1 vnumber="1"> css="font-weight:bold"> א דברי ירמיהו בן חלקיהו מן הכהנים אשר בענתות בארץ בנימן
2 vnumber="2"> css="font-weight:bold"> ב אשר היה דבר יהוה אליו בימי יאשיהו בן אמון מלך יהודה בשלש עשרה שנה למלכו
3 vnumber="3"> css="font-weight:bold"> ג ויהי בימי יהויקים בן יאשיהו מלך יהודה עד תם עשתי עשרה שנה לצדקיהו בן יאשיהו מלך יהודה--עד גלות ירושלם בחדש החמישי {פ} art="x-p"/>
4 vnumber="4"> css="font-weight:bold"> ד ויהי דבר יהוה אלי לאמר
5 vnumber="5"> css="font-weight:bold"> ה בטרם אצורך (אצרך) בבטן ידעתיך ובטרם תצא מרחם הקדשתיך נביא לגוים נתתיך
6 vnumber="6"> css="font-weight:bold"> ו ואמר אהה אדני יהוה הנה לא ידעתי דבר כי נער אנכי {ס} art="x-p"/>
7 vnumber="7"> css="font-weight:bold"> ז ויאמר יהוה אלי אל תאמר נער אנכי כי על כל אשר אשלחך תלך ואת כל אשר אצוך תדבר
8 vnumber="8"> css="font-weight:bold"> ח אל תירא מפניהם כי אתך אני להצלך נאם יהוה
9 vnumber="9"> css="font-weight:bold"> ט וישלח יהוה את ידו ויגע על פי ויאמר יהוה אלי הנה נתתי דברי בפיך
10 vnumber="10"> css="font-weight:bold"> י ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס--לבנות ולנטוע {פ} art="x-p"/>
11 vnumber="11"> css="font-weight:bold"> יא ויהי דבר יהוה אלי לאמר מה אתה ראה ירמיהו ואמר מקל שקד אני ראה
12 vnumber="12"> css="font-weight:bold"> יב ויאמר יהוה אלי היטבת לראות כי שקד אני על דברי לעשתו {ס} art="x-p"/>
13 vnumber="13"> css="font-weight:bold"> יג ויהי דבר יהוה אלי שנית לאמר מה אתה ראה ואמר סיר נפוח אני ראה ופניו מפני צפונה
14 vnumber="14"> css="font-weight:bold"> יד ויאמר יהוה אלי מצפון תפתח הרעה על כל ישבי הארץ
15 vnumber="15"> css="font-weight:bold"> טו כי הנני קרא לכל משפחות ממלכות צפונה--נאם יהוה ובאו ונתנו איש כסאו פתח שערי ירושלם ועל כל חומתיה סביב ועל כל ערי יהודה
16 vnumber="16"> css="font-weight:bold"> טז ודברתי משפטי אותם על כל רעתם--אשר עזבוני ויקטרו לאלהים אחרים וישתחוו למעשי ידיהם
17 vnumber="17"> css="font-weight:bold"> יז ואתה תאזר מתניך וקמת ודברת אליהם את כל אשר אנכי אצוך אל תחת מפניהם--פן אחתך לפניהם
18 vnumber="18"> css="font-weight:bold"> יח ואני הנה נתתיך היום לעיר מבצר ולעמוד ברזל ולחמות נחשת--על כל הארץ למלכי יהודה לשריה לכהניה ולעם הארץ
19 vnumber="19"> css="font-weight:bold"> יט ונלחמו אליך ולא יוכלו לך כי אתך אני נאם יהוה להצילך {פ} art="x-p"/>