1 vnumber="1"> אל-תקנא באנשי רעה ואל-תתאו להיות אתם br
2 vnumber="2"> כי-שד יהגה לבם ועמל שפתיהם תדברנה br
3 vnumber="3"> בחכמה יבנה בית ובתבונה יתכונן br
4 vnumber="4"> ובדעת חדרים ימלאו-- כל-הון יקר ונעים br
5 vnumber="5"> גבר-חכם בעוז ואיש-דעת מאמץ-כח br
6 vnumber="6"> כי בתחבלות תעשה-לך מלחמה ותשועה ברב יועץ br
7 vnumber="7"> ראמות לאויל חכמות בשער לא יפתח-פיהו br
8 vnumber="8"> מחשב להרע-- לו בעל-מזמות יקראו br
9 vnumber="9"> זמת אולת חטאת ותועבת לאדם לץ br
10 vnumber="10"> התרפית ביום צרה-- צר כחכה br
11 vnumber="11"> הצל לקחים למות ומטים להרג אם-תחשוך br
12 vnumber="12"> כי-תאמר-- הן לא-ידענו-זה br הלא-תכן לבות הוא-יבין ונצר נפשך הוא ידע והשיב לאדם כפעלו br
13 vnumber="13"> אכל-בני דבש כי-טוב ונפת מתוק על-חכך br
14 vnumber="14"> כן דעה חכמה--לנפשך אם-מצאת ויש אחרית ותקותך לא תכרת
art="x-p"/>
15 vnumber="15"> אל-תארב רשע לנוה צדיק אל-תשדד רבצו br
16 vnumber="16"> כי שבע יפול צדיק וקם ורשעים יכשלו ברעה br
17 vnumber="17"> בנפל אויביך (אויבך) אל-תשמח ובכשלו אל-יגל לבך br
18 vnumber="18"> פן-יראה יהוה ורע בעיניו והשיב מעליו אפו
art="x-p"/>
19 vnumber="19"> אל-תתחר במרעים אל-תקנא ברשעים br
20 vnumber="20"> כי לא-תהיה אחרית לרע נר רשעים ידעך br
21 vnumber="21"> ירא-את-יהוה בני ומלך עם-שונים אל-תתערב br
22 vnumber="22"> כי-פתאם יקום אידם ופיד שניהם מי יודע
art="x-p"/>
23 vnumber="23"> גם-אלה לחכמים הכר-פנים במשפט בל-טוב br
24 vnumber="24"> אמר לרשע--צדיק אתה יקבהו עמים יזעמוהו לאמים br
25 vnumber="25"> ולמוכיחים ינעם ועליהם תבוא ברכת-טוב br
26 vnumber="26"> שפתים ישק משיב דברים נכחים br
27 vnumber="27"> הכן בחוץ מלאכתך--ועתדה בשדה לך אחר ובנית ביתך
art="x-p"/>
28 vnumber="28"> אל-תהי עד-חנם ברעך והפתית בשפתיך br
29 vnumber="29"> אל-תאמר--כאשר עשה-לי כן אעשה-לו אשיב לאיש כפעלו
art="x-p"/>
30 vnumber="30"> על-שדה איש-עצל עברתי ועל-כרם אדם חסר-לב br
31 vnumber="31"> והנה עלה כלו קמשנים--כסו פניו חרלים וגדר אבניו נהרסה br
32 vnumber="32"> ואחזה אנכי אשית לבי ראיתי לקחתי מוסר br
33 vnumber="33"> מעט שנות מעט תנומות מעט חבק ידים לשכב br
34 vnumber="34"> ובא-מתהלך רישך ומחסריך כאיש מגן
art="x-p"/>