1 vnumber="1"> css="font-weight:bold"> א ולא יכל יוסף להתאפק לכל הנצבים עליו ויקרא הוציאו כל איש מעלי ולא עמד איש אתו בהתודע יוסף אל אחיו
2 vnumber="2"> css="font-weight:bold"> ב ויתן את קלו בבכי וישמעו מצרים וישמע בית פרעה
3 vnumber="3"> css="font-weight:bold"> ג ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו
4 vnumber="4"> css="font-weight:bold"> ד ויאמר יוסף אל אחיו גשו נא אלי ויגשו ויאמר אני יוסף אחיכם אשר מכרתם אתי מצרימה
5 vnumber="5"> css="font-weight:bold"> ה ועתה אל תעצבו ואל יחר בעיניכם כי מכרתם אתי הנה כי למחיה שלחני אלהים לפניכם
6 vnumber="6"> css="font-weight:bold"> ו כי זה שנתים הרעב בקרב הארץ ועוד חמש שנים אשר אין חריש וקציר
7 vnumber="7"> css="font-weight:bold"> ז וישלחני אלהים לפניכם לשום לכם שארית בארץ ולהחיות לכם לפליטה גדלה
8 vnumber="8"> css="font-weight:bold"> ח ועתה לא אתם שלחתם אתי הנה כי האלהים וישימני לאב לפרעה ולאדון לכל ביתו ומשל בכל ארץ מצרים
9 vnumber="9"> css="font-weight:bold"> ט מהרו ועלו אל אבי ואמרתם אליו כה אמר בנך יוסף שמני אלהים לאדון לכל מצרים רדה אלי אל תעמד
10 vnumber="10"> css="font-weight:bold"> י וישבת בארץ גשן והיית קרוב אלי--אתה ובניך ובני בניך וצאנך ובקרך וכל אשר לך
11 vnumber="11"> css="font-weight:bold"> יא וכלכלתי אתך שם כי עוד חמש שנים רעב פן תורש אתה וביתך וכל אשר לך
12 vnumber="12"> css="font-weight:bold"> יב והנה עיניכם ראות ועיני אחי בנימין כי פי המדבר אליכם
13 vnumber="13"> css="font-weight:bold"> יג והגדתם לאבי את כל כבודי במצרים ואת כל אשר ראיתם ומהרתם והורדתם את אבי הנה
14 vnumber="14"> css="font-weight:bold"> יד ויפל על צוארי בנימן אחיו ויבך ובנימן--בכה על צואריו
15 vnumber="15"> css="font-weight:bold"> טו וינשק לכל אחיו ויבך עלהם ואחרי כן דברו אחיו אתו
16 vnumber="16"> css="font-weight:bold"> טז והקל נשמע בית פרעה לאמר באו אחי יוסף וייטב בעיני פרעה ובעיני עבדיו
17 vnumber="17"> css="font-weight:bold"> יז ויאמר פרעה אל יוסף אמר אל אחיך זאת עשו טענו את בעירכם ולכו באו ארצה כנען
18 vnumber="18"> css="font-weight:bold"> יח וקחו את אביכם ואת בתיכם ובאו אלי ואתנה לכם את טוב ארץ מצרים ואכלו את חלב הארץ
19 vnumber="19"> css="font-weight:bold"> יט ואתה צויתה זאת עשו קחו לכם מארץ מצרים עגלות לטפכם ולנשיכם ונשאתם את אביכם ובאתם
20 vnumber="20"> css="font-weight:bold"> כ ועינכם אל תחס על כליכם כי טוב כל ארץ מצרים לכם הוא
21 vnumber="21"> css="font-weight:bold"> כא ויעשו כן בני ישראל ויתן להם יוסף עגלות על פי פרעה ויתן להם צדה לדרך
22 vnumber="22"> css="font-weight:bold"> כב לכלם נתן לאיש חלפות שמלת ולבנימן נתן שלש מאות כסף וחמש חלפת שמלת
23 vnumber="23"> css="font-weight:bold"> כג ולאביו שלח כזאת עשרה חמרים נשאים מטוב מצרים ועשר אתנת נשאת בר ולחם ומזון לאביו--לדרך
24 vnumber="24"> css="font-weight:bold"> כד וישלח את אחיו וילכו ויאמר אלהם אל תרגזו בדרך
25 vnumber="25"> css="font-weight:bold"> כה ויעלו ממצרים ויבאו ארץ כנען אל יעקב אביהם
26 vnumber="26"> css="font-weight:bold"> כו ויגדו לו לאמר עוד יוסף חי וכי הוא משל בכל ארץ מצרים ויפג לבו כי לא האמין להם
27 vnumber="27"> css="font-weight:bold"> כז וידברו אליו את כל דברי יוסף אשר דבר אלהם וירא את העגלות אשר שלח יוסף לשאת אתו ותחי רוח יעקב אביהם
28 vnumber="28"> css="font-weight:bold"> כח ויאמר ישראל רב עוד יוסף בני חי אלכה ואראנו בטרם אמות art="x-p"/>