1 vnumber="1"> ותצא דינה בת לאה אשר ילדה ליעקב לראות בבנות הארץ
2 vnumber="2"> וירא אתה שכם בן חמור החוי--נשיא הארץ ויקח אתה וישכב אתה ויענה
3 vnumber="3"> ותדבק נפשו בדינה בת יעקב ויאהב את הנער וידבר על לב הנער
4 vnumber="4"> ויאמר שכם אל חמור אביו לאמר קח לי את הילדה הזאת לאשה
5 vnumber="5"> ויעקב שמע כי טמא את דינה בתו ובניו היו את מקנהו בשדה והחרש יעקב עד באם
6 vnumber="6"> ויצא חמור אבי שכם אל יעקב לדבר אתו
7 vnumber="7"> ובני יעקב באו מן השדה כשמעם ויתעצבו האנשים ויחר להם מאד כי נבלה עשה בישראל לשכב את בת יעקב וכן לא יעשה
8 vnumber="8"> וידבר חמור אתם לאמר שכם בני חשקה נפשו בבתכם--תנו נא אתה לו לאשה
9 vnumber="9"> והתחתנו אתנו בנתיכם תתנו לנו ואת בנתינו תקחו לכם
10 vnumber="10"> ואתנו תשבו והארץ תהיה לפניכם--שבו וסחרוה והאחזו בה
11 vnumber="11"> ויאמר שכם אל אביה ואל אחיה אמצא חן בעיניכם ואשר תאמרו אלי אתן
12 vnumber="12"> הרבו עלי מאד מהר ומתן ואתנה כאשר תאמרו אלי ותנו לי את הנער לאשה
13 vnumber="13"> ויענו בני יעקב את שכם ואת חמור אביו במרמה--וידברו אשר טמא את דינה אחתם
14 vnumber="14"> ויאמרו אליהם לא נוכל לעשות הדבר הזה--לתת את אחתנו לאיש אשר לו ערלה כי חרפה הוא לנו
15 vnumber="15"> אך בזאת נאות לכם אם תהיו כמנו להמל לכם כל זכר
16 vnumber="16"> ונתנו את בנתינו לכם ואת בנתיכם נקח לנו וישבנו אתכם והיינו לעם אחד
17 vnumber="17"> ואם לא תשמעו אלינו להמול--ולקחנו את בתנו והלכנו
18 vnumber="18"> וייטבו דבריהם בעיני חמור ובעיני שכם בן חמור
19 vnumber="19"> ולא אחר הנער לעשות הדבר כי חפץ בבת יעקב והוא נכבד מכל בית אביו
20 vnumber="20"> ויבא חמור ושכם בנו אל שער עירם וידברו אל אנשי עירם לאמר
21 vnumber="21"> האנשים האלה שלמים הם אתנו וישבו בארץ ויסחרו אתה והארץ הנה רחבת ידים לפניהם את בנתם נקח לנו לנשים ואת בנתינו נתן להם
22 vnumber="22"> אך בזאת יאתו לנו האנשים לשבת אתנו--להיות לעם אחד בהמול לנו כל זכר כאשר הם נמלים
23 vnumber="23"> מקנהם וקנינם וכל בהמתם הלוא לנו הם אך נאותה להם וישבו אתנו
24 vnumber="24"> וישמעו אל חמור ואל שכם בנו כל יצאי שער עירו וימלו כל זכר--כל יצאי שער עירו
25 vnumber="25"> ויהי ביום השלישי בהיותם כאבים ויקחו שני בני יעקב שמעון ולוי אחי דינה איש חרבו ויבאו על העיר בטח ויהרגו כל זכר
26 vnumber="26"> ואת חמור ואת שכם בנו הרגו לפי חרב ויקחו את דינה מבית שכם ויצאו
27 vnumber="27"> בני יעקב באו על החללים ויבזו העיר--אשר טמאו אחותם
28 vnumber="28"> את צאנם ואת בקרם ואת חמריהם ואת אשר בעיר ואת אשר בשדה לקחו
29 vnumber="29"> ואת כל חילם ואת כל טפם ואת נשיהם שבו ויבזו ואת כל אשר בבית
30 vnumber="30"> ויאמר יעקב אל שמעון ואל לוי עכרתם אתי להבאישני בישב הארץ בכנעני ובפרזי ואני מתי מספר ונאספו עלי והכוני ונשמדתי אני וביתי
31 vnumber="31"> ויאמרו הכזונה יעשה את אחותנו {פ}
art="x-p"/>