1 vnumber="1"> ויען איוב ויאמר br
2 vnumber="2"> אמנם ידעתי כי-כן ומה-יצדק אנוש עם-אל br
3 vnumber="3"> אם-יחפץ לריב עמו-- לא-יעננו אחת מני-אלף br
4 vnumber="4"> חכם לבב ואמיץ כח-- מי-הקשה אליו וישלם br
5 vnumber="5"> המעתיק הרים ולא ידעו-- אשר הפכם באפו br
6 vnumber="6"> המרגיז ארץ ממקומה ועמודיה יתפלצון br
7 vnumber="7"> האמר לחרס ולא יזרח ובעד כוכבים יחתם br
8 vnumber="8"> נטה שמים לבדו ודורך על-במתי ים br
9 vnumber="9"> עשה-עש כסיל וכימה וחדרי תמן br
10 vnumber="10"> עשה גדלות עד-אין חקר ונפלאות עד-אין מספר br
11 vnumber="11"> הן יעבר עלי ולא אראה ויחלף ולא-אבין לו br
12 vnumber="12"> הן יחתף מי ישיבנו מי-יאמר אליו מה-תעשה br
13 vnumber="13"> אלוה לא-ישיב אפו תחתו שחחו עזרי רהב br
14 vnumber="14"> אף כי-אנכי אעננו אבחרה דברי עמו br
15 vnumber="15"> אשר אם-צדקתי לא אענה למשפטי אתחנן br
16 vnumber="16"> אם-קראתי ויענני-- לא-אאמין כי-יאזין קולי br
17 vnumber="17"> אשר-בשערה ישופני והרבה פצעי חנם br
18 vnumber="18"> לא-יתנני השב רוחי כי ישבעני ממררים br
19 vnumber="19"> אם-לכח אמיץ הנה ואם-למשפט מי יועידני br
20 vnumber="20"> אם-אצדק פי ירשיעני תם-אני ויעקשני br
21 vnumber="21"> תם-אני לא-אדע נפשי אמאס חיי br
22 vnumber="22"> אחת היא על-כן אמרתי--תם ורשע הוא מכלה br
23 vnumber="23"> אם-שוט ימית פתאם-- למסת נקים ילעג br
24 vnumber="24"> ארץ נתנה ביד-רשע-- פני-שפטיה יכסה br אם-לא אפוא מי-הוא br
25 vnumber="25"> וימי קלו מני-רץ ברחו לא-ראו טובה br
26 vnumber="26"> חלפו עם-אניות אבה כנשר יטוש עלי-אכל br
27 vnumber="27"> אם-אמרי אשכחה שיחי אעזבה פני ואבליגה br
28 vnumber="28"> יגרתי כל-עצבתי ידעתי כי-לא תנקני br
29 vnumber="29"> אנכי ארשע למה-זה הבל איגע br
30 vnumber="30"> אם-התרחצתי במו- (במי-) שלג והזכותי בבר כפי br
31 vnumber="31"> אז בשחת תטבלני ותעבוני שלמותי br
32 vnumber="32"> כי-לא-איש כמוני אעננו נבוא יחדו במשפט br
33 vnumber="33"> לא יש-בינינו מוכיח-- ישת ידו על-שנינו br
34 vnumber="34"> יסר מעלי שב big ט /big ו ואמתו אל-תבעתני br
35 vnumber="35"> אדברה ולא איראנו כי לא-כן אנכי עמדי
art="x-p"/>