1 vnumber="1"> וימן יהוה דג גדול לבלע את יונה ויהי יונה במעי הדג שלשה ימים ושלשה לילות
2 vnumber="2"> ויתפלל יונה אל יהוה אלהיו ממעי הדגה
3 vnumber="3"> ויאמר קראתי מצרה לי אל יהוה--ויענני מבטן שאול שועתי שמעת קולי
4 vnumber="4"> ותשליכני מצולה בלבב ימים ונהר יסבבני כל משבריך וגליך עלי עברו
5 vnumber="5"> ואני אמרתי נגרשתי מנגד עיניך אך אוסיף להביט אל היכל קדשך
6 vnumber="6"> אפפוני מים עד נפש תהום יסבבני סוף חבוש לראשי
7 vnumber="7"> לקצבי הרים ירדתי הארץ ברחיה בעדי לעולם ותעל משחת חיי יהוה אלהי
8 vnumber="8"> בהתעטף עלי נפשי את יהוה זכרתי ותבוא אליך תפלתי אל היכל קדשך
9 vnumber="9"> משמרים הבלי שוא--חסדם יעזבו
10 vnumber="10"> ואני בקול תודה אזבחה לך אשר נדרתי אשלמה ישועתה ליהוה {ס}
art="x-p"/> (Jonah 2:11) ויאמר יהוה לדג ויקא את יונה אל היבשה {פ}
art="x-p"/>