהם חטאתם
35 vnumber="35"> css="font-weight:bold"> לה ויגף יהוה את העם על אשר עשו את העגל אשר עשה אהרן {ס} art="x-p"/>